Հոգեկան խնդիրներ ունեցող մարդիկ պետք է ինտեգրվեն հասարակությանը
07.05.2014
12:00
Հոգեկան առողջության պահպանման ոլորտի հնգամյա ռազմավարությունը նախատեսում է մասնագետների վերապատրաստմամբ, կարիքների գնահատմամբ և համայնքային կենտրոնների ստեղծման փորձնական ծրագրերի իրականացմամբ գրանցել այնպիսի առաջընթաց, որը կգոհացնի, և ոլորտի պատասխանատուներին, և հոգեկան առողջության խնդիրներ ունեցող անձանց ընտանիքներին:

2014 թ. ապրիլի 14-ին ՀՀ կառավարությունը հավանության է արժանացրել Հայաստանում հոգեկան առողջության պահպանման և բարելավման 2014-2019 թթ. ռազմավարությունը: Ոլորտի պատասխանատուները բավականին երկար են աշխատել փաստաթղթի ստեղծման վրա և համոզված են, որ այս ռազմավարության ընդունումը շատ կարևոր է Հայաստանի համար:

«Ռազմավարության հիմնական նպատակը հոգեկան առողջության խնդիրներ ունեցող մարդկանց իրավունքների պաշտպանությունն է, նրանց սոցիալականացնելն ու մերժվածի խարանը նրանց վրայից հանելը»,- ասաց ՀՀ առողջապահության նախարարության աշխատակազմի ղեկավար Սուրեն Քրմոյանն այսօր՝ «Մեդիա կենտրոնի» նախաձեռնած քննարկմանը: Նա ընդգծեց, որ առաջին անգամ իրենք ամրագրել են ռազմավարությունը ոչ թե որպես հոգեբուժական օգնություն, այլ հոգեկան առողջության պահպանման ծրագիր և առաջնային նպատակը հոգեկան առողջության խնդիրների կանխարգելումն է:

«Որևէ մեկը ապահովագրված չէ հոգեկան խանգարում ունենալուց, պետք է փոխել վերաբերմունքն այդ մարդկանց հանդեպ»,- ասաց Հայկական հոգեբուժական ասոցիացիայի նախագահ Արմեն Սողոյանը՝ նշելով, որ այսօր ՀՀ-ում կա հոգեկան խնդիրներ ունեցող 46 հազար գրանցված անձ:

Ռազմավարությունը մշակվել է միջազգային փորձը հաշվի առնելով՝ ներգրավելով Բաց Հասարակության Հիմնադրամի հոգեկան առողջության գծով փորձագետ Ժոլտ Բուգարսկուն. «Այլ երկրներում 10-15 տարի է պահանջվում հոգեկան առողջության պահպանման և բարելավման խնդիրները միայն քննարկելու համար, իսկ Հայաստանում պետական ու հասարակական սեկտորի համատեղ ուժերով շատ արագ քննարկվեց, մշակվեց ու ընդունվեց այս կարևորագույն հայեցակարգը»:

ՀՀ աշխատանքի և սոցիալական հարցերի նախարարության աշխատակազմի հաշմանդամների և տարեցների հիմնահարցերի վարչության պետի տեղակալ-տարեցների հիմնահարցերի բաժնի պետ Անահիտ Գևորգյանը մատնանշեց հոգեկան առողջության խնդիրներ ունեցող անձանց հասարակության մեջ ինտեգրելու անհրաժեշտությունը. «Նախատեսում ենք համայնքային կենտրոնների ստեղծման փորձնական երկու ծրագիր՝ հավանաբար Սյունիքի և Լոռու մարզերում: Մարզերի ընտրությունը կատարում ենք մարզում մասնագետների առկայության պայմանով, իսկ շահառուները կլինեն Վարդենիսի նյարդահոգեբանական տուն-ինտերնատի տվյալ մարզի բնակիչներ, ովքեր կունենան այդպիսի ծառայության կարիք»:

«Հոգեկան խանգարում ունեցող մարդիկ չպետք է մեկուսացվեն ինչ-որ հեռու շրջաններում, նրանց օգնությունը պետք է կազմակերպվի իրենց համայնքներում՝ հաշվի առնելով նրանց կարիքները: Արևելյան Եվրոպայի շատ երկրներում հոգեկան խնդիրներ ունեցող մարդիկ աշխատում են ու հաճախ հաջողությամբ կառավարում սեփական մանր ձեռնարկությունները»,-նշեց փորձագետ Ժոլտ Բուգարսկին, հավելելով, որ հոգեկան առողջության խնդիրներ ունեցող մարդկանց շատ քիչ մասն է հիվանդությունը ձեռք բերել գենետիկ ճանապարհով:

Նոր ռազմավարությամբ կարևորվում է հոգեկան առողջության հետ խնդիրներ ունեցող անձանց աջակցությունը համայնքային մակարդակում: Նախատեսվում է նաև հոգեկան առողջության ոլորտում աշխատող մասնագետների պատրաստում, ովքեր առավելապես ներգրավված կլինեն տնային պայմաններում հոգեկան առողջության խնդիրներ ունեցող անձանց օժանդակելուն:

Մայիսի 7-ին «Մեդիա կենտրոնում» տեղի ունեցավ քննարկում՝ հոգեկան առողջության պահպանման և բարելավման 2014-19թթ. հայեցակարգի շուրջ: Բանախոսներն էին. Ժոլտ Բուգարսկին` հոգեկան առողջության գծով միջազգային փորձագետ, ԲՀՀ, Հունգարիա, Անահիտ Գևորգյանը՝ ՀՀ աշխատանքի և սոցիալական հարցերի նախարարության աշխատակազմի հաշմանդամների և տարեցների հիմնահարցերի վարչության պետի տեղակալ, տարեցների հիմնահարցերի բաժնի պետ, Սուրեն Քրմոյանը`ՀՀ առողջապահության նախարարության աշխատակազմի ղեկավար, Արմեն Սողոյանը`Հայկական հոգեբուժական ասոցիացիայի նախագահ:

Տեսանյութ
Print Friendly and PDF
Այլ մամլո հաղորդագրություններ
«Արցախում ընտրությունները կկայանան ցանկացա՞ծ եղանակի»
27.03.2020
18:00
Աշխարհում մարդկային կուտակումներ ենթադրող բոլոր իրադարձությունները հետաձգվում են՝ Օլիմպիական խաղեր, հանրաքվեներ, կրոնական հավաքներ…Աշխարհում արտակարգ դրություն է:
Մարտի 31-ին, սակայն, Արցախում տեղի կունենան նախագահական ընտրություններ:
Ինչո՞վ են ընտրությունները գերակա կորոնավիրուսի հնարավոր տարածման վտանգի հանդեպ:
Մեդիա կենտրոնն այս և այլ հարցերի պատասխանները քննարկում է Իրազեկ քաղաքացիների միավորում ՀԿ ծրագրերի համակարգող Դանիել Իոաննիսյանի հետ:
Հայտարարություն
27.03.2020
17:00
Մենք՝ ներքոստորագրյալ կազմակերպություններս, գոհունակությամբ ենք ընդունել այն, որ ՀՀ կառավարությունը մարտի 25-ին վերանայեց մարտի 16-ի իր որոշումը և վերացրեց նոր կորոնավիրուսի հետ կապված խնդիրների լուսաբանման անհամաչափ սահմանափակումները։
«Որքանով է հայակական համացանցը պատրաստ գերծանրաբեռնված աշխատանքին»
27.03.2020
10:30
Մեդիա կենտրոնն իրականացրեց հեռավար հարցազրույց Կանադայում բնակվող Դավիթ Սանդուխչյանի՝ «Որքանով է հայակական համացանցը պատրաստ գերծանրաբեռնված աշխատանքին» թեմայով։ Դավիթ Սանդուխչյանն ինտերնետ ոլորտի իրավաբան է և հարցազրույցի ժամանակ կիսվում է իր մտահոգություններով և տեսլականով, խոսում հայաստանյան և համաշխարհային ինտերնետ կապի որակի, առկա մարտահրավերների և լուծումների մասին։
Խոշտանգումը շարունակում է խնդիր մնալ անգամ հեղափոխությունից հետո. Արա Ղարագյոզյան
26.03.2020
20:02
Երեկ՝ մարտի 25-ին, Վերաքննիչ դատարանը մասնակի բավարարել է խոշտանգման գործով տուժող ճանաչված քաղաքացու շահերի պաշտպան Արա Ղարագյոզյանի ու դատախազ Վարդգես Սարգսյանի բողոքները՝ բեկանելով Տավուշի մարզի ընդհանուր իրավասության դատարանի խոշտանգման գործով ամբաստանյալի նկատմամբ արդարացման դատավճիռը, գործը ուղարկելով առաջին ատյանի դատարան՝ նոր ծավալով քննության։
Սովորենք սիրել ու պահպանել միմյանց
26.03.2020
19:54
Ինչպե՞ս հաղթահարել կորոնավիրուսի տարածմամբ պայմանավորված՝ մեկ ամիս (գուցե ավելի) տնից դուրս չգալու անորոշությունը: Ի՞նչ լուծումներ են առաջարկում հոգեբանները՝ նվազագույն էմոցիոնալ կորուստներով հաղթահարելու համաշխարհային մասշտաբի այս ճգնաժամը: Այս և մի շարք այլ հարցերի շուրջ ենք զրուցել «ԱՅԳ» հոգեբանական ծառայությունների կենտրոնի տնօրեն Վարուժան Մելքոնյանի հետ: