Կենսաթոշային պարտադիր կուտակային համակարգը
15.11.2013
10:00
Կենսաթոշային պարտադիր կուտակային համակարգ կիրառելով՝ կառավարությունը նպատակ ունի ստանալ գումարային միջոցներ, որոնցով կապահովվի 2014թ. բյուջեի եկամտային մասը. կարծում է Ազգային ժողովի «Ժառանգություն» խմբակցության պատգամավոր Թևան Պողոսյանը:

Տնտեսագետ, ՀԱԿ ներկայացուցիչ Վահագն Խաչատրյանը հավելեց, որ կենսաթոշակային և նման հիմնադրամների գործունեության համար ամենավտանգավոր բանն է, եթե կառավարությունը փորձի այդ հիմնադրամների հաշվին «բյուջեի ծակերը փակել»:

«Ամենավատն այն է, որ կիրառվում է ոչ թե կամավորության, այլ պարտադիր սկզբունքը: Ընդհանրապես որտեղ կա «պարտադիր» բառ, պետք է միշտ անհանգստանալ: Տնտեսությունը շատ բարդ մեխանիզմ է, որտեղ ցանկացած դրսից միջամտություն անհամամասնություն է առաջացնում»,- ասաց Վահագն Խաչատրյանը:

Տնտեսագետը վստահ է, որ պարտադրվող վճարները միշտ նման հակազդեցություն են առաջացնելու: Տնտեսությունն ինքն է հուշելու աշխատողին գնալ ստվեր, ինչպես խորհրդային ժամանակ: Բացասական հետևանքները 1-2 տարի հետո կլինեն այնքան ակնառու, որ կառավարությունն օրենքը նորից կփոփոխի: Մինչդեռ իշխանությունը կարող էր համակարգը կիրառել կամավոր սկզբունքով:

«Ընդդեմ կենսաթոշակային 5 % պարտադիր վճարին» խմբի անդամ Հակոբ Արշակյանը նշում է, որ իրենք  օրենքին առնչվող 25 կետանոց հիմնախնդիրներ են դուրս բերել: Իրավաբաններն ու տնտեսագետներն ուսումնասիրել են Սահմանադրության դրույթների ոտնահարումներից մինչև սոցիալական խնդիրներ, որոնք կառաջանան օրենքի հնարավոր ընդունումից հետո: Խումբն ուսումնասիրությունն ուղարկել է կառավարությանը և պատգամավորներին:

«Ես ինքս ինժեներ եմ, բայց այն խումբը, որը ներկայացնում եմ, բազմաշերտ է: Մենք դեմ ենք այդ օրենքի պարտադիր բաղադրիչին»,- ասաց Արշակյանը: Նրա խոսքով՝ այսօր աշխատողները, բանկերից վարկեր վերցնելով, մի կերպ քարշ են տալիս իրենց գոյությունը: Եթե նույնիսկ կան ազատ միջոցներ ունեցողներ, ապա հաճախ մարդիկ այդ միջոցները պահում են բանկերում, հետևաբար այսպես թե այնպես դա շրջանառության մեջ է դրվում Հայաստանում:

«Ընդդեմ կենսաթոշակային 5 % պարտադիր վճարին» խմբի անդամ Մարիաննա Կալեջյանի խոսքով՝ իրենք գիտակցում են՝ ռեֆորմ պետք է, սակայն նման օրենքի ընդունումը խախտում է Սահմանադրությունը: «Տվյալ պարագայում խոսքը ոչ թե հարկերի, տուրքերի մասին է, այլ մարդու սեփականությունից օգտվելու իրավունքը սահմանափակելու: Խախտվում է Սահմանադրության այն դրույթը, ըստ որի՝ անձը իր հայեցողությամբ կարող է օգտվել և տիրապետել իր գույքին»,- ասաց Կալեջյանը:

Թևան Պողոսյանը վստահ է, որ գործող կենսաթոշակային համակարգում առկա բացասականը պետք է փոփոխել՝ պահպանելով դրականը: Սակայն պատգամավորը անընդունելի է համարում այն, որ բարեփոխումները կառավարությունն անում է՝ առանց հանրության հետ քննարկելու և փորձելով օրենքն ընդունել տալ ԱԺ-ում իշխող մեծամասնության միջոցով: 

«Հայաստանում այսօր որևէ մեկը չի կարող իշխանություններին վստահել, քանի որ որևէ բան տնտեսության տրամաբանության մեջ չի արվում: Հիմա վերջացան բոլոր միջոցները, գրպան են ման գալիս, որ մտնեն-գողանան: Ամենալավ գրպանը սա է՝ 1974 թ.-ից հետո ծնվածների գրպանը»,- ասաց Վահագն Խաչատրյանը:

«Գլխավոր ռիսկը վստահության հարցն է»,- նշեց Թևան Պողոսյանը՝ հավելելով, որ օրենքը ունի շատ բացեր:

Այս պահին ՀՀԿ գրասենյակի առջև շարունակվում է բողոքի ակցիան, որն առավոտյան սկսվել էր ԱԺ-ի դիմաց: Ցուցարարները պահանջում են ապահովել քվորում, որպեսզի կայանա այսօր նախատեսված արտահերթ նիստը՝ խնդրի վերաբերյալ:
Նոյեմբերի 15-ին «Մեդիա կենտրոնում» անցկացվեց քննարկում՝ կենսաթոշակային բարեփոխումների վերաբերյալ: Քննարկման բանախոսներն էին տնտեսագետ, ՀԱԿ ներկայացուցիչ Վահագն Խաչատրյանը,Ազգային ժողովի «Ժառանգություն» խմբակցության պատգամավոր Թևան Պողոսյանը, «Ընդդեմ կենսաթոշակային 5 % պարտադիր վճարին» խմբի անդամներ Հակոբ Արշակյանը և Մարիաննա Կալեջյանը: Քննարկումը վարեց տնտեսական լրագրող Բաբկեն Թունյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աշխատանքային իրավունքների պաշտպանության գործընթացը Հայաստանում
20.07.2021
12:00
Հուլիսի 20-ին՝ ժամը 12:00-ին, Մեդիա կենտրոնը կազմակերպեց առցանց քննարկում «Աշխատանքային իրավունքների պաշտպանության գործընթացը Հայաստանում» թեմայով:
Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ
15.07.2021
11:54
Հուլիսի 15-ին, ժամը 11:00-ին, Մեդիա կենտրոնն անցկացրեց առցանց քննարկում «Հայաստանի ջրային պաշարների կորուստները՝ պատերազմից հետո. ի՞նչ նոր լուծումներ են անհրաժեշտ» թեմայով:
Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը
13.07.2021
13:00
Հուլիսի 13-ին՝ ժամը 13:00-ին, Մեդիա կենտրոնում տեղի ունեցավ քննարկում «Ազգային անվտանգության շահերից ելնելով փակել տեղեկատվությունը. հիմնավորվա՞ծ է ԲՏԱ նախարարության նախագծի անհրաժեշտությունը» թեմայով:
Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ
07.07.2021
13:00
Հուլիսի 7-ին, ժամը 13:00-ին, Մեդիա կենտրոնի սրահում տեղի ունեցավ քննարկում՝ «Առողջության իրավունք. դատական հայցեր «Ախթալայի լեռնահարստացման կոմբինատ»-ի և այլ կազմակերպությունների դեմ» թեմայով:
Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում
07.07.2021
11:00
Հուլիսի 7-ին՝ ժամը 11:00-ին, Մեդիա կենտրոնում տեղի ունեցավ հարցազրույց-ասուլիս Հայաստանում Նիդերլանդների արտակարգ և լիազոր դեսպան Նիկոլաս Սխերմերսի հետ «Հայաստան-Նիդերլանդներ երկկողմ հարաբերությունները Համապարփակ և ընդլայնված գործընկերության համաձայնագրի համատեքստում» թեմայով:

Հարցազրույցը Հայաստան-ԵՄ համաձայնագրի՝ քաղհասարակության հավաքական մոնիտորինգի ծրագրի շրջանակում էր: Նպատակը՝ նպաստել ՀՀ-ԵՄ հարաբերությունների վերաբերյալ հասարակության իրազեկվածության բարձրացմանը և ՀՀ քաղաքացիների համար այդ համագործակցության առավելությունների ներկայացմանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ