«Քրեակատարողական հիմնարկներում շարունակում է գործել գողական համակարգ»
25.12.2013
13:00
Քրեակատարողական հիմնարկներում շարունակում է գործել գողական համակարգ. «քրեական» օրենքները գերիշխում են Հայաստանի նորմատիվ իրավական ակտերին: Ռոբերտ Ռևազյանը՝ Արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբիղեկավարն, այս եզրակացությանն է հանգել իր ամենօրյա գործունեության ընթացքում:

Ըստ ՔԿՀ-ներում գործող դրվածքի՝ ՔԿՀ վարչակազմի դեմ բողոքողը կհամարվի «գործ տվող»: Նրա հանդեպ կկիրառվեն դաժան պատժի ձևեր, ընդհուպ մինչև սեռական ոտնձգություն: Այս է պատճառը, որ դատապարտյալները չեն բարձրաձայնում ՔԿՀ-ների պայմանների մասին:

«Այն, որ բողոք չունենք, նշանակում է, որ սարսափելի է վիճակը: Թիվ մեկ խնդիրն է ՔԿՀ-ներից վերացնել քրեական, հիերարխիկ հարաբերությունները»,- ասաց Ռևազյանն՝ այսօր  «Մեդիան կենտրոնում» ամփոփելով խմբի 2013թ. գործունեությունը:

Ռոբերտ Ռևազյանը դժգոհ է դիտորդական խմբի և Արդարադատության նախարարության համագործակցությունից: Թեև նախարարությունը պարտավոր է 3 օրվա ընթացքում պատասխանել խմբի հրատապ հաշվետվություններին, բայց կան դեպքեր, երբ նույնիսկ մեկ ամսվա ընթացքում չի պատասխանել: Այս տարի մեկ ամսում 2 անգամ խոչընդոտվել է խմբի անդամների մուտքը «Արթիկ» ՔԿՀ: Խումբը դիմել է նախարարությանը, և ստացել, Ռևազյանի գնահատմամբ, անհեթեթ պատասխան:

Այս տարի դիտորդական խումբը մոտ 120 այցելություն է կատարել Հայաստանի բոլոր 12 ՔԿՀ-ներ, 70-ից ավելի գրություններ է ուղարկել տարբեր գերատեսչություններ, զրույց է ունեցել ավելի քան 200 դատապարտյալի հետ:

Խմբի անդամ Ժորժետա Մեսրոպյանի դիտարկմամբ՝ ՔԿՀ-ներում ամենամեծ խնդիրը զբաղվածության բացակայությունն է: Բանտարկյալներն ի վերջո դուրս են գալու ՔԿՀ-ից, մինչդեռ ձեռք չեն բերում մասնագիտություն, հմտություններ, որոնք իրենց պետք կգան ազատության մեջ, կօգնեն ինտեգրվել հասարակությանը:

«Ազատազրկումը պատիժ է, իսկ պատիժը կրել անգործության մեջ, արդեն դաժանություն է: Ուզում ենք, որ պատկան մարմինների ուշադրության կենտրոնում լինի ՔԿՀ-ներում զբաղվածության խնդիրը»,- ասաց Ժորժետա Մեսրոպյանը:

Խմբի մեկ այլ անդամ Հասմիկ Հարությունյանը ՔԿՀ-ների գլխավոր խնդիրներից է համարում վաղաժամկետ ազատման և հիվանդության պատճառով պատժի կրումից ազատման ինտիտուտների չգործելը:

«Գերբնակեցման հարցը, ՔԿՀ-ում ներքին հարաբերություններն այնքան խնդիր չեն ստեղծում դատապարտյալների համար, որքան այս 2 ինստիտուտների պրակտիկ անգործությունը»,- ասում է Հարությունյանը:

Պայմանական վաղաժամկետ ազատվելու դիմումները մեծ մասամբ մերժվում են: Հարությունյանի խոսքով՝ նույնիսկ դատապարտյալները չգիտեն, թե ինչ սկզբունքների, չափանիշների հիման վրա են ՔԿՀ վարչակազմը և անկախ հանձնաժողովը մերժման որոշում կայացնում, ինչպես կարելի է բողոքարկել որոշումը:

Ռոբերտ Ռևազյանը նշեց, որ իրենց մոնիտորիգի ընթացքում նույնիսկ հայտնաբերել են ՔԿՀ, որն ընդհանրապես բժիշկ չի ունեցել: Շատ ցածր է սննդի որակը, ինչի մասին վկայում է ամեն օր ՔԿՀ-ներ մտնող հանձնուքների մեծ քանակը: Ռևազյանի խոսքով՝ մեկ հանձնուքը կարող է 5-25 հազար դրամ արժենալ, իսկ եթե ՔԿՀ-ում նորմալ սնունդ տրվեր բանտարկյալներին, ապա այդքան հանձնուքներ չէին լինի:

Շարունակում է արդիական մնալ գերբնակեցման խնդիրը: «Նուբարաշեն» ՔԿՀ-ում 30-40 մ տարածքում մոտ 20 անձ է բնակվում: Ամառվա շոգին նրանք մնում են այդ մի սենյակում, որտեղ չկա նորմալ օդափոխություն, իսկ լույսը թափանցում է ընդամենը մի փոքր ճաղապատ լուսամուտից: 

Դիտորդական խմբի ղեկավարն առհասարակ չի տեսնում ՔԿՀ-ների՝ դատապարտյալներին ուղղելու գործոնը: Նրա դիտարկմամբ՝ ՔԿՀ-ներում իրավիճակի բարելավմանը կնպաստի համապատասխան կադրային քաղաքականությունը: Այժմ ՔԿՀ ղեկավարների մեծ մասը ուժային կառույցների ներկայացուցիչներ են, որոնք ունեն դատապարտյալին պատժելու և ոչ թե ուղղելու հոգեբանություն:

Դեկտեմբերի 25-ին «Մեդիա կենտրոնում» տեղի ունեցավ ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբի մամուլի ասուլիսը՝ «Ազատազրկված անձանց իրավունքների պաշտպանությունը Հայաստանում. 2013 թվականի ամփոփում» թեմայով: Ասուլիսի բանախոսներն էին դիտորդական խմբի ղեկավար Ռոբերտ Ռևազյանը, խմբի անդամներ Հասմիկ Հարությունյանը և Ժորժետա Մեսրոպյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Պե՞տք է պատվաստվել քաղցկեղի, շաքարային դիաբետի դեպքում, հղիության շրջանում
15.10.2021
11:00
Հոկտեմբերի 15-ին՝ ժամը 11:00-ին, Մեդիա կենտրոնի սրահում տեղի ունեցավ մամուլի ասուլիս «Պե՞տք է պատվաստվել քաղցկեղի, շաքարային դիաբետի դեպքում, հղիության շրջանում կամ հղիությունը պլանավորելուց առաջ. միֆեր և իրականություն» թեմայով:

Բանախոսներ՝
- Վահե Տեր-Մինասյան, Ուռուցքաբան-գինեկոլոգ։
- Նաիրա Գոգյան, ԱՆ էնդոկրինոլոգիայի գծով խորհրդատու
- Մհեր Սուսանի, սրտաբան, «Աստղիկ» բժշկական կենտրոնի սրտային վիրաբուժության բաժանմունքի ղեկավար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ