Հայցադիմում՝ ընդդեմ ՄՄ-ին միանալու որոշման
26.11.2013
12:00
Այսօր Հելսինկյան քաղաքացիական ասամբլեայի Վանաձորի գրասենյակը ՀՀ վարչական դատարան է ներկայացրել հայցադիմում, որով պահանջում է ոչ իրավաչափ ճանաչել ՀՀ նախագահ Սերժ Սարգսյանի 2013թ. սեպտեմբերի 3-ի՝ Մաքսային միությանն անդամակցելուն ուղղված գործողությունը:

Սաքունցը պնդում է, որ Սերժ Սարգսյանի վերոնշյալ հայտարարությամբ և դրան հաջորդած մյուս գործողություններով խախտվել են իրավական և ժողովրդավարական պետության մի շարք սկզբունքներ՝ բարեխիղճ կառավարում, թափանցիկություն, հրապարակայնություն:

Նրա խոսքով՝ ՀՀ քաղաքականությունը 4 տարի շարունակ ուղղված էր Ասոցացման համաձայնագրի ու Խորը և համապարփակ, ազատ առևտրի համաձայնագրի ստորագրմանը, սակայն մեկ օրում կայացվեց ՄՄ-ին միանալու կամայական որոշում:

«Սերժ Սարգսյանի սեպտեմբերի 3-ի հայտարարությունը՝ որպես գործողություն, ոչ իրավաչափ է: Հիմնավորումներն առավել քան բավարար են, և մենք ՀՀ դատական իշխանությունից ակնկալում ենք համապատասխան որոշում»,- ասաց Սաքունցը:

Սաքունցը վստահ է, որ ՀՔԱ Վանաձորի գրասենյակն այս գործով պատշաճ հայցվոր է, քանի որ Սահմանադրական դատարանը 2010թ. ճանաչել է ՀԿ-ների իրավասությունը դիմելու դատարան՝ այլոց իրավունքները պաշտպանելու համար:

«Մենք այս պահին պատասխանատվության հարցը չենք դնում: Այս պահին կարևոր է, որ Սերժ Սարգսյանի գործողությունը ճանաչվի ոչ իրավաչափ և կասեցվի: Հետո արդեն կանդրադառնանք վնասներին: Պատասխանատվության ենթարկելու համար պետք է գնահատել, թե ինչ վնասներ են հասցվել»,- ասաց ՀՔԱ Վանաձորի գրասենյակի ղեկավարը:

Վարչական դատարանը 7-օրյա ժամկետում պետք է որոշում կայացնի հայցադիմումը վարույթ ընդունելու կամ չընդունելու մասին:

Սաքունցի խոսքով՝ իրենք չեն ելնում խելագարության կանխավարկածից, որ դատարանները բոլոր դեպքերում պետք է լինեն ոչ ադեկվատ: Իսկ եթե դատարանը հայցադիմումը վարույթ չընդունի, ըստ Սաքունցի, կունենանք շատ հետաքրքիր նախադեպ:

Նոյեմբերի 26-ին «Մեդիա կենտրոնում» անցկացվեց մամուլի ասուլիս՝ «Մաքսային միությանն անդամագրվելու որոշման դեմ ներկայացված հայցադիմումի հիմնավորումները» թեմայով: Ասուլիսի բանախոսն էր Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:

Այս ասուլիսը «Հայաստանը զարգացումների խաչմերուկներում. Եվրոպա թե Ռուսաստան» շարքից է, որը հոկտեմբերի և նոյեմբերի ընթացքում կընդգրկի բանավեճեր, հանրային քննարկումներ, հանդիպումներ լրագրողների հետ` նպատակ ունենալով ավելի համապարփակ պատկերացում ձևավորել Մաքսային միությանը միանալու հետևանքների մասին:

Տեսանյութ
Print Friendly and PDF
Այլ մամլո հաղորդագրություններ
Աշխատանքային իրավունքների պաշտպանության գործընթացը Հայաստանում
20.07.2021
12:00
Հուլիսի 20-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Աշխատանքային իրավունքների պաշտպանության գործընթացը Հայաստանում» թեմայով:
Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ
15.07.2021
11:54
Հուլիսի 15-ին, ժամը 11:00-ին, Մեդիա կենտրոնն անցկացրեց առցանց քննարկում «Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ» թեմայով:
Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը
13.07.2021
13:00
Հուլիսի 13-ին՝ ժամը 13:00-ին, Մեդիա կենտրոնում տեղի ունեցավ քննարկում «Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով:
Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ
07.07.2021
13:00
Հուլիսի 7-ին, ժամը 13:00-ին, Մեդիա կենտրոնի սրահում տեղի ունեցավ քննարկում՝ «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով:
Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում
07.07.2021
11:00
Հուլիսի 7-ին՝ ժամը 11:00-ին, Մեդիա կենտրոնում տեղի ունեցավ հարցազրույց-ասուլիս Հայաստանում Նիդերլանդների արտակարգ և լիազոր դեսպան Նիկոլաս Սխերմերսի հետ «Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում» թեմայով:

Հարցազրույցը Հայաստան-ԵՄ համաձայնագրի՝ քաղհասարակության հավաքական մոնիտորինգի ծրագրի շրջանակում էր: Նպատակը՝ նպաստել ՀՀ-ԵՄ հարաբերությունների վերաբերյալ հասարակության իրազեկվածության բարձրացմանը և ՀՀ քաղաքացիների համար այդ համագործակցության առավելությունների ներկայացմանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ