Քննարկում Արմավիրում. Կուտակային կենսաթոշակային համակարգ
23.07.2014
12:00
Կուտակային կենսաթոշակների մասին ՀՀ օրենքում կատարված փոփոխություններից հետո էլ առկա է խտրական, տարբերակված մոտեցում նույնանման վիճակում գտնվող անձանց նկատմամբ: Պետական համակարգում աշխատող երիտասարդներն այսօր արդեն պարտադիր վճարում են կուտակային, կամ նոր ձևակերպմամբ «նպատակային սոցիալական վճար», իսկ մասնավոր համակարգում աշխատողներից միայն երեք տարի հետո կկատարեն պարտադիր վճարումները:

Այսօր Արմավիրի մարզի զարգացման կենտրոնում Մեդիա կենտրոնի նախաձեռնած՝ կուտակային կենսաթոշակային համակարգի, օրենսդրական կարգավորումների և գործնական կիրառության շուրջ քննարկման ընթացքում մասնագիտական պարզաբանումներ ներկայացրեցին իրավաբան Արա Ղազարյանը և տնտեսագետ Սուրեն Պարսյանը: Քննարկմանը մասնակցում էին նաև Արմավիրի երիտասարդության, ինչպես նաև ավագ սերնդի ներկայացուցիչներ, ովքեր ոչ միայն հարցեր ուղղեցին բանախոսներին, այլ նաև իրենց տեսակետներն ու մեկնաբանությունները փոխանցեցին: 

Մարդու իրավունքների և սահմանադրության  տեսանկյունից ստեղծվել է կազուսային իրավիճակ

Իրավաբան Արա Ղազարյանի պարզաբանմամբ ՀՀ Կուտակային կենսաթոշակների մասին օրենքով ստեղծվել է այնպիսի համակարգ, որտեղ անձն իր հայեցողությամբ չի տնօրինում իր գույքը: Արդյո՞ք  Սահմանադրական դատարանի որոշումից, ապա նաև կատարված օրենսդրական փոփոխությունից հետո   այդ կազուսը չկարգավորվեց, երբ կուտակայինը դարձավ նպատակային սոցիալական վճար, հարցը չլուծվե՞ց: Քննարկման ժամանակ հնչած հարցին Արա Ղազարյանի պատասխանը  էր,  նա նաև հավելեց, որ « նոր օրենքով նպատակը և միջոցն իրար հետ չեն համընկնում: Եվրոպական կոնվենցիան այդ հարցին շատ հաճախ է անդրադառնում, պետք է նպատակի և միջոցի միջև լինի ռացիոնալ կապ, այսինքն միջոցը պետք է ծառայի նպատակին և այդ նպատակի համար ստեղծված լինի»:

Խտրական մոտեցում

Երիտասարդ տնտեսագետ Սուրեն Պարսյանի գնահատմամբ  Կուտակային կենսաթոշակների մասին օրենքով «պետությունը նպատակ ունի ստեղծել երկար փողեր` ֆինանսական շուկան զարգացնել: Տնտեսագետի խոսքով իհարկե կան դրական մոտեցումներ, սակայն կան նաև լուրջ թերություններ, որոնցից մեկն էլ հենց խտրական մոտեցումն է, մասնավորապես օրենքում, բոլորովին վերջերս, կատարված այն փոփոխությունն, ըստ որի պարտադիր կուտակային համակարգի առաջին փուլին մասնակցում են  1996 թվականի հունվարի 1-ից հետո ծնված երիտասարդները, ովքեր նոր են մտնում աշխատաշուկա:

Կա լրացուցիչ իրազեկման անհրաժեշտություն

Քննարկման ընթացքում իրավաբան Արա Ղազարյանը շեշտեց նաև, որ հատկապես մարզերում, ոչ բոլորն են հստակ պատկերացնում ներդրված համակարգի առավելություններն, իրենց անելիքը, թե ինչպես պետք է կուտակեն իրենց գումարը հիմնադրամներում, ինչպես պետք է հիմնադրամ ընտրեն, այսինքն չնայած հատկապես վերջին մի քանի ամիսների ընթացքում  կատարված աշխատանքին, միևնույն է երիտասարդները լավ իրազեկված չեն : «Եթե իշխանությունները ճիշտ իրազեկեին, մարդիկ գուցե դեմ չլինեին կուտակային համակարգին»,- ասաց Արա Ղազարյան:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Վատ խաղաղությու՞ն, թե՞ լավ պատերազմ
24.09.2020
12:00
Սեպտեմբերի 24-ին, ժամը 12:00-ին, Մեդիա կենտրոնի սրահում տեղի ունեցավ հանդիպում-զրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ «Վատ խաղաղությու՞ն, թե՞ լավ պատերազմ»:
Մանկատանը երեխաներին ծեծում են, նվաստացնում. ինչու՞ է դա հնարավոր
24.09.2020
11:00
Սեպտեմբերի 24-ին, ժամը 11:00-ին, Մեդիա կենտրոնում տեղի ունեցավ քննարկում «Մանկատանը երեխաներին ծեծում են, նվաստացնում. ինչու՞ է դա հնարավոր» թեմայով:
Կրթություն հանուն փոփոխությունների - լրագրողական մրցույթ
22.09.2020
17:00
Վերջնաժամկետը՝ սեպտեմբերի 30․ 2020 թ․
Մրցանակային ֆոնդը՝ 1500 եվրո


«Անկախություն. ձեռք բերելը բարդ էր, պահպանելն՝ ավելի»
21.09.2020
14:00
Սեպտեմբերի 21-ին, ժամը 14:00-ին, Մեդիա կենտրոնը Վանաձոր քաղաքի «Կիրովական» հյուրանոցում կազմակերպեց հանրային քննարկում «Անկախություն. ձեռք բերելը բարդ էր, պահպանելն՝ ավելի» թեմայով:

«Մեր սոցիալական իմունիտետը» ֆիլմի դիտում-քննարկում Գյումրիում
18.09.2020
14:00
Սեպտեմբերի 18-ին՝ ժամը 14:00-ին, «Մեդիա կենտրոն»-ը Շիրակի թեմի Սոցիալ-կրթական կենտրոնում կազմակերպեց «Մեր սոցիալական իմունիտետը» վերտառությամբ ֆիլմի դիտում-քննարկում։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...