«Քեսաբի» ցուցադրությունը Վանաձորում
17.04.2014
15:00
Վանաձորի Շառլ Ազնավուրի անվան մշակույթի պալատը երեկ բազմամարդ էր, այստեղ «Մեդիա կենտրոնի» նախաձեռնությամբ տեղի ունեցավ վավերագրող ռեժիսոր Նանե Բագրատունու «Քեսաբ» ֆիլմի ցուցադրությունը: Ֆիլմը պատմում է Միջերկրական ծովի ափին գտնվող հին հայկական բնակավայր Քեսաբի պատմության ու ավանդույթների մասին:

Ֆիլմը նկարվել էր 2009-2010 թ.-երին, սակայն, ինչպես ցուցադրմանը հաջորդած քննարկման ժամանակ նշեց ֆիլմի հեղինակը, այն արդիական է հիմա, հատկապես հաշվի առնելով մամուլում Քեսաբի շուրջ առկա մեծածավալ ապատեղեկատվությունը: Բագրատունին մատնանշեց, որ ճանաչողությունը մեզ կմղի առավել ադեկվատ արձագանքելու այժմ տեղի ունեցող իրադարձություններին:

«Երբ ես առաջին անգամ եղա Քեսաբում, տեսա պատմության, գրականության մեջ ինձ հանդիպած պատմական Հայաստանը»,- իր խոսքում ասաց ֆիլմի հեղինակը:

Ցուցադրության շուրջ հարյուր մասնակիցների մեջ էին նաև նախկինում Քեսաբից Հայաստան հայրենադարձածներ, ովքեր պատմեցին Քեսաբի իրենց հիշողությունների մասին` հիշելով նաև հայրենադարձությունից հետո Սովետական Հայաստանում կրած զրկանքները:

Ֆիլմի դիտմանը ներկա էր նաև ամիսներ առաջ Քեսաբից Հայաստան տեղափոխված ՌիթաՄանճիկյանը, ով կիսվեց Սիրիայից իր ունեցած թարմ տեղեկություններով.

«Քեսաբցիները հույսով են, որ իրենց տները պետք է վերադառնան, այնտեղ այն տխուր վիճակը չէ, ինչպես բոլորը տպավորված են այստեղ»,- ասաց Ռիթան:

Ֆիլմի դիտմանը պետք է մասնակցեին նաև «Եռագոյն» արևմտահայ լրատվականի ներկայացուցիչները, ովքեր Քեսաբում տեղի ունեցած իրադարձությունների վերաբերյալ առաջինն էին արձագանքել, մեզ ուղղված նամակում նրանք ևս իրենց լավատեսությունն են հայտնում քեսաբահայերի ճակատագրի վերաբերյալ.

«Քաջածանօթ ըլլալով քեսապցիի նկարագրին՝ համոզուած ենք, որ Քեսապի եւ քեսապցիներու ապրած այս դժուարին օրերը անցողիկ են. Որովհետեւ Քեսապը ազատագրելն ու ապահով դարձնելը կըբխի նաեւ Սուրիոյ իշխանութեան շահերէն, Սուրիական բանակը Քեսապը կըվերադարձնէ, իսկ միահամուռ կերպով իր դարաւոր հողին կառչած Քեսապահայութիւնը դարձեալ պիտի շէնացնէ իր սիրելի օրրանը»,- վստահություն է հայտնում «Եռագոյն»-ի ներկայացուցիչը:

Հավելենք, որ Նանե Բագրատունու «Քեսաբ» ֆիլմը ցուցադրվել է նաև Երևանում ու Գյումրիում, ֆիլմի հեղինակը նշեց, որ սա միայն առաջին մասն էր, և ֆիլմի մյուս մասերը դեռ պետք է ներկայացնեն հայկական Քեսաբը ներսից:

Ապրիլի 17-ին Վանաձորի Շառլ Ազնավուրի անվան մշակույթի պալատում «Մեդիա կենտրոն»-ի նախաձեռնությամբ տեղի ունեցավ «Քեսաբ» ֆիլմաշարի առաջին մասի ցուցադրությունը: Ֆիլմին հաջորդեց քննարկում ֆիլմի համահեղինակ, ռեժիսոր Նանե Բագրատունու և քեսապցի Ռիթա Մանճիկյանի հետ:

Տեսանյութ
Print Friendly and PDF
Այլ մամլո հաղորդագրություններ
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Հայտարարություն
02.04.2020
18:00
Մարտի 31-ին Ազգային ժողովն ընդունեց օրենսդրական փաթեթ, որը կոչված է Հայաստանում արտակարգ դրության պայմաններում կառավարությանը տրամադրել համավարակի տարածումը կանխելու լրացուցիչ գործիքներ՝ սահմանափակելով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքները։
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Փաշինյանի զանգը Լուկաշենկոյին կբնութագրեի որպես չհաշվարկված
31.03.2020
20:03
Այսօր՝ մարտի 31-ին, հայկական կողմի նախաձեռնությամբ տեղի է ունեցել Հայաստանի Հանրապետության վարչապետ Նիկոլ Փաշինյանի և Բելառուսի նախագահ Ալեքսանդր Լուկաշենկոյի հեռախոսազրույցը: Այս լուրը տարածել է բելառուսական «Բելտա» տեղեկատվական գործակալությունը: Ըստ աղբյուրի՝ ի թիվս այլ հարցերի՝ «Լուկաշենկոն և Փաշինյանն արձանագրել են բնական գազի գնի բարձր մակարդակը՝ նշելով, որ այն ակնհայտորեն չի համապատասխանում համաշխարհային մակարդակին և ընդհանուր առմամբ ստեղծված իրավիճակին»: