Բարձրագույն կրթությունը Հայաստանում այսօր
14.11.2013
17:30
Շատ դժվար է Հայաստանի կրթության ոլորտն առանձնացված բարեփոխել, երբ երկրում կան տնտեսական, աշխարհաքաղաքական մարտահրավերներ. կարծում է Լիվիու Մաթեյը՝ «Բարձրագույն կրթությունը Հայաստանում այսօր» զեկույցի փորձագետը:

Մաթեյի խոսքով՝ մարտահրավերները շատ են, և խնդիր է՝ ինչպես մշակել բարեփոխումների ծրագիր, որը Հայաստանի համար կլինի կիրառական:

«Բոլոնյա բառն արտաբերելը դեռևս հարցի լուծում չէ: Կա հիմնարար մեկ դժվարություն: Մինչ օրս իրականացված բարեփոխումների աշխատանքները չեն տվել ակնկալված կամ հռչակված արդյունքները»,- ասում է Լիվիու Մաթեյը:

Զեկույցի պատրաստման ընթացքում զրուցակիցների մեծ մասն ասել է, որ կրթության որակը չի բարելավվել, ուսանողները չեն ստանում ավելի լավ կրթություն:

Փորձագետ Կոեն Գևենն նշեց, որ Հայաստանից բազմաթիվ երիտասարդներ հեռանում են, քանի որ համալսարանում շատ քիչ բան են սովորում: Երիտասարդների կարծիքն այն է, որ Հայաստանում կրթությունը շատ կոռումպացված է: 

«Ովքեր մնում են, շատ քիչ բան են սովորում ՝ չնայած այն փաստին, որ կան բազմաթիվ տաղանդավոր անձնավորություններ ուսանողների և դասախոսների շրջանում: Չեմ կարծում, որ Հայաստանի կրթական համակարգը մրցակցային է»,- հավելում է Գևենը:

Նրա խոսքով՝ Հայաստանի առանձնահատկությունն է այն, որ կառավարությունը ուժեղ հսկողության տակ է պահում համալսարանները, և քաղաքական գործիչները համալսարանների ղեկավարներ են: Շատ երկրներում քաղաքական գործիչները փորձում են ներգրավվել համալսարանների գործերին, բայց համալսարանները դիմադրում են, իսկ Հայաստանում «խնդիրը ծայրահեղ վիճակում է»:

Զեկույցի համահեղինակ, փորձագետ Ջուլիա Իվինսկան իր հերթին փաստեց, որ դասախոսների աշխատանքային պայմանագրերը շատ կարճաժամկետ են: Այն վերահսկողական շատ լավ գործիք է՝ համալսարանները քաղաքական սուբյեկտների վերահսկողության տակ պահելու համար:

«Բաց հասարակության հիմնադրամներ-Հայաստանի» փոխտնօրեն Դավիթ Ամիրյանը կրթության քաղաքականացված լինելու փաստը պայմանավորում է երկրում գործող օրենսդրությամբ: Նա առաջին լուծում է համարում օրենսդրական բարեփոխումները, որոնք կամրագրեն, որ քաղաքական գործիչները չպիտի լինեն բուհական համակարգում:

«Բոլոնիայի գործընթացի արդյունավետությունը մեր երկրում պայմանավորված է մեր երկրում ընթացող ժողովրդավարական գործընթացներով: Գուցե կրթական համակարգը օրինակելի չէ, քանի որ քաղաքական համակարգը չի ուզում: Քաղաքական համակարգի համար ավելի հեշտ է ունենալ վերահսկելի կրթական համակարգ»,- ասում է Ամիրյանը:

Քննարկման բոլոր մասնակիցները համակարծիք են, որ ոլորտը բարեփոխելու համար Հայաստանում պետք է անցկացնել բաց քննարկումներ ու բանավեճեր՝ շահագրգիռ բոլոր կողմերի մասնակցությամբ: Նրանց համոզմամբ՝ հայաստանյան բուհերում, ՀԿ-ներում, կառավարական կառույցներում կան բազմաթիվ մարդիկ, ում կարողությունները թույլ կտան բարեփոխումները հաջողության հասցնել: Սակայն այդ մարդիկ մեկուսի են և ոչ համախմբված:

Ջուլիա Իվինսկան նշեց, որ զեկույցը պատրաստելու համար անցկացրել են մոտ 70 հարցազրույց բարձրագույն կրթության համակարգին քաջատեղյակ մարդկանց հետ: Այս մարդիկ համաձայնել են հիշատակել խնդիրը՝ հիմնականում իրենց անձը չհրապարակելու պայմանով: Իվինսկան սա արդեն իսկ խնդիր է համարում. նշանակում է՝ ինքնագրաքննություն կա:

«Բազմաթիվ ուսումնասիրություններ են պետք՝ Հայաստանի բարձրագույն կրթության մասին: Պետք է տեսնել՝ ինչպես լուծել բուհական համակարգում կոռուպցիայի կոնկրետ խնդիրը, ինչպես քննությունների չափանիշը բարձրացնել, օգնել ուսանողներին պատրաստվել քննություններին»,- նշեց Ջուլիան Իվինսկան:

Նոյեմբերի 14-ին «Մեդիա կենտրոնում» ներկայացվեց «Բարձրագույն կրթությունը Հայաստանումայսօր» զեկույցը: Քննարկման բանախոսներն էին Լիվիու Մաթեյը (Կենտրոնական Եվրոպայիհամալսարան, Բուդապեշտ), Ջուլիա Իվինսկան (Կենտրոնական Եվրոպայի համալսարան, Բուդապեշտ), Կոեն Գևենը (Եվրոպական համալսարանի ինստիտուտ, Ֆլորենցիա) և Դավիթ Ամիրյանը՝ «Բաց հասարակության հիմնադրամներ-Հայաստանի» փոխտնօրեն:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աշխատանքային իրավունքների պաշտպանության գործընթացը Հայաստանում
20.07.2021
12:00
Հուլիսի 20-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Աշխատանքային իրավունքների պաշտպանության գործընթացը Հայաստանում» թեմայով:
Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ
15.07.2021
11:54
Հուլիսի 15-ին, ժամը 11:00-ին, Մեդիա կենտրոնն անցկացրեց առցանց քննարկում «Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ» թեմայով:
Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը
13.07.2021
13:00
Հուլիսի 13-ին՝ ժամը 13:00-ին, Մեդիա կենտրոնում տեղի ունեցավ քննարկում «Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով:
Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ
07.07.2021
13:00
Հուլիսի 7-ին, ժամը 13:00-ին, Մեդիա կենտրոնի սրահում տեղի ունեցավ քննարկում՝ «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով:
Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում
07.07.2021
11:00
Հուլիսի 7-ին՝ ժամը 11:00-ին, Մեդիա կենտրոնում տեղի ունեցավ հարցազրույց-ասուլիս Հայաստանում Նիդերլանդների արտակարգ և լիազոր դեսպան Նիկոլաս Սխերմերսի հետ «Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում» թեմայով:

Հարցազրույցը Հայաստան-ԵՄ համաձայնագրի՝ քաղհասարակության հավաքական մոնիտորինգի ծրագրի շրջանակում էր: Նպատակը՝ նպաստել ՀՀ-ԵՄ հարաբերությունների վերաբերյալ հասարակության իրազեկվածության բարձրացմանը և ՀՀ քաղաքացիների համար այդ համագործակցության առավելությունների ներկայացմանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ