Արձանագրվել է երեխաների հանդեպ բռնության 199 դեպք
19.11.2013
12:30
Այսօր նշվում է երեխաների դեմ բռնությունների կանխարգելման համաշխարհային օրը: Ըստ ոստիկանության տվյալների` 2013թ. 9 ամսվա ընթացքում Հայաստանում արձանագրվել է երեխաների հանդեպ բռնության 199 դեպք, որից 19՝ ներընտանեկան բռնության:

«Այսօր օր օրի մեծանում է այն անձանց քանակը, ովքեր գալիս են ոստիկանություն՝ խնդրելով օգնել իրենց»,- նշեց Ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության պետ, ոստիկանության գնդապետ Նելլի Դուրյանը` այն համարելով իրավագիտակցության բարձրացման ցուցիչ:

Գնդապետի գնահատմամբ՝ ՀՀ-ում մարդուն ծնողական իրավունքից զրկում են ծայրահեղ դեպքերում՝ դրա համար ունենալով մեծ ապացուցողական բազա: «Տարվա կտրվածքով 2-3 նման դեպք կարող է ունենանք: Ծնողական իրավունքներից զրկվում են հիմնականում այն դեպքում, երբ երեխային շարունակ մուրացկանության են դրդում»,- ասաց Նելլի Դուրյանը:

Երեխաների պաշտպանության ցանցի նախագահ, Հայ օգնության ֆոնդի Երեխաների կենտրոնի տնօրեն Միրա Անտոնյանը վստահ է, որ երեխաների հանդեպ բռնության դեպքերի մեծ տոկոս կա, որն ավելի շատ սոցիալական, քան քրեական դաշտում է. հոգեբանական ճնշումներ, անտեսում:

«Ընտանիք և համայնք» ՀԿ-ի նախագահ Քնարիկ Գարանֆիլյանը նշեց, որ ցանցի անդամ ՀԿ-ներն աշխատում են շուրջ 1500 երեխայի հետ: Բացի ֆիզիկական բռնության դեպքերից (255 դեպք)՝ կան նաև այլ տեսակի բռնություններ, օրինակ՝ անտեսման դեպքեր (524 դեպք): «Ընտանիքներին մեծ սոցիալական փաթեթ ենք տրամադրում: Բայց միշտ չէ, որ ընտանիքում կարողանում ես փոփոխություններ մտցնել»,- ասում է Գարանֆիլյանը:

«Վորլդ Վիժն Հայաստանի» ՀԿ-ի «Կառավարության ներգրավմամբ երեխաների բարեկեցության համակարգի բարեփոխում» ծրագրի համակարգող Ռոման Հարությունյանի խոսքով՝ իրենք ձգտում ենք հասնել նրան, որ հանրությունը ճիշտ ընկալի բռնություն երևույթը: «Ոմանց կողմից բռնությունը ընկալվում է միայն որպես ֆիզիկական կամ սեռական բռնությունը,- ասում է Հարությունյանը և հավելում,-այսօր հոգեբանական բռնությունն ավելի քիչ է կարևորվում, քան երբ մենք փողոցում տեսնում ենք ֆիզիկական բռնություն»:

Միրա Անտոնյանը փաստեց, որ ցավոք, Հայաստանում չկա մշակված ընթացակարգ, թե ինչ պետք է անի շարքային քաղաքացին` լսելով հարևանի երեխայի լացը, ուսուցիչը` տեսնելով վնասվածքներով աշակերտի, դաստիարակը`առնչվելով պրոբլեմային ընտանիքից եկող երեխայի:

Միաժամանակ Անտոնյանը հրապարակեց 0800 61111 հեռախոսահամարը, որով կարելի է զանգահարել, երբ կա կասկած, որ երեխան բռնության է ենթարկվում, իսկ քաղաքացին չի կարող մտնել այդ ընտանիք և անձամբ պարզել պատճառը: «Մենք կայցելենք այդ ընտանիք, և կփորձենք լուծում գտնել հնարավոր խնդրին»,- ասաց Միրա Անտոնյանը: 

Նելլի Դուրյանը նշեց, որ համապատասխան սոցիալական, հոգեբանական, վերականգնողական ծառայություններից պետք է օգտվի ոչ միայն բռնության ենթարկված անձը, այլև բռնացողը:

Միրա Անտոնյանը ձեռքբերում համարեց ոլորտի խնդիրների վերաբերյալ լայն շրջանակներում քննարկումների ծավալումը և հույս հայտնեց, որ այդ քննարկումների ընթացքում կվերանան թյուրըմբռնումները ու կհստակեցվի Հայաստանում սոցիալական իրական ծառայություններ իրականացնելու ընթացակարգերն ու գործնական քայլերը:

Նոյեմբերի 19-ին «Մեդիա կենտրոնում» անցկացվեց քննարկում՝ «Երեխաների հանդեպ բռնությունների կանխարգելման համաշխարհային օրը Հայաստանում» թեմայով: Քննարկման բանախոսներն էին Երեխաների պաշտպանության ցանցի նախագահ, Հայ օգնության ֆոնդի Երեխաների կենտրոնի տնօրեն Միրա Անտոնյանը, ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության պետ, ոստիկանության գնդապետ Նելլի Դուրյանը, «Վորլդ Վիժն Հայաստան» ՀԿ-ի «Կառավարության ներգրավմամբ երեխաների բարեկեցության համակարգի բարեփոխում» ծրագրի համակարգող Ռոման Հարությունյանը և«Ընտանիք և համայնք» ՀԿ նախագահ Քնարիկ Գարանֆիլյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աշխատանքային իրավունքների պաշտպանության գործընթացը Հայաստանում
20.07.2021
12:00
Հուլիսի 20-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Աշխատանքային իրավունքների պաշտպանության գործընթացը Հայաստանում» թեմայով:
Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ
15.07.2021
11:54
Հուլիսի 15-ին, ժամը 11:00-ին, Մեդիա կենտրոնն անցկացրեց առցանց քննարկում «Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ» թեմայով:
Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը
13.07.2021
13:00
Հուլիսի 13-ին՝ ժամը 13:00-ին, Մեդիա կենտրոնում տեղի ունեցավ քննարկում «Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով:
Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ
07.07.2021
13:00
Հուլիսի 7-ին, ժամը 13:00-ին, Մեդիա կենտրոնի սրահում տեղի ունեցավ քննարկում՝ «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով:
Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում
07.07.2021
11:00
Հուլիսի 7-ին՝ ժամը 11:00-ին, Մեդիա կենտրոնում տեղի ունեցավ հարցազրույց-ասուլիս Հայաստանում Նիդերլանդների արտակարգ և լիազոր դեսպան Նիկոլաս Սխերմերսի հետ «Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում» թեմայով:

Հարցազրույցը Հայաստան-ԵՄ համաձայնագրի՝ քաղհասարակության հավաքական մոնիտորինգի ծրագրի շրջանակում էր: Նպատակը՝ նպաստել ՀՀ-ԵՄ հարաբերությունների վերաբերյալ հասարակության իրազեկվածության բարձրացմանը և ՀՀ քաղաքացիների համար այդ համագործակցության առավելությունների ներկայացմանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ