Ոստիկանների եւ երիտասարդ ակտիվիստների միջեւ տեղի ունեցած բախումները
11.04.2013
12:00
Ապրիլի 10-ին «Մեդիա կենտրոնում» կայացավ քննարկում «Ոստիկանների եւ երիտասարդ ակտիվիստների միջեւ տեղի ունեցած բախումները եւ ներքաղաքական իրավիճակը» թեմայով, որի մասնակիցներն էին Հայաստանի Հելսինյան կոմիտեի ղեկավար, իրավապաշտպան Ավետիք Իշխանյանը, արեւելագետ, կոնֆլիկտաբան Արսեն Խառատյանը, ՀՀ նախագահի նախկին թեկնածու Անդրիաս Ղուկասյանը եւ բերման ենթարկված ակտիվիստ Շողակաթ Վարդանյանը:

Քննարկման մասնակիցները նշեցին, որ ոստիկանները ուժ են կիրառել իրականում խաղաղ ցուցարարների՝ երիտասարդների նկատմամբ՝ նրանց մի մասին բերման ենթարկելով ոստիկանություն:

Իրավապաշտպան Իշխանյանը դա համարեց «ապօրինի ազատությունից զրկում», Անդրիաս Ղուկասյանը նշեց, որ, իրեն բերման ենթարկելով, հրապարակից «հեռացրեցին այն մարդուն, ով կարող էր պատասխանատու լինել երիտասարդների գործողութունների համար», իսկ Խառատյանը ոստիկանների գործողությունները որակեց ՝ «2004թվականի ապրիլի 12-ի «կալցո օպերացիայի» մինի տեսակ»:

«Ոստիկանությունը ուժ չգործադրեց, մեկուսացրեց լիդերին, կարգադրիչներին, սա էր հասկանալի մարտավարությունը, սակայն եթե լիներ 30000 մարդ, ոստիկանությունը ուժ կկիրառեր, 60000-ի դեպքում՝ կկրակեր, իսկ ավելիի դեպքում՝ ուղղակի կանցներ ժողովրդի կողմը»,-համոզված է Անդրիաս Ղուկասյանը:

Խառատյանը ողջունեց երիտասարդների քաղաքացիական դիրքորոշումը ապրիլի 9-ին՝ ասելով, որ նրանցից շատերը հենց այդ օրը մկրտվեցին որպես քաղաքացիական ակտիվիստներ:

Շողակաթ Վարդանյանը պատմեց, թե ինչպես արագ մարդկանց հեռացրեցին տարածքից՝ կիրառելով նաեւ բռնություն երիտասարդների նկատմամբ:

 «Սկսվեց նրանից, որ մի աղջկա քաշեցին ու ցավացրեցին ու առանց զգուշացնելու մի քանի հոգու նկատմամբ ուժ կիրառելով տարան տարբեր կողմեր, ուղղակի շպրտեցին ու տարան»,- ասաց բերման ենթարկված ակտիվիստներից  Շողակաթ Վարդանյանը:

Անդրիաս Ղուկասյանը հայտարարեց, որ ապրիլի 9-ից արդեն իսկ որոշվեց, որ հակակրիմինալ հեղափոխությունը բոլոր քաղաքացիների պարտականությունն է և ոչ թե միայն Րաֆֆի Հովհաննիսյանինը:

Իրավապաշտպան Ավետիք Իշխանյանը իրադարձությունները մեկնաբանեց իրավական տեսանկյունից՝ նշելով, ոստիկանների այն պարզաբանումը, թե իրականում երիտասարդներին բերման չեն ենթարկել, այլ հրավիրել են բաժին, չի համապատասխանում իրականությանը: Տեղի ունեցած բոլոր գործողությունները խոսում են բերման ենթարկելու մասին, այն էլ` անօրինական բերման ենթարկելու, քանի որ ոստիկանությունից չի ներկայացվել ծանուցագիր:

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ