Աֆրիկյանների շենքի պահպանման պայքար. ոստիկանությունը գործել է ոչ իրավաչափ
16.06.2014
11:00
«Պահպանենք Աֆրիկյանների ակումբի շենքը» քաղաքացիական նախաձեռնության անդամները մտադիր են երկրորդ անգամ պահանջ-նամակով դիմել ՀՀ վարչապետ Հովիկ Աբրահամյանին: Պատմական հուշարձան ճանաչված շենքի ապամոնտաժման դեմ պայքարող քաղաքացիները վստահեցնում են, որ անկախ հնարավոր քրեական պատասխանատվությունից՝ շարունակելու են պայքարել մինչև հաղթական ավարտը:

«Մեդիա կենտրոնում» տեղի ունեցած քննարկմանը «Պահպանենք Աֆրիկյանների ակումբի շենքը» քաղաքացիական նախաձեռնության անդամներ Սիփան Փաշինյանը, Վահագն Գևորգյանն ու Սոնա Ասատրյանը, ինչպես նաև  ճարտարապետ Արսեն Կարապետյանն և իրավաբան, «Իրավունքի գերակայություն» ՀԿ համահիմնադիր Արտակ Զեյնալյանը ներկայացրեցին Աֆրիկյանների շենքի պահպանման համար պայքարող նախաձեռնության անդամներից 10-ի դեմ ոստիկանության իրականացրած գործողությունների վերաբերյալ իրենց տեսակետները, ինչպես նաև անդրադարձան Աֆրիկյանների ակումբի շենքի քանդման խնդրին:

Տերյան 11 հասցեում գտնվող Աֆրիկյանների շենքը կառուցվել է 19-րդ դարի վերջին: Այն կառավարության 2004թ. որոշմամբ ընդգրկվել է Երևան քաղաքի պատմության և մշակույթի անշարժ հուշարձանների պետական ցուցակում` որպես հանրապետական նշանակության հուշարձան:

Կառավարության մեկ այլ որոշմամբ` Աֆրիկյանների շենքը պետք է ապամոնտաժվի՝ մեկ այլ վայրում վերակառուցվելու նպատակով: Շենքը ներառված է «Հին Երևան» նախագծում, որը պետք է իրականացվի Աբովյան, Բուզանդ, Կողբացի և Արամի փողոցներով սահմանափակվող թաղամասում:

«Շենքի տեղափոխումը կատարվում է միայն այն դեպքում, եթե դա անխուսափելի է, ասենք՝ ջրամբար է կառուցվում: Աֆրիկյանների տան դեպքում խոսում են, որ միջավայրից դուրս է շենքը, ճանապարհը պետք է լայնացվի և այլն, բայց սրանք հիմնավորումներ չեն տեղափոխման համար», - վստահեցնում է ճարտարապետ Արսեն Կարապետյանը:

Շենքի ապամոնտաժման դեմ պայքարող Վահագն Գևորգյանը կարծում է, որ Աֆրիկյանների տունն արժանանալու է մյուս քանդված ու չվերականգնված պատմական շենքերի ճակատագրին. «Փակ շուկայի օրինակով մենք տեսել ենք, թե ինչ է լինում պատմական շենքերի հետ: Աֆրիկյանների շենքի առջևից պատնեշների հեռացումը բողոքի ձև էր շենքի ապամոնտաժման դեմ»:

Հիշեցնենք, որ հունիսի 9-ի երեկոյան մի քանի տասնյակ երիտասարդներ ապամոնտաժեցին Աֆրիկյանների ակումբի առջևի հատվածը պատնեշող մետաղյա թիթեղները: Ակցիայի ավարտին հրմշտոց եղավ ոստիկանության և ակտիվիստների միջև: Ցուցարարներից Վահագն Գևորգյանը բերման ենթարկվեց դեպքի վայրից, ևս ինը բռնի ուժով ոստիկանության բաժանմունք տեղափոխվեցին բաժանմունքի առջևից:

«Եթե քաղաքացիները նման քայլի են գնում, ապա սա պետք է ազդակ լինի, և իշխանությունները պետք է վերանայեն Աֆրիկյանների շենքի հետ կապված որոշումը», - հայտարարեց իրավաբան,  «Իրավունքի գերակայություն» ՀԿ համահիմնադիր Արտակ Զեյնալյանը, փաստելով, որ քաղաքացիական անհնազանդությունը քաղաքացիների՝ Սահմանադրությամբ ամրագրված իրավունքն է, և ոստիկանության գործողություններն ակտիվիստների նկատմամբ ոչ իրավաչափ են եղել:

«Պահպանենք Աֆրիկյանների ակումբի շենքը» քաղաքացիական նախաձեռնության անդամ Սիփան Փաշինյանը ևս բերման էր ենթարկվել հունիսի 9-ին, սակայն նա նշեց, որ ինքն անգամ ներկա չի եղել շենքի դիմացից թիթեղյա պատնեշների ապամոնտաժմանը:

Անդրադառնալով խնդրի իրավական կողմին` Արտակ Զեյնալյանը պարզաբանեց. «Վարչական դատարաններում քննվում են ավելի քան 150 հայցեր ընդդեմ ակտիվիստների, և ոստիկանությունն այժմ դիմում է քրեական պատժամիջոցների ճանապարհին»:

Նշենք, որ «Պահպանենք Աֆրիկյանների ակումբի շենքը» քաղաքացիական նախաձեռնությունը պահանջում է շենքը պահպանել իր տեղում կամ ներառել այն նոր կառուցվող շենքում: Նախաձեռնության անդամ Սոնա Ասատրյանըկոչ արեց միանալ իրենց պայքարին ու ներկա գտնվել Աֆրիկյանների տան շենքի ետնամասում ամեն երեկո՝ 18:00-ից հետո անցկացվող միջոցառումներին:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Հայտարարություն
02.04.2020
18:00
Մարտի 31-ին Ազգային ժողովն ընդունեց օրենսդրական փաթեթ, որը կոչված է Հայաստանում արտակարգ դրության պայմաններում կառավարությանը տրամադրել համավարակի տարածումը կանխելու լրացուցիչ գործիքներ՝ սահմանափակելով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքները։
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»: