Ավետիք Իշխանյանի մամլո ասուլիսը
26.02.2013
12:00
Փետրվարի 26-ին «Մեդիա կենտրոնում» կայացավ «Հայաստանի Հելսինկյան կոմիտե» իրավապաշտպան ՀԿ ղեկավար Ավետիք Իշխանյանի մամլո ասուլիսը, ով ներկայացրեց փետրվարի 18-ին ՀՀ նախագահի ընտրությունների ընթացքում կոմիտեի դիտորդական առաքելության միջանկյալ զեկույցը:

Կոմիտեն դիտորդություն է իրականացրել  միայն Երևանի Աջափնյակ վարչական շրջանի 36 ընտրատեղամասերում (6/01-6/36), որտեղ ըստ զեկույցի արձանագրվել են «կոպիտ խախտումներ», այդ թվում ընտրակաշառքի, ուղղորդումների, քվեարկության գաղտնիության խախտման, այլ անձի փոխարեն կամ կրկնակի քվեարկության, դիտորդների նկատմամբ ճնշումների դեպքեր:

Զեկույցում ներկայացված ավելի քան 100 օրինակների մեջ հատկապես առանձնանում են 6/12 ընտրատեղամասում դիտորդի արձանագրածդեպքը, երբ Սերժ Սարգսյանի վստահված անձը 2 կնոջ ասել է, որ կտա 40.000 դրամ, որպեսզի նրանք ապահովեն իրենց շենքի բնակչության հոսքը, կամ 6/16 ընտրատեղամասի ընտրողներից Նազարյան Աղավնին բողոքել է, որ իր ընտանիքի 4 անդամների անունների դիմաց ստորագրված է, սակայն նրանք արտերկրում են, այս վերջին դեպքի առնչությամբ ոստիկանությունը հարուցել է գործ:

Դիտորդները հաշվարկի ընթացքում արձանագրել են, որ 6/16 ընտրատեղամասում ձայների վերահաշվարկի ընթացքում Րաֆֆի Հովհաննիսյանի քվեաթերթիկներից 200-ը կորել է և միայն բարձրաձայնելուց հետո մի պահ տեղամասի հոսանքը անջատվել է, որից հետո կորած քվեաթերթիկները նորից հայտնվել են, սակայն դրանցից մոտ 25-ը պակաս է եղել:

Ավետիք Իշխանյանը նախ շեշտեց, որ Հայաստանում բավական դժվար է դիտորդություն իրականացնելը և անհրաժեշտ արժանիքներով օժտված դիտորդներ հավաքագրելը.

«Դիտորդություն անելը բարդ գործ է, շատ բարդ է գտնել անաչառ մարդկանց, որոնք չեն ենթարկվի գայթակղությանը, սպառնալիքներին, կլինեն ազնիվ, սկզբունքային և խիզախ»,- ասաց Իշխանյանը, հավելելով, որ հենց այդ պատճառով իր կազմակերպությունն իրականացնում է փոքր խմբերով դիտորդություն, որպեսզի .«հարյուր տոկոսով վստահ լինենք  դիտորդական խմբի տված տեղեկատվության հավաստիությանը»:

Հելսինկյան կոմիտեի ղեկավար Ավետիք Իշխանյանը նշեց, որ  այս ընտրություններն անցել են լուրջ խախտումներով և իր ունեցած տվյալները փաստում են, որ առնվազն.«մեկ փուլով գործող նախագահ Սերժ Սարգսյանը չէր  հաղթելու»:

Աջափնյակի ընտրատարածքում, որտեղ իրականացվել է դիտորդությունը, հաղթել է Րաֆֆի Հովհաննիսյանը 45 տոկոսով`1174  ձայների առավելությամբ, Սերժ Սարգսյանը ստացել է 42 տոկոս, երրորդ տեղում անվավեր քվեաթերթիկներն են եղել:

«Այս պատկերը բազում այլ ընտրատարածքներում են առկա եղել,  սակայն այլ վայրերում, օրինակ Աբովյանում,  որի բոլոր ընտրատեղամասերի արձանագրություններն ունեմ, 25 ընտրատեղամասերից 22-ում հաղթանակ է տարել Րաֆֆի Հովհաննիսյանը` 150-200 ձայների առավելությամբ, սակայն միայն 3 ընտրատեղամասում, որտեղ արձանագրվել է 80 տոկոս մասնակցությամբ ցուցանիշ, հաղթանակ է տարել Սերժ Սարգսյանը` 1000-1700 ձայների առավելությամբ, այս տվյալները խիստ կասկածների տեղիք են տալիս»,- Մեդիա Կենտրոնին ասում է Իշխանյանը:

Անդրադառնալով միջազգային դիտորդների գնահատականներին, Իշխանյանն ասաց, որ անհնար է ընտրական գործընթացների իրական պատկերը տեսնել ընտրատեղամասում մնալով 15-20 րոպե.

«Այդ իսկ պատճառով, ես իրենց ուղղակի խորհուրդ եմ տվել  միայն գրել այն խախտումների մասին, ինչ տեսել են, իսկ  եզրակացությունը կանի հայ ժողովուրդը»:

Տեսանյութ
Print Friendly and PDF
Այլ մամլո հաղորդագրություններ
«Կին իրավապաշտպանները քայլեր են ձեռնարկում Հայաստանում գենդերային բռնության դեմ»
31.07.2020
11:00
Հուլիսի 31-ին՝ ժամը 11։00-ին, «Մեդիա կենտրոն»-ը տեսակապի միջոցով կազմակերպեց մամուլի ասուլիս․ ներկայացվեց «Կին իրավապաշտպանները քայլեր են ձեռնարկում Հայաստանում գենդերային բռնության դեմ» ծրագիրը։

«Սարի թաղի գործ. 4 տարի անց. ինչո՞ւ է նախաքննությունն դոփում տեղում»
29.07.2020
14:00
Հուլիսի 29-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպում է քննարկում «Սարի թաղի գործ. 4 տարի անց. ինչո՞ւ է նախաքննությունն դոփում տեղում» թեմայով:

«Որքանո՞վ է առողջապահությունը հասանելի ոչ COVD-ով հիվանդներին. որքանո՞վ են անվտանգ ու հասանելի պոլիկլինիկաները»
27.07.2020
12:00
Հուլիսի 27-ին՝ ժամը 12:00-ին, «Մեդիա կենտրոն»-ը տեսակապի միջոցով անցկացրեց մամուլի ասուլիս «Որքանո՞վ է առողջապահությունը հասանելի ոչ COVD-ով հիվանդներին. որքանո՞վ են անվտանգ ու հասանելի պոլիկլինիկաները» թեմայով:
«Ազգային անվտանգության ռազմավարություն. գոյատևմա՞ն, թե՞ զարգացման ուղենիշ»
22.07.2020
12:00
Հուլիսի 22-ին, ժամը 12:00-ին, Մեդիա կենտրոնն անցկացրեց առցանց քննարկում «Ազգային անվտանգության ռազմավարություն. գոյատևմա՞ն, թե՞ զարգացման ուղենիշ» թեմայով:

«ԿԳՄՍ նախարարության՝ առերևույթ դիտավորությամբ ապօրինությունները և Տնտեսագիտական համալսարանի ճակատագիրը»
21.07.2020
11:00
Հուլիսի 21-ին, ժամը 11:00-ին, Մեդիա կենտրոնի գրասենյակում տեղի ունեցավ ՀՊՏՀ ռեկտորի նախկին պաշտոնակատար Ռուբեն Հայրապետյանի մամուլի ասուլիսը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...