Աշխարհն առաջին աշխարհամարտից 100 տարի անց
29.10.2014
11:00
«Երկու աշխարհամարտերի ողբերգական իրադարձություններից Եվրոպան դասեր է քաղել: Ամենամեծ ձեռքբերումը ԵՄ ձևավորումն է, միություն, որը ստեղծվել է երկրորդ աշխարհամարտից հետո, մի քանի փուլով և այժմ խաղաղության գոտի է հանդիսանում»,- Մեդիա կենտրոնում հրավիրված ասուլիսում ասաց Հայաստանում Գերմանիայի Դաշնային Հանրապետության արտակարգ եւ լիազոր դեսպան`Ռայներ Մորելը: Ասուլիսի բանախոսներից էր նաև Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ եւ լիազոր դեսպան Քեթրին Լիչը:

«Եվրոպան առաջին համաշխարհային պատերազմից 100 տարի անց» թեմայի շրջանակներում անցկացված ասուլիսի ընթացքում դեսպանները նախ ներկայացրեցին, որ Առաջին համաշխարհային պատերազմի 100-ամյա տարելիցի առիթով Հասատանում հոկտեմբերի 31-ից դեկտեմբերի 5-ը համատեղ խորհրդանշական միջոցառումներ են անցկացնելու պատերազմի զոհերի հիշատակին:

Եվրոպական պետությունների միջև պատերազմ հայտարարվեց 1914 թվականի օգոստոսի 1-ին: Այդ ժամանակ «բոլորը կարծում էին, որ այն կավարտվի մինչև Ծննդյան տոները, բայց  տևեց 4 տարի՝ դառնալով   միլիոնավոր զոհերի ու ավերածությունների պատճառ»,- նշեց Մեծ Բրիտանիայի դեսպանը, հիշեցնելով, որ առաջին համաշխարհային պատերազմի ընթացքում զոհվել է 16 միլիոն մարդ, որոնցից 9 միլիոնը զինվորականներ, 7 միլիոնը՝ շարքային քաղաքացիներ, վերջինների թվում նաև 1,5 միլիոն հայ:  «Առաջին համաշխարհային պատերազմի ամենամեծ ողբերգությունն էր Օսմանյան կայսրության տիրապետության տակ ապրող հայերի տեղահանությունն ու կոտորածը»,- շեշտեց դեսպան Քեթրին Լիչը: Լրագրողի դիտարկմանը, թե հայ ժողովրդի համար դեռևս շարունակվում է պատերազմը, քանի որ Թուրքիան չի ճանաչել հայոց ցեղասպանությունը, դեսպան Լիչը նկատեց, որ Եվրոպան  խրախուսում  է  հայ-թուրքական հարաբերությունների կարգավորմանն ուղղված ջանքերը  և ուրախ են, որ նաև Եվրոպայի ջանքերով 2009 թվականին ստորագրվեցին հայ-թուրքական  արձանագրությունները: «Հույս ունենք, որ 2015թվականին՝ հայոց ցեղասպանության հարյուրամյակին հայ-թուրքական հարաբերություններում  առաջընթաց քայլ կկատարվի:»

Գերմանիայի դեսպան Ռայներ Մորելն էր նկատեց, որ առաջին աշխարհամարտի 100-ամյա տարելիցի շրջանակներում համատեղ անցկացվող միջոցառումների միջոցով Եվրոպան նաև ուզում է ընդգծել, որ հին թշնամությունը վերացնելու և հաղթահարելու հնարավորություն կա:

«Այն ինչին հասանք երկրորդ աշխարհամարտից հետո մեծ ջանքեր էին պահանջում, անշուշտ կային նաև ընդդիմացողներ,  բայց անհրաժեշտ էր կատարվածի համար ներողություն խնդրել:  Մենք հույս ունենք, որ Թուրքիան առաջիկա տարիներին կմտածի այս հարցի շուրջ:» Դեսպանը նշեց նաև, որ թուրք հասարակության ընկալման մեջ վերջին տարիներին որոշակի փոփոխություն է եղել և հույս կա, որ կլինի առաջընթաց այս հարցում:

ՀՀ-ում Գերմանիայի դեսպանն ադրադառնալով երկու աշխարհամարտներին հավելեց, որ 1945 թվականից հետո Եվրոպան մտածում էր, ինչպես պետք է վերականգնվի, ինչպես բուժի իր վերքերը։ Նրա խոսքով՝ Առաջին համաշխարհային պատերազմի ողբերգական իրադարձությունները մարդկությանը մտածելու տեղիք են տալիս մինչ օրս: 100 ամյա տարելիցի շրջանակներում իրականացվող ոգեկոչման արարողություններից բացի կարևորն այն է, որ «մենք պատմական այդ անցքերից դասեր ենք քաղել, իսկ  մեր կազմակերպած միջոցառումների առանցքն այն է, որ երեկվա ախոյաններն այսօր համերաշխ են:»

Պատասխանելով ռուս -ուկրաինական հակասություններին  և տարածաշրջանում առկա կոնֆլիկտին վերաբերող հարցին, Մեծ Բրիտանիայի դեսպան Քեթրին Լիչը նկատեց, որ հակամարտությունը սկսվեց «Ղրիմի անեքսիայից»  կան հավաստի տեղեկություններ, որ Ռուսաստանն աջակցում է  Դոնբասի անջատողականներին «մենք կոչ ենք անում ռուսական կողմին պահպանել Մինսկում ձեռք բերված պայմանավորվածությունները, պահպանել հրադադարը և ջանքեր գործադրել հաշտեցման համար: Ամբողջ հակամարտության մեջ կարևորն այն  է, որ Ուկրաինան ինքնիշխան պետություն  է և կարող է ինքնուրույն  ընտրել իր ուղին: Հույս ունենք, որ հակամարտությունը միայն խաղաղ ճանապարհով կլուծվի, մենք նշաններ ենք տեսնում, որ Ռուսաստանը կամաց կամաց հասկանում է, թե ինչպես պետք է վարվել»,- նշեց դեսպան  Լիչը:

Ռուսաստանի արտգործնախարար Սերգեյ Լավրովը երեկ հայտարարել էր, որ Մոսկվան ճանաչելու է Դոնեցկի և Լուգանսկի ինքնահռչակ հանարապետություններում նոյեմբերի 2-ին կայանալիք ընտրությունների արդյունքները: Նրա խոսքով՝ այդ ընտրությունների ճանաչումը «Մինսկի պայմանավորվածությունների կարևոր ուղղություններից մեկն է:» Արդյո՞ք այս հանգամանքը կարող է սրել գոյություն ունեցող լարվածությունը, հարցին Գերմանիայի դեսպանը գերադասեց չպատասխանել, պատճառաբանելով, թե «չսխալվելու համար անհրաժեշտ է, որպեսզի մանրամասներին խորությամբ ծանոթանա»:

Իսկ Մեծ բրիտանիայի դեսպանն էլ, ասաց. «քվեարկությունը դեռ չի նշանակում, որ օրինական են  եղել ընտրությունները, մենք տեսանք որ Ղրիմում երկու շաբաթվա ընթացքում հանրաքվե կազմակրեպվեց և հայտարարվեց այն  ժողովդրավարական , այդպես չի կարելի: Ցավալի է, որ մեր ռուս գործընկերրը կարծում է, որ Դոնեցկում  և Լուգանսկում ընտրությունները ճանաչելն ու դրանք օրինական համարելը ճիշտ ճանապարհն է:»

 

 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ