2013- 2014թթ. զորակոչերի ընթացքում զինակոչիկների իրավունքների վիճակի մասին զեկույց
24.11.2014
13:00
2013 թվականի ձմեռային և 2014 թվականի ամառային զորակոչերի ժամանակ արձանագրված խախտումները թույլ են տալիս փորձագետներին պնդել, որ զինակոչիկները չունեն իրավական հնարավորություններ իրենց ոտնահարված իրավունքների վերականգնման համար:

«ՀՀ պաշտպանության նախարարության 410 հրամանը պետք է դառնա ՀՀ Զինապարտության մասին օրենքի բաղկացուցիչ մասը, որ գոնե որևիցե մեկը համարձակվի բողոքարկել այդ իրավական փաստաթուղթը դատական ատյաններում», - ասաց ՀՔԱ Վանաձորի գրասենյակի նախագահ Արթուր Սաքունցն այսօր «Մեդիա կենտրոնում» տեղի ունեցած մամլո ասուլիսի ժամանակ:

Բանախոսի համոզմամբ` զինակոչի ժամանակ դատաբժշկական հանձնաժողովի որոշումների բողոքարկման աստիճանը շատ ցածր է, և եթե լիներ գոնե մեկ նախադեպ, որ անձը համաձայներ անգամ զորակոչվելուց հետո բողոքարկել, կարձանագրվեր առաջընթաց:

Ասուլիսի բանախոսներն էին ՀՔԱ Վանաձորի գրասենյակի նախագահ Արթուր Սաքունցը, նույն գրասենյակի խաղաղասիրական ծրագրերի համակարգող Արմինե Սադիկյանն ու բժիշկ-փորձագետ Վարդան Համբարձումյանը:

«Զորակոչի ժամանակ արձանագրված խախտումները միայն օրենսդրական բացի արդյունքում չեն առաջացել, այլ դրանք իրավակիրառ պրակտիկայի խախտումներ են: Եթե անգամ գոյություն ունի որևէ իրավական ակտ, դա չի կիրառվում», - նշեց Արմինե Սադիկյանը:

Վարդան Համբարձումյանի դիտարկմամբ` ՀՀ պաշտպանության նախարարության 410 հրամանը չունի դրույթներ, որոնք կսահմանեն մի շարք հիվանդությունների ծանրության աստիճանների չափանիշները: «Կա ֆունկցիայի խանգարման որոշման չափանիշի սուբյեկտիվություն», քանի որ բժիշկն ինքն է որոշում, թե զորակոչիկի որևէ ֆունկցիա ինչքան է խախտված:

Արմինե Սադիկյանը հավելեց, որ 2013 թվականի ձմեռայինեւ 2014 թվականի ամառային զորակոչերի ընթացքում զինակոչիկների իրավունքների վիճակի մասին զեկույցում ներկայացրել են դեպքեր, երբ զորակոչիկին 3-րդ անգամ տարկետում տալով հանդերձ` ծառայությունից ազատելու փոխարեն 4-րդ անգամ են տալիս տարկետում, ինչն օրենքի խախտում է:

Բանախոսը նշեց, որ իրենց դիմած 26 անձանցից 11-ը ստացել են բանավոր խորհրդակցություն, իսկ 15-ին տրվել է հանգամանալից իրավական աջակցություն, ինչի արդյունքում այս պահի դրությամբ մեկ զորակոչիկ ազատվել է պարտադիր զինվորական ծառայությունից, իսկ մյուս վեցը ստացել են տարկետում:

ՀՔԱ Վանաձորի գրասենյակի ներկայացուցիչների համոզմամբ` զորակոչերի ժամանակ ոչ թե գանգատների, այլ համալիր բժշկական զննության հիման վրա պետք է տրվի եզրակացություն, քանի որ սխալ է առաջնորդվել միայն տվյալ պահի առողջական վիճակի գնահատմամբ: Իսկ զորակոչը պետք է կանոնակարգվի ոչ թե իրավական ակտով` ՀՀ ՊՆ 410 հրամանով, այլ համապատասխան օրենքով:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Մեր սոցիալական իմունիտետը, կարծես, բարձր չէ
13.08.2020
17:01
Օգոստոսի 13-ին, ժամը 13:00-ին, Մեդիա կենտրոնում տեղի ունեցավ «Մեր սոցիալական իմունիտետը» ֆիլմի առցանց դիտումը և քննարկումը:

Անդրիաս Ղուկասյանի դեմ հարուցված քրեական գործը՝ Դամոկլյան սուր
13.08.2020
16:57
Օգոստոսի 13-ին, ժամը 11:00-ին, Մեդիա կենտրոնում տեղի ունեցավ Անդրիաս Ղուկասյանի մամուլի ասուլիսը՝ «Անդրիաս Ղուկասյանի դեմ հարուցված քրեական գործը՝ Դամոկլյան սուր» թեմայով:

Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...