Քաղաքացիական բողոքի ձայն. օրինաչա՞փ է իրավապահ մարմինների արձագանքը
19.11.2014
12:00
Քաղաքացիական ակտիվիստները ոստիկանության վարքագիծը քաղաքացիական բողոքների ընթացքում համարում են ոչ օրինաչափ եւ կանխատեսում են վարքագծի վատացում Եվրասիական տնտեսական միությանը (ԵՏՄ) Հայաստանի միանալուց հետո:

Իրավապաշտպանի եւ ակտիվիստների գնահատմամբ` նոյեմբերի 12-ին եւ նոյեմբերի 14-ին ՀՀ ֆինանսների նախարարության շենքի ու Սահմանադրական դատարանի շենքի մոտ քաղաքացիական ակտիվիստները իրացրել են իրենց խաղաղ հավաքների իրավունքը, իսկ ոստիկանների գործողությունները եղել են ոչ իրավաչափ: 

«Սրանք ազատություններ են եւ սահմանափակման ենթակա չեն այլ կերպ, քան նախատեսված օրենքով: Այսինքն, սահմանափակումները բացի օրենքով սահմանված լինելուց, պետք է լինեն պիտանի ու անհրաժեշտ ժողովրդավարական հասարակության համար: Իրավունքի խախտումն առկա է», - այսօր «Մեդիա կենտրոնում» ասաց իրավապաշտպան Արտակ Զեյնալյանը

Քննարկմանը մասնակցում էին իրավապաշտպան Արտակ Զեյնալյանը, ինչպես նաև նոյեմբերի 12-ին «Դե!մ եմ»-ի` ի պաշտպանություն երիտասարդ դասախոսների ակցիայի ու նոյեմբերի 14-ին Հայաստանի` ԵՏՄ անդամակցությանը դեմ ակցիաների մասնակիցներ «Դե!մ եմ» նախաձեռնության անդամ Դավիթ Մանուկյանը, հրապարակախոս Զարուհի Հովհաննիսյանը, ակտիվիստ Գոհար Սարոյանը և Քաղաքացիական պայմանագրի անդամ Արայիկ Հարությունյանը:

«Ոստիկանության ոչ օրինաչափ գործողության արդյունքում լղոզվում է այն գաղափարը, որի համար մարդիկ դուրս են եկել փողոց և բարձրացրել պայքարի դրոշ, քանի որ լրատվամիջոցներն ավելի շատ անդրադառնում են ոստիկանություն-քաղաքացի բռնության դեպքերին», - ասաց հրապարակախոս, նոյեմբերի 14-ին Հայաստանի` ԵՏՄ անդամակցությանը դեմ ակցիայի մասնակից Զարուհի Հովհաննիսյան:

Քաղաքացիական ակտիվիստները մատնանշում էին նաեւ դեպքեր, երբ ոստիկանները իրենց իրավասություններից դուրս գործողություններ եւ մեկնաբանություններ են կատարել:

Զարուհի Հովհաննիսյանի կարծիքով` «ոչ միայն ոստիկանությունը չի տիրապետում իրավական բառապաշարին, այլ նաև խառնվում է ակտիվորեն քաղաքականությանը` ցույց տալով, որ հասարակությունը հավաքվելու իրավունք չունի, երբ քննվում է Ռուսաստանի հետ կապված որևէ խնդիր»:

«Հեսա ստեղ կհաստատեն, կմտնենք, հետո կտեսնենք, թե ոնց եք թպրտալու»: Սա ինձ ոստիկաններից մեկն է ասել Սահմանադրական դատարանի մոտ ակցիայի ժամանակ», - քննարկման ժամանակ վստահեցրեց նոյեմբերի 14-ին Հայաստանի` ԵՏՄ անդամակցության դեմ կազմակերպված ակցիայի մասնակից, քաղաքացիական ակտիվիստ Գոհար Սարոյանը:  

Ի դեպ նշենք, որ այս քննարկմանը մասնակցելու հրավեր Մեդիա կենտրոնից ուղարկվել էր նաեւ ՀՀ Ոստիկանությանը:

Արտակ Զեյնալյանի համոզմամբ` ոստիկանության գործառույթն է ապահովել հավաքների ոչ թե խաղաղ ընթացքը, այլ բնականոն ընթացքը, և վերջիններս չպետք է դառնան միջամտության աղբյուրը:

«Ոստիկաններից ինձ ասացին՝ ո՞վ ես ստեղ, եթե լրագրող չես, ձենդ կտրի, կորի ստեղից», - պատմեց Գոհար Սարոյանը` վերհիշելով նոյեմբերի 14-ին Սահմանադրական դատարանի մոտ անցկացված բողոքի ակցիայի ժամանակ ոստիկանների հետ տեղի ունեցած միջադեպը:

«Պարոն Գասպարյանին եմ ուզում դիմել, քանի որ նա հաճախ է նշում, թե ոստիկանություն-հասարակություն հարաբերություններում դրական տեղաշարժ կա: ...Իրականությանն այդքան էլ չի համապատասխանում, պետք է աշխատել նրանց հետ, որպեսզի իրենց չպահեն որպես թաղային հեղինակություններ», - ասաց «Դե!մ եմ» նախաձեռնության անդամ Դավիթ Մանուկյանը:

«Իմ դիտարկումներն ու իրավակիրառական պրակտիկայի փորձը ցույց են տալիս, որ ոստիկանների վարքագիծը գնալով վատանում է... և դա պայմանավորում եմ իշխանությունների ոչ լեգիտիմությամբ», - ասաց Արտակ Զեյնալյանը:

Բանախոսներից Քաղաքացիական պայմանագրի անդամ Արայիկ Հարությունյանի կանխատեսմամբ` ԵՏՄ-ին Հայաստանի միանալուց հետո հնարավոր է որոշակի վատթարացում քաղաքացի-ոստիկան հարաբերություններում, քանի որ մինչ այս ՀՀ իրավապահ մարմինները եղել են «եվրոպական ժողովրդավարական ինստիտուտների մանրադիտակների տակ և փորձում էին ձևական տեսանկյունից չեզոքություն պահպանել»:

Տեսանյութ
Print Friendly and PDF
Այլ մամլո հաղորդագրություններ
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ