Հոգեկան առողջության ոլորտի վերջին զարգացումները
22.11.2013
12:00
Հայաստանում հոգեկան առողջության ոլորտի շահագրգիռ բոլոր կողմերը համակարծիք են` պետք է աջակցել համայնքային ծառայությունների ներդրմանը: Մինչդեռ Հունգարիայում այս մասին քննարկումներն ընթանում են արդեն 15 տարի. ասաց հոգեկան առողջության գծով միջազգային փորձագետ Ժոլտ Բուգարսկին այսօր՝ «Մեդիա կենտրոնում» անցկացված քննարկման ժամանակ:

«Ես շատ լավատես եմ Հայաստանի հարցում: Երկու տարի է` այցելում եմ Հայաստան ու տեսնում եմ այստեղ մի բան, որն իմ երկրում չեմ տեսնում»,- հավելեց Բուգարսկին:

«Հանրային առողջություն» ծրագրի համակարգող Անահիտ Պապիկյանը նշեց, որ Հայաստանում արդեն ձևավորվել է քաղաքական կամք՝ բարեփոխելու հոգեկան առողջության ոլորտը:

«Մարդը, որ ընդունվում է հիվանդանոց և վերադառնում է ընտանիք, չունի այն հնարավորությունները, որոնք կսատարեն նրան ապրելու համայնքում: Վերականգնողական աշխատանքներ չեն արվում, որ մարդը նորից վերադառնա համայնք: Այստեղ պակասում է համայնքային օղակը»,- ասաց Անահիտ Պապիկյանը:

Նա նշեց, որ հոգեկան առողջության խնդիրներ ունեցող մարդկանց համար Հայաստանում գործում է երկու տեսակի ծառայություն՝ ցերեկային կենտրոններ և կացարաններ. սա որոշակիորեն տարբերվում է միջազգային փորձից:

Խորվաթիայի «Սուսռեթ» ասոցիացիայի տնօրեն Ռադմիլա Ստոյանովիչ Բաբիչի խոսքով՝ այժմ իրենք փորձում են ազգային մակարդակով ստեղծել համայնքային ծառայություններ: «Սուսռեթը» վերջին 7 տարում կացարան և աջակցություն է տրամադրել հոգեկան առողջության խնդիրներ ունեցող մարդկանց:

«Ճիշտ աջակցության դեպքում մարդը կարիք չունի հեռանալու համայնքից և պահվելու հաստատությունում: Մենք 12 հոգու աջակցում ենք, և նրանք շատ լավ կյանք են վարում իրենց համայնքերում»,- ասում է Ռադմիլա Ստոյանովիչ Բաբիչը՝ հավելելով, որ իրականում նման աջակցության կարիք ունեցող մարդկանց թիվն իրենց երկրում անհամեմատ ավելի մեծ է: 

Իր հերթին Ժոլտ Բուգարսկին նշում է, որ իրենք հաջողությամբ համայնք են տեղափոխել մարդկանց, ովքեր 10-40 տարի են անցկացրել փակ հաստատություններում: Բուգարսկին միանգամայն սխալ է համարում մարդկանց փակ հաստատություններում պահելը: Նրա խոսքով՝ այդ պրակտիկան իրենց երկրում եկել էր 1950-ականներից, երբ Հունգարիայի սոցիալական հարցերի նախարարը հայտարարեց, որ սոցիալիստական համակարգում չպիտի լինեն «գժեր ու հաշմանդամներ»: Ուստի, այդ մարդկանց մեկուսացրին հաստատություններում, որոնց մեծ մասը գտնվում է սահմանամերձ գոտիներում, նույնիսկ վայրերում, որոնք քարտեզներում նշված չեն:

Բուգարսկու խոսքով՝ արդեն 10 տարի Հունգարիայի կառավարությունը ֆինանսավորում է հոգեկան առողջության խնդիրներ ունեցող անձանց համար մասնագիտական վերապատրաստման ծրագրեր, որոնք իրականացնում են տարբեր ՀԿ-ներ: Պայմանն այն է, որ 1 տարվա ընթացքում շրջանավարտների 30-50 տոկոսը տեղավորվի աշխատանքի: Բուգարսկին աշխատել է մի կազմակերպության հետ, որը կարողացել է ապահովել այդ ցուցանիշը:

Անահիտ Պապիկյանը նշեց, որ Հայաստանում խուսափում են հոգեկան առողջության խնդիր ունեցող անձանց աշխատանքի ընդունելուց, չկա ձևավորված համակարգ. «Հայաստանում նույնպես կա խարան այդ մարդկանց նկատմամբ: Նրանք համարվում են հասարակության համար վտանգավոր»:

Նոյեմբերի 23-24-ը Երևանում կընթանա Հոգեկան առողջության հարցերին նվիրված միջազգային գիտաժողով:

Նոյեմբերի 22-ին «Մեդիա կենտրոնում» անցկացվեց քննարկում՝ «Հոգեկան առողջության ոլորտի վերջին զարգացումները և իրավիճակը Հայաստանում» թեմայով: Քննարկման բանախոսներն էին Անահիտ Պապիկյանը՝ «Հանրային առողջություն» ծրագրի համակարգող, «Բաց հասարակության հիմնադրամներ-Հայաստան», Ժոլտ Բուգարսկին՝ հոգեկան առողջության գծով միջազգային փորձագետ, ԲՀՀ, Հունգարիա, Ռադմիլա Ստոյանովիչ Բաբիչը՝ «Սուսռեթ» ասոցիացիայի տնօրեն, Խորվաթիա:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Պե՞տք է պատվաստվել քաղցկեղի, շաքարային դիաբետի դեպքում, հղիության շրջանում
15.10.2021
11:00
Հոկտեմբերի 15-ին՝ ժամը 11:00-ին, Մեդիա կենտրոնի սրահում տեղի ունեցավ մամուլի ասուլիս «Պե՞տք է պատվաստվել քաղցկեղի, շաքարային դիաբետի դեպքում, հղիության շրջանում կամ հղիությունը պլանավորելուց առաջ. միֆեր և իրականություն» թեմայով:

Բանախոսներ՝
- Վահե Տեր-Մինասյան, Ուռուցքաբան-գինեկոլոգ։
- Նաիրա Գոգյան, ԱՆ էնդոկրինոլոգիայի գծով խորհրդատու
- Մհեր Սուսանի, սրտաբան, «Աստղիկ» բժշկական կենտրոնի սրտային վիրաբուժության բաժանմունքի ղեկավար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ