Բռնությունները լրագրողների նկատմամբ ընտրությունների շրջանում
30.04.2013
15:00
Ապրիլի 30-ին` ժամը 15:00-ին «Մեդիա կենտրոնում» տեղի ունեցավ քննարկում-ասուլիս «Բռնությունները լրագրողների նկատմամբ ընտրությունների շրջանում» թեմայով:

Բանախոսներն էին «Խոսքի ազատության պաշտպանության կոմիտեի» նախագահ Աշոտ Մելիքյանը, «Ինֆորմացիայի ազատության կենտրոնի» իրավաբան Գեւորգ Հայրապետյանը, ընտրությունների ընթացքում խոչընդոտների հանդիպած լրագրողներ Հռիփսիմե Ջեբեջյանը (www.aravot.am), Հակոբ Կարապետյանը (www.ilur.am), Էլինա Չիլինգարյանը (www.azatutyun.am):

«Խոսքի ազատության պաշտպանության կոմիտեի» նախագահ ԱշոտՄելիքյանը համոզված է, որ Երեւանի ավագանու ընտրությունները լրագրողների համար կարող են ստեղծել լարված իրավիճակներ, քանի որ հենց ընտրությունների շրջանում են արձանագրվում բռնություններ լրագրողների նկատմամաբ:

«Հիմա ավելի շատ տուժում են ընդդիմադիր լրատվամիջոցների լրագրողները, և դա հասկանալի է, որովհետև նրանք տալիս են անցանկալի հարցեր ու սուր հոդվածներ գրում: Ընտրությունների ժամանակ ավելանում են պնակալեզների թվերը, ովքեր ուզում են իրենց տերերին ցույց տալ, որ օգտակար են՝ դրանով «արջի» ծառայություն մատուցելով իրենց տերերին»,- համոզված է Աշոտ Մելիքյանը:

Ապրիլի 9-ին բռնության ենթարկված լրագրող  Հռիփսիմե Ջեբեջյանը պատմեց, որ ոստիկաններից մեկը, երիկամների հատվածից բռունքով բռնելով, այնպես է քշել իրեն, որ կոշիկի մի զույգը մնացել է տարածքում, որից հետո Ջեբեջյանը ընկել է, ձեռքը քսվել է ծառին ու արյուն եկել:

«Երբ հանրային հեռուստատեսության լրագրողի հետ դեպք եղավ, դատ եղավ ու նա շահեց այն: Ընդդիմադիր լրագրողների դեպքում շահելու հավանականությունն է փոքր: Դրա համար ես արդեն չեմ դիմել դատարան՝ հասկանալով, որ գործը կարճելու են»,- ասում է Ջեբեջյանը:

«Ազատություն» ռադիոկայանի թղթակից Էլինա Չիլինգարյանը սեփական փորձով եւս համոզվել է, որ լրագրողների նկատմամաբ բռնությունները  արժանի պատիժ չեն ստանում դատական ատյաններում:

«Խորհրդարանական ընտրությունների ժամանակ էր: Չհասցրեցի հասկանալ, թե ինչ է կատարվում, մի երիտասարդ մոտեցավ ու հարվածեց տեսախցիկին: Ինչպես պարզաբանեցին ոստիկանները հետագայում, այդ «խեղճուկրակ» տղան որևէ կուսակցության չէր հարում, չհարցաքննեցին ոչ մի վկայի ու գործը կարճեցին »,- ասում է Չիլինգարյանը:

«Ինֆորմացիայի ազատության կենտրոնի» իրավաբան Գեւորգ Հայրապետյանը հայտնում է, որ անգամ իմանալով, որ դատական համակարգը կարող է լրագրողի օգտին չկայացնել որոշումը, պետք է այնքան բողոքարկել, որ հասկանան, թե ինչքան ռեսուրս ու ժամանակ են ծախսում դատարաններ գնալու վրա:

Վերջերս բռնության ենթարկված ilur.am կայքի լրագրող Հակոբ Կարապետյանը պատրաստվում է պայքարել մինչեւ վերջ:

«Ես նկարում էի թե ինչպես են անխընտրական դրոշակներ բաժանում երեխաներին ՀՀԿ ներկայացուցիչները: Ներկայացա և հանդարտ բացատրեցի, որ արարքներս օրենքի շրջանակում են: Չնայած դրան՝ ինձ մոտեցան, հարվածեցին, տեսախցիկը ձեռքիցս խլեցին: Կարճ ժամանակ անց վերադարձրին տեսախցիկս՝ ցելոֆանե տոպրակի մեջ. ենթադրում եմ, որ մատնահետքեր չմնան: Ինձ հարվածող Աշոտ Պապայնը մինչեւ օրս ազատության մեջ է, ու ես ենթադրում եմ, որ նա հրաժարվել է իր մեղավորությունը ընդունել, իսկ ոստիկանությունը պատշաճ կերպով չի քննում գործը: Եթե  փորձում են մեր բերանը փակել, մենք պետք է աշխատենք մեր բերանը հնարավորինս ավելի լայն բացել», - ասաց  Կարապետյանը:

Լրագրողները հայտարարեցին, որ չնայած խոչընդոտներին, շարունակելու են կատարել իրենց մասնագիտական պարտականությունները Երեւանի ավագանու ընտրությունների ժամանակ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում
21.10.2021
11:03
Հոկտեմբերի 19-ին՝ ժամը 13:15-ին, Մեդիա կենտրոնում տեղի ունեցավ մամուլի ասուլիս «Երեխաների ներկայությամբ հոր նկատմամբ բռնության դեպքը՝ երեխաների իրավունքների կոպիտ խախտում» թեմայով:

Բանախոսներ՝
- Միրա Անտոնյան, ՀՕՖ-ի «Երեխաների աջակցության կենտրոն» հիմնադրամի գործադիր տնօրեն, Հայաստանի սոցիալական աշխատողների ասոցիացիայի նախագահ,
- Նաիրա Քերոբյան, Ամերիկայի Հայ Ավետարանչական Ընկերակցության «Շող» երեխաների համայնքահեն ցերեկային կենտրոնի համակարգող,
- Ելենա Հարությունյան, Երեխաների պաշտպանության ցանցի գործադիր տնօրեն։
Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում
18.10.2021
19:00
Հոկտեմբերի 18-ին՝ ժամը 19:00-ին, Ա1+-ի տաղավարում Հանրային լրագրության ակումբը կազմակերպեց բանավեճ՝ «Չթեստավորման, չպատվաստման համար գործատուն կարո՞ղ է ազատել աշխատողին. օրենսդրական նոր կարգավորում» թեմայով։
Բանախոսներն են՝
- Ռուբեն Սարգսյան, Աշխատանքի և սոցիալական հարցերի փոխնախարար,
- Տիգրան Դադունց՝ ԱՆ «Օրենսդրության զարգացման և իրավական հետազոտությունների կենտրոն» հիմնադրամի
տնօրեն։
- Վիոլետա Զոփունյան, «Իրավունքի զարգացման կենտրոն» ՀԿ-ի ղեկավար,
- Բորիս Խարատյան, Հայաստանի արհմիությունների կոնֆեդերացիայի նախագահի տեղակալ։
ՏԻՄ ընտրությունների երկարաժամկետ և կարճաժամկետ դիտարկման արդյունքների ներկայացում
18.10.2021
17:00
Հոկտեմբերի 18-ին՝ ժամը 17:00-ին, Մեդիա կենտրոնում տեղի ունեցավ ասուլիս ՏԻՄ ընտրությունների երկարաժամկետ և կարճաժամկետ դիտարկման արդյունքները թեմայով:
Բանախոսներ՝
- Դանիել Իոաննիսյան, «Անկախ դիտորդ» հասարակական դաշինքի ներկայացուցիչ
- Վարդինե Գրիգորյան, «Անկախ դիտորդ» դաշինքի համակարգող
- Վահրամ Թոքմաջյան, «Անկախ դիտորդ» հասարակական դաշինքի ներկայացուցիչ
Covid 19-ի դեմ պատվաստում. առասպելներ, կեղծիքներ և իրականություն
16.10.2021
14:30
Հոկտեմբերի 16-ին՝ ժամը 14:30-ին, Մեդիա կենտրոնը «Լոֆթ Գյումրի» կենտրոնում կազմակերպեց հանդիպում հանրային առողջության մասնագետ Դավիթ Մելիք-Նուբարյանի հետ «Covid-19-ի դեմ պատվաստում. առասպելներ, կեղծիքներ և իրականություն» թեմայով:
Որո՞նք են չգրանցված աշխատողների կարիքներն ու խնդիրները
15.10.2021
15:00
«Որո՞նք են չգրանցված աշխատողների կարիքներն ու խնդիրները»:
Այս թեմայով հոկտեմբերի 15-ին՝ ժամը 15:00-ին, «Մեդիա կենտրոնը» ԿԱԶԱ հիմնադրամի Գյումրու կենտրոնում կազմակերպեց քննարկում։
Քննարկման ընթացքում ՀՀ աշխատանքի և սոցիալական հարցերի նախարարի նախկին խորհրդական, անկախ հետազոտող Օլյա Ազատյանը ներկայացրեց իր կատարած հետազոտության արդյունքները, որոնք վերաբերում են չգրանցված աշխատողների խնդիրներին:
Քննարկմանը մասնակցեցին նաև Գայանե Գևորգյանը՝«Իրավաբանների հայկական ասոցիացիա» հասարակական կազմակերպության Շիրակի մարզային գրասենյակի համակարգող, փաստաբանը և Հերմինե Հովհաննիսյանը՝ Սախարովի անվան մարդու իրավունքների պաշտպանության հայկական կենտրոնի Շիրակի մասնաճյուղի իրավաբանը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ