Թափառող շների խնդիրը Երևանում
04.10.2013
13:30
Երևանում թափառող շների թվաքանակի կարգավորման հարցը ճիշտ ուղու վրա է, և թափառող շները մայրաքաղաքում պակասել են: Այս մասին ասաց Երևանի քաղաքապետարանի առևտրի և սպասարկումների վարչության պետի տեղակալ Ալֆրեդ Հունանյանը՝ «Մեդիա կենտրոնի» նախաձեռնությամբ կազմակերպված «Թափառող շների խնդիրը Երևանում» թեմայով քննարկման ժամանակ:

Միաժամանակ Հունանյանը նշեց, որ աշխարհում դեռևս չկա երկիր, որտեղ թափառող շների խնդիրը լիարժեք լուծված է: Նույնիսկ Անգլիայում, որտեղ փողոցային կենդանիների վնասազերծման աշխատանքներ սկսել են կատարել 1822 թ.-ից, այդ հարցը հիմնովին լուծված չէ:

«Փրո Փոուզ» կենդանիների բարեկեցության բարեգործականի (Միացյալ Թագավորություն) հայաստանյան ներկայացուցիչ Նարե Արամյանը նշեց, որ Հայաստանում ի սկզբանե մասնագետների, ռազմավարական ծրագրի և օրենսդրության իսպառ բացակայության պարագայում հնարավոր չէ խնդիրը լուծել:

Երևանի քաղաքապետարանը 2006 թվականից բյուջեից գումարներ է հատկացնում շների ստերիլիզացման ու վնասազերծման համար:

Նարե Արամյանի խոսքով՝ եթե անգամ ամենամարդասիրական ձևով կենդանիների զանգվածային ոչնչացումը 2 անգամ գերակշռում է նրանց
ամլացմանը, հնարավոր չէ հասնել որևէ արդյունքի:

«Ստերիլիզացման համար ահռելի գումարներ են պետք: Ստերիլիզացումը 3 անգամ ավելի թանկ արժե, քան վնասազերծումը»,- արձագանքեց Ալֆրեդ Հունանյանը: 

2008 թվականից ի վեր Երևանում թափառող շների ստերիլիզացման ու վնասազերծման աշխատանքներ կատարելու մրցույթը շահում է մեկ կազմակերպություն՝ «Յունիգրաֆ իքս» ՍՊԸ-ն: Ալֆրեդ Հունանյանն ասաց, որ միայն այդ կազմակերպությունն է, որ հայտ է ներկայացնում մրցույթներին:

Հունանյանի խոսքով՝ մրցույթն արդար է, և որևէ ուրիշ կազմակերպություն, որը մասնակցի մրցույթին, ավելի ցածր գնային առաջարկ ներկայացնի և համապատասխանի չափանիշներին, կհաղթի: Հունանյանը մատնանշեց «Գնումների մասին» ՀՀ օրենքը և կառավարության համապատասխան որոշումը, որոնց պահանջները բավարարելու դեպքում միայն մասնակիցը կարող է շահել մրցույթը:

Քննարկման մյուս բանախոսը՝ «Դինգո» ՀԿ-ի անդամ Ալին Գոյանը, հարց տվեց, թե արդյոք «Յունիգրաֆ իքս»-ն ունե՞ր այդպիսի պայմաններ, օրինակ՝ կլինիկա: Ալֆրեդ Հունանյանը պատասխանեց, որ «Յունիգրաֆ իքս»-ի կլինիկան այցելողների կողմից բազմիցս արժանացել է դրվատանքի, կլինիկայում աշխատում են բարձր որակավորում ունեցող անասնաբույժներ:

««Յունիգրաֆ իքս»-ի կողմից ամլացված բազմաթիվ կենդանիներ մի քանի ամիս հետո դատապարտվում են մահվան»,- արձագանքեց Ալին Գոյանը:
Նա տեղեկացրեց, որ «Դինգո» ՀԿ-ն սեփական միջոցներով մեկ ամսվա կտրվածքով ամլացնում է 50 կենդանի, որդեգրման տալիս ևս ավելի քան 50 կենդանի, ընդ որում` բնակչությունը որդեգրում է ոչ միայն լիարժեք առողջ ձագերի, այլև առողջական որոշակի խնդիրներ ունեցող շները ևս չեն մնում դրսում և մտնում են ընտանիքներ:

Նարե Արամյանը նշեց, որ իրենք ներկայացրել են ոլորտն ամբողջությամբ կարգավորող օրինագիծ: Նա կարևորեց, որ մինչ օրինագծի ընդունումը քաղաքապետարանի և ՀԿ-ների միջև լինի համագործակցության այնպիսի բարենպաստ դաշտ, որը թույլ կտա օրենքի ընդունումից անմիջապես հետո տեսնել արդյունքներ:


Հոկտեմբերի 4-ը նշվում է որպես Կենդանիների համաշխարհային օր: Այս օրը «Մեդիա կենտրոնն» անցկացրեց քննարկում, որի բանախոսներն էին Երևանի քաղաքապետարանի առևտրի և սպասարկումների վարչության պետի տեղակալ Ալֆրեդ Հունանյանը, «Փրո Փոուզ» կենդանիների բարեկեցության բարեգործականի (Միացյալ Թագավորություն) հայաստանյան ներկայացուցիչ Նարե Արամյանը և «Դինգո թիմ» ՀԿ անդամ Ալին Գոյանը:

«Մեդիա կենտրոնը» քննարկմանը մասնակցելու էր հրավիրել նաև «Յունիգրաֆ իքս» ՍՊԸ-ի ներկայացուցչին, սակայն կազմակերպությունը մերժեց հրավերը՝ չներկայացնելով որևէ պատճառաբանություն:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ