«Դեպտեմբերի 23-ի քվեարկությունը բացարձակ ապօրինի էր»
26.12.2013
12:00
Այսօր՝ ժամը 15:00-ին, Ազգային ժողովում հրավիրվել է Հաշվիչ հանձնաժողովի արտահերթ բաց նիստ: Օրակարգի առաջին հարցն է դեկտեմբերի 23-ին ԱԺ-ում անցկացված Հայաստանի և Ռուսաստանի միջև « «ՀայՌուսգազարդ» ՓԲԸ բաժնետոմսերի առուվաճառքի և հետագա գործունեության պայմանների մասին» համաձայնագրի քվեարկության օրինականությանը: Նիստի ծանուցումն ուղարկվել է իշխանական ուժերի ներկայացուցիչներին:

Դեպտեմբերի 23-ի քվեարկությունը բացարձակ ապօրինի էր. այսօր՝ «Մեդիա կենտրոնում» անցկացված քննարկման ժամանակ, փաստեցին ՀՅԴ խմբակցության պատգամավոր Արծվիկ Մինասյանը, ԲՀԿ խմբակցության պատգամավոր Ստեփան Մարգարյանը և ՀԱԿ ներկայացուցիչ Վահագն Խաչատրյանը:

«Իշխանությունը այլևս ոչ մի բանի առջև չի կանգնում և նոր անօրինականություններ է անում: 1990-ականներին Գերագույն խորհուրդը միշտ ձեռքով էր քվեարկում: Հաշվիչ հանձնաժողովի անդամները հաշվում էին, հայտարարում, ներկայացնում նիստը վարողին: Իսկ այս դեպքում դա տեղի չի ունեցել»,- ասաց Վահագն Խաչատրյանը:

Արծվիկ Մինասյանի դիտարկմամբ՝ թեև համաձայնագիրը ներկայացվեց Հայաստանի պարտքի համատեքստում, սակայն իրականում 300 մլն դոլարի պարտք չի եղել: Նրա կարծիքով՝ համաձայնագիրն անտեսում է ՀՀ բոլոր օրենքները, այդ թվում մասնավորեցման: Պայմանագրով «Գազպրոմին» են հանձնվում համայնքների սեփականությունը հանդիսացող բազմաթիվ հողատարածքներ, խողովակաշարեր, որոնց արժեքը մինչ այս գնահատված չէ:

«Ես չեմ տեսել Հայաստանի կնքած որևէ համաձայնագիր, որով Հայաստանը հրաժարվի միջազգային իրավունքով տրվող բոլոր անձեռնմխելիություններից: Այս պայմանագրով Հայաստանը հրաժարվում է: Շատ ավելի արժանապատիվ կլիներ 20 տոկոսը նվիրել Ռուսաստանին, քան թե ունենալ նման պայմանագիր ձեռքներիս տակ»,- ասում է Մինասյանը: 

«Կառավարության տեսակետից սա փայլուն պայմանագիր է, որը կնքվել է և իրենց կարծիքով վավերացվել է»,- արձագանքում է Ստեփան Մարգարյանը և տեղեկացնում՝ ըստ պայմանագրի՝ նույնիսկ եթե «Գազպրոմի» դեմ դատական գործ լինի, դատավարության լեզուն պետք է ռուսերենը լինի: Մարգարյանը հեգնում է՝ մի՞թե «Գազպրոմը» չի կարող վճարել թարգմանչին, եթե դատավարությունը լինի հայերենով: 

Վահագն Խաչատրյանը համոզված է, որ պայմանագրով «Գազպրոմը» լուծում է Հայաստանի ոչ միայն գազի, այլև ընդհանրապես էներգետիկայի համակարգի հարցերը: Գազի բարձրացման պարագայում էլ.էներգիայի սակագինը 30 տոկոսով բարձրացել է: Խաչատրյանը կանխատեսում է էլ.էներգիայի սակագների հերթական թանկացում:

ԱԺ հաշվիչ հանձնաժողովն այսօր կքննարկի դեկտեմբերի 23-ի բաց քվերակության օրինականությունն ու համապատասխան որոշում կներկայացնի: 

Դեկտեմբերի 26-ին «Մեդիա կենտրոնում» անցկացվեց քննարկում՝ Հայաստանի և Ռուսաստանի միջև ««ՀայՌուսգազարդ» ՓԲԸ բաժնետոմսերի առուվաճառքի և հետագա գործունեության պայմանների մասին» համաձայնագրի վերաբերյալ: Քննարկման բանախոսներն էին Արծվիկ Մինասյանը՝ «Հայ հեղափոխական դաշնակցություն» խմբակցության պատգամավոր, Ստեփան Մարգարյանը՝ «Բարգավաճ Հայաստան» խմբակցության պատգամավոր, Վահագն Խաչատրյանը՝ Հայ ազգային կոնգրեսի ներկայացուցիչ: 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ