Մանկատան սաների բնակարանների հատկացման ձախողված ծրագիրը
04.12.2014
11:30
Մանկատան սաներին բնակարաններով ապահովելու հարցը նախկին ձախողված ծրագրից հետո էլ դեռ դանդաղ աջաջընթաց ունի, և ավելի քան 300 շրջանավարտներ սպասում են իրենց հասանելիք բնակարաններին` շատերը 1993 թվականից ապրելով կիսաքանդ հանրակացարանների անմարդկային պայմաններում:

ՀՀ կառավարությունը, ըստ օրենքի, պարտավորված է մանկատան շրջանավարտներին ապահովել կացարաններով, սակայն անկախությունից հետո միայն 2003-ից մեկնարկած բնակարանների հատկացման ծրագիրը, որ պետք է բնակարաններով ապահովեր մանկատան մոտ 503 շրջանավարտների ձախողվեց: Ըստ Վերահսկիչ պալատի` ծրագիրն իրականացվել էր միայն 20 տոկոսով, մսխվել էր շուրջ 4 մլն դոլար:  

Դեկտեմբերի 4-ին «Հանուն հավասար իրավունքների» նախաձեռնությունը «Մեդիա կենտրոն»-ի հետ համագործակցությամբ «Մանկատան սաների բնակարանների հատկացման ձախողված ծրագիրը» թեմայով քննարկում էր կազմակերպել, որի ժամանակ Աշխատանքի և սոցիալական հարցերի նախարարության սոցիալական աջակցության վարչության պետ Աստղիկ Մինասյանը տեղեկացրել է, որ այսօր բնակարան ստանալու հերթում հաշվառված են մանկատան 234 սաներ, առանց ծնողական խնամքի մնացած 109 անձինք, սակայն հաշվառման ցուցակը շարունակական է:

«2013 թվականի օգոստոսի մեկին մեկնարկել է նոր ծրագիրը, որը կոչվում է «Սոցիալապես անապահով և հատուկ խմբերի դասված անձանց կացարանների և այլ սոցիալական ծառայությունների տրամադրում»: Կառավարության այդ որոշմամբ հստակ սահմանվեց այն հատուկ խմբերը և սոցիալապես անապահով այն խմբերը, որոնք կարող են հավակնել կացարանի ստացման և դրան զուգահեռ այլ ծառայությունների, քանի որ միայն կացարանի տրամադրումը բոլոր խնդիրները չէ, որ լուծում է»,-ասել է Մինասյանը:

Ըստ Մինասյանի՝ վերջին շրջանում առավել ակտիվացել է կացարանների տրամադրման գործընթացը, մասնավորապես 2012-ին 59 անձ, որոնց թվում մանկատան շրջանավարտներ և առանց ծնողական խնամքի մնացած անձինք, Մարալիկում ստացել են կացարան, արդեն իսկ բնակեցվել է շենքի 15 բնակարան, ևս 15 բնակարանի համար ուսումնասիրվում են հերթագրվածների տվյալները: Մինասյանն ասում է, որ բնակարան տրամադրելու պայմաններից է չունենալ սեփականության իրավունքով բնակարան և վերջին հինգ տարիների ընթացքում անշարժ գույքի առք ու վաճառք կատարած չլինել:

«Ցավոք Մարալիկում կան նաև հրաժարումներ, ինչը հիմնականում աշխատանք չունենալու հետևանք է: Փորձում ենք հնարավորինս լուծել նրանց աշխատանքի հարցը, սակայն միևնույնն է, գրեթե բոլորը ցանկանում են կացարան ստանալ Երևանում, որտեղ կա արդեն կացարան, որի բնակեցումն արդեն սկսված է»,-ասել է Մինասյանը:

«Մեր տունը» ՀԿ-ի, որն իր տանիքի տակ է պահում մանկատան շրջանավարտների, տնօրեն Տիգրանուհի Կարապետյանն ասել է, որ բնակարանային ծրագրի ձախողման հետևանքով, այսօր «Մեր Տանը» բնակվում է 11 աղջիկ, որոնցից երեքն այնտեղ ապրում են արդեն ութ տարի: Իրենց հետ լրացուցիչ չորս տարվա պայմանագիր է կնքվել, սակայն դոնոր կազմակերպություններն արդեն պահանջում են հանել աղջիկներին, որպեսզի նոր սաներ կարողանան ընդունել:

Մինչդեռ, ըստ Կարապետյանի, կան շատ բնակարաններ, որոնք ստացել են մանկատան սաները, սակայն դրանք տրված են վարձակալության, իսկ տերերը երկրից դուրս են գտնվում:

Մարդու իրավունքների պաշտպանի խորհրդական Աննա Սաֆարյանն էլ ասել է, որ դեռևս 2013-ին ՄԻՊ-ը հինգ դիմում բողոք է ստացել մանկատան շրջանավարտներից, որոնք խնդիրներ ունեին իրենց բնակարանի հատկացման հետ կապված, և ՄԻՊ միջամտությամբ հարցը լուծվել է: Սաֆարյանն ասել է նաև, որ ՄԻՊ-ը հսկողություն է իրականացնում հասկանալու համար` այդ ծրագիրն իրականացվում է լիարժեք, թե ոչ:

«Մեր դիտարկումները ցույց են տալիս, որ միանշանակ ողջունելի են պետության կողմից իրականացված քայլերը, սակայն այն տպավորությունն է, որ մանկատան շրջանավարտներին պարզապես բնակարան ապահովելով` մենք լուծում ենք մեր պարտականությունը, և կարող ենք ասել, որ պետությունն իր վրա դրված պարտականությունն իրականացրել է, մինչդեռ հաշվի չենք առնում, որ այդ բնակարաններից ոչ բոլորն են ունեցել նորմալ պայմաններ»,-ասել է Սաֆարյանը:

Բանախոսը անդրադարձավ նաև հաշմանդամություն ունեցող մանկատան սաների խնդրին` նշելով, որ բացարձակ որևէ միջոց չի ձեռնարկվում նրանց բնակարանով ապահովելու համար:

 

Տեսանյութ
Print Friendly and PDF
Այլ մամլո հաղորդագրություններ
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ