«Քեսաբի» ցուցադրությունը Գյումրիում
11.04.2014
15:00
«Մեդիա կենտրոնի» նախաձեռնությամբ «Քեսաբ» ֆիլմը ցուցադրվեց նաև Գյումրիում՝ «Հոկտեմբեր» կինոթատրոնում, ցուցադրությանը հաջորդեց քննարկում:

Գյումրեցիները ծանոթացան Սիրիայի և Թուրքիայի սահմանին՝ Միջերկրական ծովի ափին գտնվող հին հայկական բնակավայրի` Քեսաբի պատմությանն ու ավանդույթներին:

Ֆիլմի հեղինակ Նանե Բագրատունին հիշեց Քեսաբում նկարահանումներից դրվագներ, որոնք տեղ չեն գտել ֆիլմում, պատմեց քեսաբցիների հյուրընկալության մասին:

Քեսաբցի Յակոբ Քորթմոսեանը ներկայացրեց իրադրությունը Քեսաբում այժմ, և ուղղեց քեսաբցիների կոչը՝ աջակցել բարոյապես և նյութապես:

Շիրակի մարզպետի խորհրդական Հասմիկ Կիրակոսյանն էլ կիսեց իր հուշերը Քեսաբից, երբ 1990թ. գյումրեցի 40-ից ավելի երեխաների պարի խմբի հետ Սիրիայում համերգներից հետո անելանելի վիճակում էին հայտնվել՝ կային ինչպես փաստաթղթային, այնպես էլ՝ ֆինանսական խնդիրներ: Եւ քեսաբցի Վահե Մահշիկյանի  հյուրընկալությամբ 10 օրից ավելի նրանք  ապրեցին Քեսաբում, ուր տեղացիներն աջակցեցին նրանց ամեն ինչով:

Ֆիլմի մասին

«Քեսաբ» ֆիլմում տեղաբնակները ներկայացնում են իրենց պատմությունը սկսած մեր թվարկությունից առաջ` Տիգրան Մեծի ժամանակներից, հասնում են մինչ 21-րդ դար: Անդրադառնում են թուրքերի կողմից կազմակերպած 1909թ.-ի տեղահանությանն ու թալանին, 1915թ.-ի հայոց եղեռնին, և դրանից 3 տարի անց իրենց վերադարձին:

Քեսաբցի գիտնական, ազգագրագետ Հակոբ Չոլաքյանը, արաբ գիտնական Նիզար Խալիլին, պատմում են Քեսաբի պատմությունը փաստերով, իսկ բնակիչները` փոքրիկ դպրոցահասակներից մինչ տարեցներ ներկայացնում են իրենց անձնական պատմությունները, մասնավոր դիպվածներ:

102-ամյա քեսաբցի Գալիլ Նանան /Գալիլիա Մանճիկյանը/, ով 1915թ.-ին 7 ամյա աղջնակ է եղել, պատմում է եղեռնի մասին իր հիշողությունները` խոսելով իր ձեռքի փրկարար դաջվածքի մասին: Ֆիլմում ներկայացվում է քեսաբցու կյանքն ու գոյատևման գաղտնիքները, ազգային ինքագիտակցությունն ու մշակութային առանձնահատկությունները, Քեսաբ հայկական մշակութային կղզին, որը հարատևել է թուրքական պետության եռակողմ հարևանությամբ, արաբների հետ համակեցությամբ:

Ապրիլի 11-ին «Մեդիա կենտրոնի» նախաձեռնությամբ տեղի ունեցավ   «Քեսաբ»  ֆիլմաշարի առաջին մասի ցուցադրություն-քննարկումը Գյումրիի «Հոկտեմբեր» կինոթատրոնում: Բանախոսներն էին` ֆիլմի համահեղինակ և ռեժիսոր Նանե Բագրատունին և քեսաբցի Յակոբ Քորթմոսեանը

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ