Օրենսդրական բացը` խտրական վերաբերմունքից պաշտպանվելու խոչընդոտ
10.11.2014
13:00
Այն անձինք, կամ կառույցները, որ օժտված են պաշտպանելու հասարակությանը, այսօր համապատասխան գործիք չունեն, որպեսզի լիարժեք կարողանան իրականացնել խտրական վերաբերմունքից պաշտպանելու գործառույթը:

Դրա հիմքում ամենամեծ բացն այսօր օրենսդրականն է: Այս մտահոգությունն այսօր հայտնեց «Մեդիա կենտրոնում» տեղի ունեցած քննարկման մասնակից, «Իրավունքների պաշտպանություն առանց սահմանների» ՀԿ-ի նախագահ Հայկուհի Հարությունյանը:

Հայաստանում «ատելության խոսք» հասկացությունը չունի հստակ օրենսդրական սահմանում, չկա օրենք՝ որը քաղաքացիներին պաշտպանի խտրական վերաբերմունքից:

Հստակ համապատասխան օրենսդրական կարգավորումը կլինի լավագույն գործիքն ատելության խոսքից եւ խտրականությունից դատական կարգով պաշտպանվելու համար:

Քննարկմանը մասնակցում էին  այն 30 կազմակերպություններից ներկայացուցիչներ, որոնք ստորագրել էին «Քաղաքացիական հասարակությունը դատապարտում է ՀՀ–ում ատելության կոչերի եւ խտրականության պետական մակարդակով խրախուսումը» հայտարարության ներքո, ինչպես նաև «Իրավունք» թերթի դեմ հայց ներկայացրած քաղաքացիներ: Հայտարարությունը հրապարակվել էր նոյեմբերի 5-ին:

Հիշեցնենք, որ 16 քաղաքացիներ դիմել էին դատարան «Իրավունքի» խմբագիր Հովհաննես Գալաջյանիˋ «Նրանք սպասարկում են միջազգային համասեռամոլ լոբբինգի շահերը. ազգի և պետության թշնամիների սև ցուցակը» վերնագրով նյութի կապակցությամբ:

Նյութում մոտ 60 քաղաքացիներ ներկայացվել էին որպես ազգի դավաճան։ Քաղաքացիները պահանջում էին 5 միլիոն դրամի փոխհատուցում` որպես բարոյական վնասի փոխհատուցում, ինչպես նաև ներողություն խնդրել պատիվն ու արժանապատվությունը վիրավորելու համար և հերքում տպել թերթում: Դատարանը մերժել էր հայցը:

«Հայց ներկայացնելիս հայցվոր կողմը հստակ գիտեր, որ նման վճիռ է լինելու, քանի որ այն կոչերը, որոնք հնչեցվել են նյութում Հայաստանի անկախացումից ի վեր կան, և դատարանն իր վճռով հաստատեց, որ նման կոչերը նորմալ երևույթ է Հայաստանի Հանրապետությունում»,- ասաց «Նոր Սերունդ» ՀԿ-ի նախագահ Սերգեյ Գաբրիելյանը:

Հայցվորներից «Նոր սերունդ» ՀԿ աշխատակից Արման Սահակյանը նշեց, որ կա անվտանգության ու պաշտպանվածության խնդիր. եւ այդ խնդիրը ոչ միայն վերաբերում է այն մարդկանց, ովքեր ենթարկվում են խտրականության, այլեւ իրավապաշտպան կազմակերպություններին, ովքեր պաշտպանում են խտրականության թիրախ մարդկանց խմբերին:
Արման Սահակյանը նաեւ հայտնեց, որ իր և ևս երկու հայցվոր նոր հայցադիմումով դիմել է դատարան, ընդդեմ «Իրավունք» թերթի եւ հայցը քննվելու է Կենտրոն և Նորք-Մարաշ վարչական շրջանների ընդհանուր իրավասության դատարանում նոյեմբերի 24-ին:

Ի դեպ քննարկմանը հրավիրվել էին նաեւ «Իրավունք» թերթի ներկայացուցիչները: Հրավերը մերժվել էր:

Անդրադառնալով  դատարանի որոշմանը, Հայկուհի Հարությունյանը նշեց, որ դատարանը կարծես թե հաստատել է, որ վիրավորանքը բացակայում է. մարդու ազատ արտահայտման իրավունքն է իրագործվել, ոչ թե դրսևորել է խախտում այլոց իրավունքների նկատմամբ:
«Ի տարբերություն այլ վճիռների՝ դատարանի վճիռը բավականին «լուրջ» հիմնավորված է: Դատարանը փորձ է արել օգտագործել նույնիսկ Մարդու իրավունքների եվրոպական դատարանի նախադեպային իրավունքի ողջ պաշարը՝ ի սկզբանե բալանսը շեղել հօգուտ ազատ արտահայտման  իրավունքի կողմը»,- ասաց Հայկուհի Հարությունյանը:
Սակայն դատարանի որոշման տեքստում, փաստորեն, հաստատվում է, այն, որ «սրանք ազգի թշնամիներ են» փաստացի ստացվում է, որ դատարանի վճռով վիրավորանքը բացակայում է, եւ ազատ արտահայտվելու իրավունքն է օգտագործվել, պնդում են քննարկման մասնակիցները:

Քննարկման մասնակից «Նոր Սերունդ» մարդասիրական ՀԿ-ի նախագահ Սերգեյ Գաբրիելյանի կարծիքով  Հայաստանում կան ոչ միայն միաշերտ, այլեւ երկշերտ, եռաշերտ խտրականության դեպքեր կան: «Եթե մենք այսօր չպայքարենք նման երեւույթի դեմ, ապա կունենանք անառողջ, պառակտված հասարակություն»:

«Հանրային տեղեկատվություն եւ գիտելիքի կարիք» ՀԿ-ի ծրագրերի ղեկավար Մամիկոն Հովսեփյանի դիտարկմամբ` Հայաստանում կա դրական միտում, այլապես ակտիվիստներն ու իրավապաշտպանները դուրս չէին գա փողոց ու պայքարի, ոչ էլ դատարաններ կդիմեին:

«Հուսանք` մեր վերաքննիչ, վճռաբեկ դատարաներն այլ փոփոխություններ կանեն ու կճանաչեն այս կոչերը` որպես մարդու իրավունքների խախտում կամ պատվի ու արժանապատվության հասցված վնաս», - նշեց Մամիկոն Հովսեփյանը:

«Մենք Եվրոպայի Խորհրդի անդամ ենք, և այն եվրոպական կոնվենցիաները, որոնց մենք միացել ենք, իրենց ուժը բացարձակապես չեն կորցնում Եվրասիական Միությանը միանալուց հետո: Եվ այս դեպքում մեր պետությունը պարտավորություն է ստանձնել կատարել Եվրոպական կոնվենցիայով սահմանված օրենսդրական փոփոխություններ այս ոլորտում», - ասաց Հայկուհի Հարությունյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»:
Արտակարգ դրության ժամանակ ոչ մի անձնական կյա՞նք. փորձագետների կարծիքներ
30.03.2020
16:00
Ազգային ժողովն այսօր՝ մարտի 30-ին, առաջին ընթերցմամբ ընդունեց կառավարության ներկայացրած օրենքների նախագծերի փաթեթը, որով համաճարակի հետևանքով առաջացած արտակարգ դրության ժամանակ մարդկանց անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության, գաղտնիության իրավունքներին միջամտություն իրականացնելու հնարավորություն է տրվում:
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ