«Ուղեվարձի փոփոխությունը անխուսափելի է»
15.04.2014
17:00
Երևանի քաղաքային տրանսպորտի ուղեվարձի փոփոխման հարցը կրկին օրակարգում է. ուղևորափոխադրողները պնդում են սակագնի բարձրացման անխուսափելիությունը, իսկ քաղաքացիները կասկածի տակ դնում դրա հիմնավորումը:

Ապրիլի 15-ին «Մեդիա կենտրոնի»  նախաձեռնությամբ «Ուղեվարձի փոփոխություն՝անհրաժե՞շտ, թե՞ անհիմն» թեմայով բանավեճ տեղի ունեցավ՝  Ա1+-ի առցանց եթերում:

Երևանի քաղաքապետի որոշմամբ ստեղծված հանձնաժողովի նիստում  օրերս  ներկայացվեցին վերգետնյա տրանսպորտային միջոցների ծառայության նախնական սակագները. միկրոավտոբուսի ուղեվարձ՝ 207 դրամ, դիզելով ավտոբուսինը՝ 252, բնական գազով աշխատող ավտոբուսի ուղեվարձը՝ 196 դրամ, որոնք հիմնված են «Այ Փի Էս Սի» քաղաքական եւ սոցիոլոգիական խորհրդատվությունների ինստիտուտի  դեկտեմբերին իրականացրած ուսումնասիրության վրա:

«Միջազգային փորձագետների ներգրավումը հանձնաժողովի աշխատանքներին խնդիր ունի, որ «օտար մեկն էլ ասի՝ տեսե՛ք, բալը իսկապես թանկ է»,-ասաց «Բարև Երևան» խմբակցության ղեկավար Անահիտ Բախշյանը՝ ավելացնելով, որ հանձնաժողովի աշխատանքներն արհեստականորեն ձգձգվում են:

Այս պնդմանը հակադարձեց ավագանու Հանրապետական խմբակցության անդամ Նաիրա Նահապետյանը՝ նշելով, որ հանձնաժողովը լուրջ ուսումնասիրություններ է իրականացնում և դրա համար ժամանակ է անհրաժեշտ: Բախշյանը, սակայն հիշեցրեց, որ հուլիսին Տարոն Մարգարյանից ընդամենը մի քանի օր էր պահանջվել ուղեվարձի գինը 150 դրամ դարձնելու որոշման համար:

Հանձնաժողովի ներկայացրած հաշվարկներին առարկեց «Իրազեկ եւ պաշտպանված սպառող» ՀԿ նախագահ Բաբկեն Պիպոյանը. «Երևանի քաղաքապետարանը թանկացման ժամանակ տվել էր մեքենայի ամսական ծախսի ու մուտքերի թվերը, ծախսերի մասով որևէ փոխադրող չի առարկել այդ ժամանակ, և  ես դրանք համադրել եմ իրական մուտքերի թվին  և ստացել եմ, որ ուղևորափոխադրման ինքնարժեքը 70 դրամ է»:

«Ոչ մի ալտերնատիվ հաշվարկ գոյություն չունի, ոչ ակտիվիստների, ոչ էլ պասիվիստների կողմից»,- հակադարձեց «Հայաստանի ուղևորափոխադրողների միության» նախագահ Հրանտ Եղիազարյանը՝ նշելով, որ իրենք մշտապես համագործակցության առաջարկներ են արել քաղաքացիական սեկտորին, սակայն՝ ապարդյուն:

Հանրապետական խմբակցության անդամ Նաիրա Նահապետյանը նշեց, որ Տարոն Մարգարյանն էլ կցանկանար, որպեսզի ուղևորափոխադրումը իրականացվի 50 դրամ սակագնով, սակայն դա հնարավոր չէ. «Մրցույթները հայտարարվում են, բայց ուղևորափոխադրման 15 երթուղիներ չեն սպասարկվում, տնտեսվարողներն, արդեն,  100 դրամով չեն կարողանում միջին շահույթ ստանալ»:

Եղիազարյանն ասաց նաև, որ փոխադրողները հասկանում են, որ ուղեվարձի իրական գինը իսկապես թանկ է հասարակության համար, սակայն դա փոխադրողների խնդիրը չէ, քանի որ նրանք ներկա սակագնով չեն կարող շարունակել աշխատել:

«200 դրամ սակագնի դեպքում (50-ը պետական սուբսիդավորմամբ) մենք կկարողանանք թարմացնել շարժակազմը և նորմալ ծառայություններ մատուցել»,-ասաց «Հայաստանի ուղևորափոխադրողների միության» նախագահը, պնդելով, որ  ուղեվարձը պարտադիր պետք է ենթարկվի փոփոխության և միայն դրանից երեք-չորս ամիս հետո կլինեն որակական փոփոխություններ:

Անդրադառնալով քաղաքային տրանսպորտի որակին՝ Անահիտ Բախշյանը նկատեց, որ ծառայությունների որակը նկատելիորեն իջել է՝ քաղաքապետարանը և փոխադրողները ցանկանում են մարդկանց ցույց տալ, թե որքան վատ կարող է լինել տրանսպորտի վիճակը, եթե ուղեվարձի գինը չբարձրացվի:

Երևանի քաղաքային տրանսպորտի ուղեվարձի փոփոխությունը դեռ կքննարկվի Ներքաղաքային ուղևորափոխադրումենրի սակագնի հետ կապված հարցերն ուսումնասիրող հանձնաժողովում:

Ապրիլի 15-ին «Մեդիա կենտրոնի» նախաձեռնությամբ «Ա1+»-ի առցանց ուղիղ հեռարձակմամբ տեղի  ունեցավ «Ուղեվարձի փոփոխություն՝անհրաժե՞շտ, թե՞ անհիմն» թեմայով բանավեճ, որին մասնակցում էին Երեւանի ավագանու Հանրապետական խմբակցության անդամ, Ֆինանսավարկային եւ տնտեսական հարցերի մշտական հանձնաժողովի նախագահ Նաիրա Նահապետյանը, Երևանի ավագանու «Բարև Երևան» խմբակցության ղեկավար Անահիտ Բախշյանը, «Իրազեկ եւ պաշտպանված սպառող» ՀԿ նախագահ Բաբկեն Պիպոյանը և «Հայաստանի ուղևորափոխադրողների միության» նախագահ Հրանտ Եղիազարյանը:

Տեսանյութ
Print Friendly and PDF
Այլ մամլո հաղորդագրություններ
«ՏԻՄ-երը կուսակցականացվում են․ նոր ընտրական օրենք՝ նոր ախորժա՞կ»
09.07.2020
14:00
Հուլիսի 9-ին՝ ժամը 14։00-ին, «Մեդիա կենտրոնի» նախաձեռնությամբ «Ա1 պլյուսի» ուղիղ հեռարձակմամբ անցկացվեց առցանց հեռուստաբանավեճ «ՏԻՄ-երը կուսակցականացվում են․ նոր ընտրական օրենք՝ նոր ախորժա՞կ» թեմայով։

«Գենդերային խտրականությամբ պայմանավորված բռնությունը հանրային տարածքում. պետության արձագանը»
07.07.2020
12:00
Հուլիսի 7-ին՝ ժամը 12:00-ին, «Մեդիա կենտրոն»-ը տեսակապի միջոցով կազմակերպում է քննարկում «Գենդերային խտրականությամբ պայմանավորված բռնությունը հանրային տարածքում. պետության արձագանը» թեմայով:

«Հանրակրթության չափորոշիչներ․ որտե՞ղ է մանիպուլյացիան, որտեղ՝ իրականությունը»
06.07.2020
14:00
Հուլիսի 6-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպեց քննարկում «Հանրակրթության չափորոշիչներ․ որտե՞ղ է մանիպուլյացիան, որտեղ՝ իրականությունը» թեմայով:

«COVID-19. հոգեբանական աջակցության անհրաժեշտություն ունենք բոլորս»
06.07.2020
12:00
Հուլիսի 6-ին, ժամը 12:00-ին, Մեդիա կենտրոնն անցկացրեց առցանց քննարկում «COVID-19. հոգեբանական աջակցության անհրաժեշտություն ունենք բոլորս» թեմայով:

Քարահունջը պետք է պահպանել, բայց ումի՞ց
03.07.2020
14:30
Հուլիսի 3-ին՝ ժամը 14։00-ին, «Մեդիա կենտրոն»-ը տեսակապի միջոցով կազմակերպեց քննարկում «Քարահունջը պետք է պահպանել, բայց ումի՞ց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ