ԵՏՄ անդամակացությանն ընդառաջ. արդար դատաքննության իրավունք այսօր և վաղը
09.10.2014
12:00
Դատական համակարգը ցանկացած պետության ողնաշարն է: Որքան անկախ է դատական համակարգը, այնքան ամուր է, հատկապես ժողովրդավարական պետության ողնաշարը: Մեդիա կենտրոնում հրավիրված ասուլիսի մասնակիցներ՝Հայաստանի հելսինկյան կոմիտեի նախագահ Ավետիք Իշխանյանը և «Իրավունքի պաշտպան առանց սահմանների» ՀԿ նախագահ Հայկուհի Հարությունյանը գնահատեցին, թե որքանով է Հայաստանում իրացվում Սահմանադրությամբ և եվրոպական կոնվենցիայով նածանշված արդար դատաքննության իրավունքը:

Ավետիք Իշխանյանի խոսքով «դատական իշխանություն, նշանակում է հենց իշխանություն և ոչ թե իշխանության կցորդ: Որպես կանոն մեր իրավունքները հիմնականում խախտում է գործադիր իշխանությունը, իսկ այդ խախտված իրավունքները վերակագնելու համար դիմում ենք դատական իշխանությանը, այն  դատավորին, որին նշանակում է հանրապետության նախագահը»: Ավետիք Իշխանյանի փոխանցմամբ եվրախորհրդի առջև ստանձնած պարտավորություններով Հայաստանն իհարկե 2005 թվականի սահմանադրական բարեփոխումների արդյունքում որոշակի փոփոխություններ կատարեց՝ նկատի ունենալով, որ դրանից հետո Արդարադատության խորհուրդն այլևս ՀՀ նախագահը չի գլխավորում, սակայն դատավորների նշանակումը վերապահված է հանրապետության նախագահին:

«Իրավունքի պաշտպան առանց սահմանների» ՀԿ նախագահ Հայկուհի Հարությունյանի փոխանցմամբ «Freedom House» միջազգային կազմակերպության դիտարկումներով «ավելի քան 6 տարի դատական իշխանության անկախության ցուցիչը չի փոփոխվել»:

Հարկ է նշել, որ վերջերս Հայաստան ժամանած Եվրոպայի խորհրդի մարդու իրավունքների հանձնակատար Նիլս Մուիժնիկսը նշել էր, որ մեր երկրում   դատական համակարգի բարեփոխումների բնագավառներում որոշակի առաջընթաց է արձանագրվել:

Շարունակվում է իրականացվել դատաիրավական բարեփոխումների 2012-2016թթ ծրագիրը, Սահամանադրական բարեփոխումների հայեցարգով ևս դատական իշխանության անկախացմանն ուղղված որոշակի քայլեր նախատեսված են:

Հայկուհի Հարությունյանի խոսքով, սակայն, կատարված բարեփոխումները, ցավոք սրտի, ցանկալի արդյունք չեն տվել: «Պետք է ընդունել, որ դրանց ազդեցությունը կոնկրետ անհատի վրա չի նկատվում, դրական առումով տեղաշարժ կամ չի արձանագրվել կամ շատ փոքր է:»

Ի՞նչ կլինի վաղը:

Հայաստանն այսօր Եվրասիական միության անդամ մյուս երեք երկրների՝ Ռուսաստանի, Ղազախստանի, Բելառուսի, համեմատությամբ առաջատար դիրքերում: Հնարավո՞ր է, որ Եվրասիական տնտեսական միությանն անդամակցելով մենք զիջենք մեր դիրքերը և ոլորտում հետնընթաց գրանցվի:

Հայաստանի հելսինկյան կոմիտեի նախագահ Ավետիք Իշխանյանի կարծիքով` եթե ԵՏՄ-ն կայանա որպես կառույց, այն լինելու է «քաղաքական կայսրություն», որտեղ անիմաստ կլինի խոսել դատական համակարգի անկախության ու քաղաքական նախաձեռնություններով որևէ հաջողության հասնելու մասին:

Հայաստանում դատական համակարգին առնչվող օրենսդրությունը մշակվում է եվրոպական փորձագետների մասնակցությամբ, ԵՄ ֆինանսական աջակցությամբ: Հնարավո՞ր է, որ Հայաստանը ԵՏՄ-ին անդամակցելով լոկոմոտիվ դառնա և օրինակ ծառայի մյուս երեք պետությունների համար:

«Իրավունքի պաշտպանություն առանց սահմանների» ՀԿ նախագահ Հայկուհի Հարությունյանը վստահ է, որ դատաիրավական դաշտում Հայաստանը կկարողանար լինել օրինակ՝ ԵՏՄ անդամ երկրների համար, սակայն հաշվի առնելով քաղաքական դաշտը Հայաստանը չի դառնա այն լոկոմոտիվը, որը Ռուսաստանին, Ղազախստանին և Բելառուսին կտանի դեպի անկախ դատական իշխանության հաստատման:

Ամփոփելով միտքը՝ Հայկուհի Հարությունյանը փաստեց, որ հետընթաց չգրանցելու համար հանրությունը պետք է հետևողական և պահանջատեր լինի, վերահսկի, որպեսզի գոնե օրենսդրական մակարդակով կատարված փոփոխությունները իրագործվեն: «Հանրությունը պետք է լինի առաջին պահանջատերը: Մենք պետք է ակտիվություն դրսևորենք»:

 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...