Մեդիա կենտրոնի հյուրն է ՀՀ-ում ՄԹ դեսպան Քեթի Լիչը
23.09.2014
11:00
Այսօրվա սերնդի համար Շոտլանդիայի անկախության խնդրին վերջակետ է դրվելու: Հանրաքվեի արդյունքում, սակայն, «Շոտլանդիան քվեարկեց ավելի հզոր խորհրդարան ունենալու համար, որին պիտի աջակցի ավելի հզոր և անվտանգ Միացյալ Թագավորությունը»:

Շոտլանդիայի հանրաքվեն պատմական նշանակություն ուներ նաև այն առումով, որ Մեծ Բրիտանիայի կառավարությունը պարտավորություն  ստանձնեց վերանայել ոչ միայն Շոտլանդիայի, այլ նաև թագավորության կազմում ընդգրկված՝ Ուելսի, Հյուսիսային Իռլանդիայի և Անգլիայի ժողովուրդների մի շարք իրավունքներ:

Մեդիա կենտրոնի նախաձեռնությամբ  հրավիրված մամուլի ասուլիսում  Հայաստանի Հանրապետությունում Մեծ Բրիտանիայի և Հյուսիսային Իռլանդիայի միացյալ թագավորության արտակարգ և լիազոր դեսպան Քեթի Լիչն, անդրադառնալով  սեպտեմբերի 18-ին տեղի ունեցած հանրաքվեի արդյունքներին և նշանակությանը, լրագրողներին փոխանցեց ՄԹ վարչապետ Դեյվիդ Քեմերոնի գնահատականները:

Շոտլանդական հանրաքվեն` նախադեպ այլ երկրների համար

Հարցին, թե կարող է Շոտլանդիայի հանրաքվեն նախադեպ դառնալ այլ երկրների համար, ՀՀ-ում ՄԹ դեսպանը պատասխանեց, թե դժվար է ընդհանուր դասեր քաղել Շոտլանդիայի անկախության հանրաքվեից, քանի որ յուրաքանչյուր հիմնախնդիր պահանջում է ուրույն մոտեցում և ուրույն լուծում: Դեսպան Լիչի խոսքով` յուրաքանչյուր հակամարտության պարագայում, երբ հակասության մեջ են ազգերի ինքնորոշման և տարածքային ամբողջականության սկզբունքները, խնդիրը պետք է լուծվի խաղաղ ճանապարհով, բայց յուրաքանչյուր հակամարտության լուծումը տարբեր է: «Ես կրկին օրինակ կբերեմ մեր փորձից, թե ինչպես մենք աշխատեցինք Շոտլանդիայի և Հյուսիսային Իռլանդիայի հետ: Շոտլանդիայի պարագայում մեզ մոտ ստացվեց, որովհետև ներգրավված բոլոր կողմերը հետևում էին խաղաղության սկզբունքին, և նրանք համաձայն էին ամեն դեպքում ընդունել քվեարկության արդյունքները: Այսօր Հյուսիսային Իռլանդիայի հանրաքվեի մասին խոսք չկա, բայց կա «բարի ուրբաթի» համաձայնագիրը` կնքված 1998 թ., որտեղ նշված է, որ եթե Հյուսիսային Իռլանդիայի ժողովուրդը որոշի հանրաքվե անցկացնել, դա կընդունվի: Այս պահին Հյուսիսային Իռլանդիայի երկու համայնքները հակասական մոտեցումներ ունեն, թե ինչպես  կազմակերպեն իրենց ապագան»:  Ի դեպ, Շոտլանդիայի հանրաքվեն ուրույն էր նաև գրանցված մասնակիցների ռեկորդային թվով:

Հայաստան ՆԱՏՕ  արդյունավետ համագործակցությունը հրաշալի օրինակ 

Դեսպան Քեթի Լիչը, պատասխանելով հարցին, թե որքանով կարող է խորանալ Հայաստան- ՆԱՏՕ համագործակցության շրջանակները, ասաց, թե  ՆԱՏՕ-ն փորձում է քաջալերել իր հետ համագործակցող երկրներին, որպեսզի նրանք ևս նպաստեն միջազգային անվտանգության պահպանմանը: ՆԱՏՕ-ն առաջարկում է իր աջակցությունը, բայց  համագործակցող երկիրն ինքն է որոշում կայացնում:

«Այս համատեքստում Հայաստանը հրաշալի օրինակ է, որ իր ռազմավարական անվտանգության տեսանկյունից  կարողանում է համագործակցել և ՀԱՊԿ-ի, մասնավորապես Ռուսաստանի, և ՆԱՏՕ-ի հետ:

Լրագրողների խնդրանքով դեսպան Լիչն անդրադարձավ նաև տարածաշրջանի անվտանգության պահպանման, ինչպես նաև  հակամարտությունների կարգավորման խնդիրներին:

ՀՀ-ՄԹ համագործակցությունը կշարունակվի Բրիտանական աշուն ծրագրի շրջանակներում

Մամուլի ասուլիսի ավարտին  դեսպան Քեթի Լիչը ներկայացրեց  ՀՀ-ում ՄԹ դեսպանատան նախաձեռնած միջոցառումները «Բրիտանական աշուն» ծրագրի շրջանակներում: Նրա խոսքով Մեծ Բրիտանիայի դեսպանատունը շարունակելու է զարգացնել Հայաստան-Մեծ Բրիտանիա համագործակցությունը կրթության, մշակույթի, բիզնեսի ոլորտներում:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աշխատանք, թե պատվաստում․ ո՞ր տարբերակը կընտրեն քաղաքացիները
16.09.2021
17:41
Հեղինակ՝ Սոֆի Թովմասյան

Հոկտեմբերի 1-ից, աշխատող այն քաղաքացիները, որոնք պատվաստված չեն, պետք է ամսվա ընթացքում 2 անգամ ՊՇՌ թեստի բացասական պատասխան ներկայացնեն իրենց գործատուին։

Պատվաստման սերտիֆիկատ կամ ՊՇՌ թեստ չներկայացնելն ըստ Արդարադատության նախարարության՝ «Հանրային ծառայության մասին» օրենքում փոփոխություններ կատարելու մասին նախագծի սահմանվել է իբրև հանրային պաշտոնյային աշխատանքից ազատելու հիմք։
Աշխատանքային իրավունքների պաշտպանության գործընթացը Հայաստանում
07.09.2021
16:01
Հեղինակ՝ Սոֆի Թովմասյան

Կորոնավիրուսային համավարակը «ջրի երես դուրս բերեց» գործատու-աշխատող հարաբերություններում առկա բազմաթիվ խնդիրներ՝ դառնալով խախտումների բացահայտման ու վեճերի առաջացման պատճառ։ Ամեն բան սկսվեց նրանից, որ Կառավարության կողմից հայտարարված աջակցության ծրագերից օգտվել ցանկացող աշխատողները պարզեցին, որ իրենք իրականում գրանցված աշխատողներ չեն և չունեն աշխատանքային պայմանագրեր։
Ներքաղաքական լարվածության արտաքին քաղաքական ազդեցությունը
02.09.2021
12:00
Սեպտեմբերի 2-ին, ժամը 12:00-ին, Մեդիա կենտրոնում տեղի ունեցավ քննարկում՝ «Ներքաղաքական լարվածության արտաքին քաղաքական ազդեցությունը» թեմայով:
Հայաստանի ինքնիշխանություն. չափազանցությու՞ն է
01.09.2021
12:00
Սեպտեմբերի 1-ին, ժամը 12:00-ին, Մեդիա կենտրոնում, Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ զրուցեցինք «Հայաստանի ինքնիշխանություն. չափազանցությու՞ն է» թեմայով:
Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞
31.08.2021
12:00
Օգոստոսի 31-ին՝ ժամը 12:00-ին, Մեդիա կենտրոնը անցկացրեց առցանց քննարկում «Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ