Դատարանը արդարացման վճիռ է կայացրել նախկինում դատապարտվածի նկատմամբ
08.07.2014
12:00
Հայաստանի ոստիկանական համակարգում հատկապես անազատության մեջ գտնվող անձանց նկատմամբ բռնություն, ֆիզիկական կամ բարոյական ճնշումներ գործադրելու պատճառներից մեկն էլ համակարգում գործող արդյունավետության գնահատման կարգն է: Հանցագործությունների բացահայտման բարձր ցուցանիշ ապահովելու համար ոստիկանները երբեմն ստիպում են կասկածյալներին ընդունել այնպիսի հանցագործություններ, որոնք իրենք չեն գործել:

Այսպես հիմնավորեց իր կարծիքն այսօր «Մեդիա կենտրոնում» հրավիրված ասուլիսի ընթացքում Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն, ով ներկայացրեց Ալեքսանդր Ցվերիանովի նկատմամբ ոստիկանության կիրառած անօրինական գործողությունների մասին որոշ մանրամասներ: Ասուլիսին ներկա էր նաև հենց ինքը տուժողը` Ալեքսանդր Ցվերիանովը:

«Էրեբունու ոստիկանության բաժանմունքում, մասնավորապես քրեական բաժնի պետը` Հակոբյանը, համոզել են Ցվերիանովին ընդունել 16 հանցագործություն, որոնք ինքը չէր  կատարել, որպեսզի տարեվերջին ցույց տան լավ ցուցանիշներ», - հայտարարեց  Արթուր Սաքունցը:

Ըստ բանախոսի` ոստիկաններն առաջնորդվում են բացահայտումների մեծ քանակ ապահովելու ցանկությամբ` մոռանալով գործողությունների օրինականության մասին:

Արթուր Սաքունցը նաև ընդգծեց, որ Ցվերիանովի դատական գործը եզակի դեպք է հայաստանյան արդարադատության համակարգում, քանի որ քիչ է պատահում, որ դատարանն արդարացման վճիռ է կայացնում` անկախ այն փաստից, որ մեղադրյալը եղել է նախկինում դատապարտված:

Ի դեպ, ՀՀ հատուկ քննչական ծառայությունը Ցվերիանովի դիմումի հիման վրա նյութեր է նախապատրաստել, ապա նաև քրեական գործ է հարուցել բռնության գործադրմամբ զուգորդված պաշտոնեական լիազորություններն անցնելու դեպքի առիթով: Արթուր Սաքունցն էլ ճանաչվել է Ցվերիանովի ներկայացուցիչ:  Այսօրվա ասուլիսին Սաքունցը տեղեկացրեց, որ իրենք պահանջում են նշանակել դատահոգեբանական փորձաքննություն, քանի որ «հիմա տուժողի ծանր հոգեբանական վիճակը հենց բռնության արդյունք է»:

«Ոստիկանության համար անձը նյութեղեն սուբյեկտ է, քանի որ հոգեբանական ասպեկտին ուշադրություն չեն դարձնում: Այժմ հոգեբանական վիճակի վերհանելը և դրա հիման վրա ախտորոշում տալը, որ նման վիճակը կապված է բռնություների հետ, մարտահրավեր է իրավապահ մարմինների համար», - ասաց Սաքունցը:

Իրավապաշտպանը մատնանշեց նաև մեկ այլ հանգամանք. «Բռնություն կիրառած ոստիկանները շարունակում են աշխատել, մինչդեռ նրանց լիազորությունները պետք է կասեցվեին հենց բողոք-դիմում ստանալու պահին»:

Ինքն` Ալեքսանդր Ցվերիանովը հայտարարեց, որ մեկ տարի առաջ, երբ մեկուսարանում է եղել, դիմում բողոք է ներկայացրել, սակայն այն ժամանակ ՀՔԾ քննիչ Հարությունյանը եկել է իր մոտ ու փորձել  համոզել հրաժարվել բողոք-դիմումից:

Ի պատասխան հարցին, թե արդյո՞ք դիմելու են նաև Մարդու իրավունքների եվրոպական դատարան` Ցվերիանովը հավաստիացրեց, որ դիմելու են: Իսկ իրավապաշտպան Արթուր Սաքունցն էլ հավելեց, թե հույս ունեն, որ մեղավորները պատասխանատվության կենթարկվեն, ինչը հետագայում կանխարգելիչ դերակատարություն կարող է ունենալ:

2012 թվականի նոյեմբերի 30-ին վաղ առավոտյան  ոստիկանները Ա. Ցվերիանովին իր վարձակալած բնակարանից բերման են ենթարկել  ՀՀ ոստիկանության Երևան քաղաքի վարչության Էրեբունու բաժին՝ մեղադրելով Էրեբունի վարչական շրջանում տեղի ունեցած մի շարք գողությունների համար: Ոստիկանության բաժնում Ա. Ցվերիանովը չի ընդունել իրեն առաջադրվող մեղադրանքը, նա հայտնել է, որ ոստիկանների նշած գողություններից և ոչ մեկի հետ կապ չունի:

Սակայն ոստիկանների կիրառած բռնություններից, հոգեբանական ճնշումներից և խոշտագումներից, մասնավորապես էլեկտրաշոկերի օգտագործումից և այլ սպառնալիքներից հետո Ա. Ցվերիանովը ստիպված է եղել խոստովանել իրեն ներկայացրած հանցագործությունների կատարումը:

2014 թ. մայիսի 30-ին Երևանի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանը գործի քննության արդյունքում արդարացման վճիռ է կայացրել` հիմնավորելով, որ նախաքննության մարմինը ոչ պատշաճ է իրականացրել քննությունը:

Ա. Ցվերիանովը տեղի ունեցած բռնությունների վերաբերյալ դիմում էր ներկայացրել ՀՀ ՀՔԾ: 2014 թ. հունիսի 4-ին ՀՀ ՀՔԾ ՀԿԳ քննիչ Զ. Թադևոսյանը, վերանայելով Ա. Ցվերիանովի դիմումի հիման վրա նախապատրաստված նյութերը, որոշում է կայացրել բռնության գործադրմամբ զուգորդված պաշտոնեական լիազորություններն անցնելու դեպքի առթիվ հարուցել քրեական գործ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Պետք չէ ասել. «Ամուլսարը սար է». ոստիկանները դա սարսափելի չեն սիրում
11.08.2020
14:00
Մեդիա կենտրոնն այսօր, օգոստոսի 11-ին, ժամը 14:00-ին, առցանց քննարկում կկազմակերպի՝ «Պետք չէ ասել. «Ամուլսարը սար է». ոստիկանները դա սարսափելի չեն սիրում» թեմայով:
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...