Ի՞նչ փոխվեց Երևանում ավագանու ընտրություններից մեկ տարի անց
06.05.2014
17:00
Երևանի ավագանու ընտրություններից 1 տարի անց ավագանու մեծամասնություն կազմող ՀՀԿ խմբակցությունը համարում է, որ քաղաքապետի հետ բավականին հաջող կատարել է տրված խոստումները, մինչդեռ քաղաքական այլ ուժերի ներկայացուցիչները կարծում են բացասական երևույթները գերակշռում են՝ որպես օրինակ նշելով «Ծածկած շուկայի», Կոմիտաս 5-ի, կարմիր գծերի, Անաստաս Միկոյանի արձանի տեղադրման և այլ խնդիրներ:

«Որքանո՞վ է Երևանի ավագանին իրականացնում նախընտրական ծրագրերը. ավագանու ընտրություններից մեկ տարի անց»թեմայով բանավեճը «Մեդիա կենտրոնը» նախաձեռնել էր մայիսի 6-ին «Ա1+» հեռուստաընկերության առցանց ուղիղ հեռարձակմամբ: 

«Հանրապետական կուսակցությունն այս մեկ տարվա ընթացքում քաղաքապետի հետ բավականին հաջող կատարել է տրված խոստումները: Մեկ տարվա ընթացքում մենք կատարել ենք երեք տարվան համարժեք աշխատանք»,- ասաց Երևանի ավագանու ՀՀԿ խմբակցության անդամ Նաիրա Նահապետյանը:

ՀՀԿ խմբակցության անդամ Լևոն Իգիթյանը, զարմանում է, որ մարդիկ՝ ապրելով այս քաղաքում, այս մեկ տարվա ընթացքում կատարված փոփոխությունները չեն տեսնում. «Օրինակ՝ մեր բոլորի պահանջով Երևանում վերջապես ստեղծվեց Գեղխորհուրդ, որի շնորհիվ վատ որակի և պատահական արձաններ չեն տեղադրվի: Շատ արձանների առաջարկություններ ուղղակի մերժվել են»:

Հանրապետական խմբակցության անդամների այս պնդումներին հակադարձում  են ընդդիմադիրները:

Ըստ Երևանի ավագանու «Բարև Երևան» խմբակցության անդամ Ստյոպա Սաֆարյանի՝ «Երևանը զարգանում է քաոսայնորեն, և Երևանի վերաբերյալ ընդունված որոշումները միշտ չէ, որ երևանցու բարօրության համար են ընդունվում»:

ՀՅԴ Երևանի մարզային կոմիտեի անդամ Բագրատ Եսայանը կարծում է, որ Երևանում առկա են կոսմետիկ, աննշան փոփոխություններ, սակայն կատարված բացասական երևույթների կողքին սրանք չնչին են ու չեն երևում: Նա հատկապես առանձնացրեց կարմիր գծերի խնդիրը. «Կարմիր գծերի վերաբերյալ մրցույթը և ընտրությունը կատարվել էր փակ կերպով, և հիմա դրանց ամբողջ հասույթի 70 %-ը լցվում է մասնավոր օպերատորի գրպանը»:

«Նախախորհրդարանի» անդամ, դիրիժոր Վարդան Հակոբյանը ընդգծեց, որ առ այսօր լուծում չի տրվել «Ծածկած Շուկայի», «Կոմիտաս 5»-ի և այլ կարևորագույն խնդիրների. «Երևանցիները մնացել են մենակ իրենց խնդիրների հետ, իսկ կառուցապատումները շարունակվում են: Քաղաքացիները պաշտպանում են բակային տարածքները քաղաքապետարանից, որը ոստիկանների հսկողությամբ գրավում է խաղահրապարակները և այլ տարածքներ»:

ԲՀԿ խմբակցության ղեկավար Թամար Պողոսյանը կարևորում է Երևանի համաչափ զարգացման ծրագիրը. ««Բարգավաճ Հայաստանի» առաջարկով մշակվել է այդ հայեցակարգը և ներառվել 2014թ. ծրագրի մեջ»:

Անդրադառնալով Երևանում Անաստաս Միկոյանի արձանի տեղադրման հարցին՝ Թամար Պողոսյանը, ով ղեկավարում է Երևանի ավագանու Մշակույթի, կրթության և սոցիալական հարցերի մշտական հանձնաժողովը, հայտարարեց, որ իր նախաձեռնությամբ իրենց հանձնաժողովը մայիսի 8-ին արտահերթ նիստ է հրավիրել. «Նիստի ժամանակ քննարկվելու է Երևանում Անաստաս Միկոյանի արձանի տեղադրման մասին ավագանու՝ օրեր առաջ կայացրած որոշումը: Կլինի նոր քննարկում և ավագանու որոշման վերաբերյալ մեր հանձնաժողովը կարտահայտի իր դիրքորոշումը»:

Բագրատ Եսայանն առաջարկեց այդ քննարկմանը հրավիրել նաև «Դաշնակցություն» կուսակցության ներկայացուցչի, ով կարող է իրազեկել, թե որքան դաշնակցականներ են ռեպրեսիաների ենթարկվել Միկոյանի թեթև ձեռքով. «Մարդ, ով ստալինյան մարդակեր վարչակազմի օրոք եղել է առանցքային դեմքերից մեկը, մարդ, ով հատուկ նամակով դիմել է Կենտկոմ և Հայաստանում իրականացրել է ռեպրեսիաներ, քաղաքական, պետական, կուսակցական գործիչ չպետք է համարվի: Պետք է դատապարտվի նրա արարքը»:

Իսկ Նաիրա Նահապետյանը հպարտացավ Միկոյանի գործունեությամբ և ասաց, որ Հայաստանի տնտեսությունն այդ տարիներին զգալի վերելք է ապրել:  Նա նշեց, որ գնահատում է Անաստաս Միկոյանի ջանքերը Հայաստանի տնտեսական զարգացման գործում. «Ես գիտեմ, թե ինչ ներդրումներ է արել Միկոյանը Հայաստանի տնտեսությունը, էներգետիկան զարգացնելու, Քաջարանի մոլիբդենային գործարանը զարգացնելու գործում և դրա համար կողմ եմ Միկոյանի արձանի տեղադրմանը»:

Մայիսի 6-ին «Մեդիա կենտրոնի» նախաձեռնությամբ «Ա1+» հեռուստաընկերության առցանց ուղիղ հեռարձակմամբանցկացվեց բանավեճ` «Որքանո՞վ է Երևանի ավագանին իրականացնում նախընտրական ծրագրերը. ավագանու ընտրություններից մեկ տարի անց» թեմայով: Բանավեճի բանախոսներն էին. Նաիրա Նահապետյանը` Երեւանի ավագանու ՀՀԿ խմբակցության անդամ, Ֆինանսավարկային եւ տնտեսական հարցերի մշտական հանձնաժողովի նախագահ, Ստյոպա Սաֆարյանը` Երեւանի ավագանու «Բարեւ Երեւան» դաշինքի անդամ, Իրավական հարցերի մշտական հանձնաժողովի անդամ, Թամար Պողոսյանը՝ Երեւանի ավագանու ԲՀԿ խմբակցության ղեկավար, Մշակույթի, կրթության եւ սոցիալական հարցերի մշտական հանձնաժողովի նախագահ, Լեւոն Իգիթյանը՝ Երեւանի ավագանու ՀՀԿ խմբակցության անդամ, Քաղաքաշինության եւ հողօգտագործման հարցերի մշտական հանձնաժողովի փոխնախագահ, Բագրատ Եսայանը՝ ՀՅԴ Երեւանի մարզային կոմիտեի  անդամ, Վարդան Հակոբյանը՝ «Նախախորհրդարանի» անդամ, դիրիժոր:

Տեսանյութ
Print Friendly and PDF
Այլ մամլո հաղորդագրություններ
Խորհրդարանական արտահեր ընտրություններ 2021
18.06.2021
19:56
Իրազեկման տեսանյութերը պատրաստվել են Հանրային լրագրության ակումբի «Մեդիա կենտրոն» ծրագրի շրջանակում՝ Բաց հասարակության հիմնադրամներ - Հայաստանի աջակցությամբ: Տեսանյութերում հնչած կարծիքները կարող են չհամապատասխանել ծրագիրը ֆինանսավորող կողմի տեսակետների հետ: #VoteforArmenia #Elections2021 #ElectionsArmenia #InformedCitizen #osfarmenia #pjc
ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում
17.06.2021
19:00
Հունիսի 17-ին՝ ժամը 19:00-ին, «Մեդիա կենտրոնի» նախաձեռնությամբ «Ա1+»-ի հեռուստատաղավարում և Մեդիա կենտրոնի ֆեյսբուքյան էջում ու յութուբյան ալիքում առցանց ուղիղ հեռարձակմամբ տեղի ունեցավ նախընտրական բանավեճ «ՀՀ արտաքին քաղաքականություն, ԼՂ հարց․ անվտանգային հարցերը քաղաքական ուժերի նախընտրական ծրագրերում» թեմայով:
Ընտրություններ Հայաստանում. Անդրադարձ նախընտրական արշավին և ընտրությունների օրվա կանխատեսումներին
17.06.2021
15:00
Ժողովրդավարական ընտրությունների եվրոպական պլատֆորմը անց է կացնում նախընտրական գործընթացի վերաբերյալ հանրային քննարկում հայաստանյան առաջատար քաղաքական վերլուծաբանների միջև՝ անդրադառնալով քարոզարշավին, լրատվամիջոցների գործունեությանը, քաղաքական լարվածությանը և երկրի այլ կարևոր զարգացումներին:

Փաստերի ստուգումը նախընտրական, ընտրական և հետընտրական գործընթացներում
16.06.2021
15:30
Մեդիա կենտրոնը հունիսի 16-ին՝ ժամը 15:30-ին կազմակերպեց վեբինար փաստերի ստուգումը նախընտրական, ընտրական և հետընտրական գործընթացներում թեմայով, որի փորձագետ-հյուրն էր Մարիամ Ցիցիկաշվիլին (Georgia's Reforms Associates (GRASS), Վրաստան)։
Արտաքին քաղաքականությունը՝ նախընտրական ծրագրերում
15.06.2021
12:00
Հունիսի 15-ին՝ ժամը 12։00-ին, Մեդիա կենտրոնում տեղի ունեցավ հարցազրույց Քաղաքականության հետազոտական կենտրոնի փոխնախագահ Արմեն Գրիգորյանի հետ:
Թեման՝ «Արտաքին քաղաքականությունը՝ նախընտրական ծրագրերում»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ