Դրամի արժեզրկումը առաջացնելու է գնաճային ռիսկեր
01.12.2014
10:30
Դոլարի նկատմամբ դրամի արժեզրկումը 4%-ային կետով մի քանի օրվա ընթացքում բազմագործոն երևույթ է, ինչը բացասաբար է անդրադառնում Հայաստանի տնտեսական ցուցանիշների վրա: Տնատեսագետների կարծիքով, դրամի արժեզրկումը չի հանգեցնի Հայաստան մտնող մասնավոր տրանսֆերտների գնողունակության աճին, ինչի մասին ասում է Կենտրոնական բանկը, քանի որ դրամական փոխանցումների 85% գալիս են Ռուսաստանի Դաշնությունից ռուբլով: Ռուսական ռուբլին վերջին մի քանի մաիսների ընցաքում արժեզրկվել է մոտ 35%:

Կենտրոնական բանկի՝ ազգային արժույքի արժեզրկման մասին տարածած հաղորդագրության մեջ տրվում են լավատեսական գնահատակններ: Ըստ Հայաստանի գլխավոր բանկի տարածած հայտարարության՝ ՀՀ դրամի փոխարժեքի ճշգրտումը թելադրված է վերջին ժամանակահատվածում տարածաշրջանում և միջազգային ֆինանսական շուկաներում տեղի ունեցած զարգացումներով: Կենտրոնական բանկում նաև կարծում են, որ ազգային արժույթի արժզրկումը նպաստում է արտահանման մրցունակության բարձրացմանը, տնտեսական աճին, կայուն աշխատատեղերի ստեղծմանը և պահպանմանը, ինչպես նաև բնակչության կողմից ստացվող տրանսֆերտների գնողունակության աճին:

Նույն հաղորդագրության մեջ ԿԲ-ն ասում է, որ շուկայում ձևավորված փոխարժեքը լիարժեք արտացոլում է այդ զարգացումները և գտնվում է կայունացման տիրույթում: Երկրի ֆինանսական կայունության մասին, ըստ ԿԲ մասնագետների պետք չէ անհանգստանալ, քանի որ  առկա պահուստները լիովին բավարար են կանխելու փոխարժեքի բոլոր տեսակի արհեստական տատանումները և ապահովելու ֆինանսական կայունությունը:

«Դրամի արժեզրկումը բազմագործոն երևույթ է, սակայն այն պետք է տեղի ունենար ավելի շուտ, քանի որ չկային նպաստող պայմաններ դրամի փոխարժեքի պահպանման համար: Բայց այն, որ արժեզրկումը տեղի ունեցավ շատ կտրուկ, ոչ քայլ առ քայլ, նշանակում է Կենտրոնական բանկը այնքան էլ հաշվի չի առել բիզնեսի և խնայողություններ դոլարով ունեցող մարդկանց շահերը», - նշեց դեկտեմբերի 1-ին «Մեդիա կենտրոնի» կողմից կազմակերպած «Դոլարի նկատմամբ դրամի փոխարժեքի տատանումները և Ռուսաստանի տնտեսական իրավիճակի վատթարացման հետևանքների ազդեցությունը Հայաստանի վրա» թեմայով ասուլիս-քննարկման ժամանակ ոչ իշխանական “Բարգավաճ Հայաստան” կուսակցության խորհրդարանական խմբակցության անդամ Միքայել Մելքումյանը:

Պատգամավորի կարծիքով, դրամի փոխարժեքի անկման վրա ազդել են մի քանի գործոններ՝ Ռուսաաստանի նկատմամբ պատժամիջոցները, ռուբլու արժեզրկումը, Հայաստանում տնտեսական ակտիվության թուլացումը և ներդրումների ծավալների կրճատումը: «Արժեզրկման գործընթացը կարող է շարունակվել», - նշեց Մելքումյանը:

Տնտեսագետ Վիլեն Խաչատրյանի կարծիկով Կենտրոնական բանկը միտումնավոր է ընտրել «մեկ քայլով, կտրուկ» արժեզրկան տակտիկան, որպեսզի չառաջացնի տնտեսության մեջ բացասական սպասումներ և հանրավորինս զսպի սեկուլյատիվ խաղերի հնարավորությունները: Մասնագետին սակայն վստահություն չի ներշնչում ԿԲ հայտարությունը դրամական փոխանցումների գնողունակության աճի մասին դրամի արժեզրկման պայմաններում: «Մասնավոր տրասնֆերտների մեծ մասը Հայաստան է մտնում ռուսական ռոբլով, որը արժզրկվում է: Այսինքն այդ տրանսֆերտների գնողունակությունը կրճատվում է», - նշեց Խաչատրյանը, հավելելով, որ դոլարի արժեվորմանը նպաստող գործոններից է ամերիկյան տնտեսության վերականգնումը և վերջինիս կողմից դոլարի քանակություն կրճտման միտումները շուկաներում:

«Հայ ազգային կոնգրես» կուսակցության անդամ, տնտեսագետ Վահագն Խաչատրյանի կարծիքով տարօրինակ է, որ 2015 թվականի ՀՀ բյուջեում կառավարության կողմից չեն արվում ճշգրտումներ դրամի փոխարժեքի մասով: «Դրամի փոխարժեքը բյուջեում սահմանված է 411 դրամ 1 ամերիկյան դոլարի համար: Հիմա այդ փոխարժեքը հասել է 435 դրամի», - նշեց նա: Ըստ Խաչատրյանի, եթե կառավարությւոնը գնա բյուջի ճշգրտման, այն պետք է փոխի նաև տնտեսական աճի սպասումները՝ տանելով դեպի նվազեցման: «Խնդիրը շատ ավելի լուրջ է, քան կարող ենք պատկերացնել: Առևտրային բանկերում կա անորոշություն: Խնդիր է առաջացել հենց արտարժույթի պահանջարկի առումով: Միգուցե կա նաև վստահության պակաս», - նշեց Խաչատրյանը:

Նրա կարծիքով, խնդիրը ամբողջությամբ չի ներկայացվում հասարակությանը: «Ցավալի է, որ այս գործընթացին մասնակցում է նաև Արժույքի միջազգային հիմնադրմաը՝ անելով համապատսախան հայտարարություն», - հավելեց Վահագն Խաչատրյանը, նշելով, որ դոլարի արժվորումը տեղական շուկայում առաջացնելու է ինֆլյացիոն ռիսկեր, քանի որ Հայաստանը երեք անգամ ավելի շատ ապրանք է ներմուծում, քան արտահանում:  

Հայրենական ապրանք արտադրողների միության նախագահ Վազգեն Սաֆարյանի կարծիքով դրամի արժեզրկումը կնպաստի արտահանման ծավալների աճին, սակայն ռուբլու շարունակվող արժեզրկման պայմաններում Հայաստանի տնտեսվարողների մոտ կա որոշակի վախ: «Սակայն մենք հատկապես Եվրասիական տնտեսական միություն մտնելու կոնտեքստում պետք է կարողանանք ամրապնդել մեր դիրքերը այդ շուկայում, և զարգացնել մեր արտադարությունները», - նշեց Սաֆարյանը:

Ամփոփելով քննարկումը՝ բանախոսները նշեցին, որ նորտարվա տոներից հետո հնարավոր է դրամի արժեզրկման նոր ալիք և խորհուրդ տվեցին ՀՀ քաղաքացիներին պահել խնայողությունները հիմանակնում դոլարով և եվրոյով: Իսկ Հայաստանի անդամակցությունը Եվրասիական տնտեսական միությանը, որը տեղի կունենա 2015 թ. հունվարի 1-ին, համարեցին ստեղծված պայմաններում անորոշությունը ուժեղացնող ևս մի գործոն, որն առաջացնելու է գնաճային ռիսկեր:     

    

Տեսանյութ
Print Friendly and PDF
Այլ մամլո հաղորդագրություններ
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ