«Հասարակական ընդվզման և իշխանությունների արձագանքի գնահատականը Գյումրու աղմկահարույց սպանության դեպքից հետո»
19.01.2015
11:00
Նրանք, ովքեր պահանջում են, որ Գյումրու աղմկահարույց սպանության գործը քննվի Հայաստանում, քաղաքական ընդդիմություն հռչակվեցին, և այդ դիրքորոշումը համարվեց հակառուսականություն, իսկ հարցը քաղաքականացվեց: Այս կարծիքին էին այսօր «Մեդիա կենտրոնի» մասնակիցները՝ ազգագրագետ Հրանուշ Խառատյանը, «Հանուն կայուն մարդկային զարգացման» ՀԿ-ի նախագահ, բնապահպան Կարինե Դանիելյանը և նկարչուհի Զարուհի Մուրադյանը:

«ՀՀ նախագահի առաջին արձագանքը  Գյումրիում կատարված զարհուրելի հանցագործությանը ադեկվատ էր, բայց սոցիալական տիրույթը լցվեց հայտարարություններով, որ ռուսատյացություն չպետք է լինի, հանցագործի ազգային պատկանելիությունը կարևոր չէ: Բայց նրա ազգային պատկանելիությունը և Գյումրիում ռուսական բազայի գտնվելը օբյեկտիվ իրականություն է: Նման հայտարարությունները դարձան զարգացումների լեյտմոտիվը և թելադրեցին զարգացման հետագա ընթացքը»,-նշեց ազգագրագետ Հրանուշ Խառատյանը:

Անդրադառնալով երեկ ՌԴ նախագահ Վլադիմիր Պուտինի հայտարարությանը Ավետիսյանների ընտանիքի 6 անդամի սպանության վերաբերյալ՝ Խառատյանը մեկնաբանեց, որ Պուտինի այս հայտարարությունը նշանակում է, որ սպանության գործում մեղադրվող ռուսական 102-րդ ռազմաբազայի ժամկետային զինծառայող Վալերի Պերմյակովը կդատվի ռուսական օրենսդրությամբ:

«Պուտինի հայտարարությունը, որ նա կդատվի օրենքի ողջ խստությամբ, նշանակում է, որ Պերմյակովը կդատվի Ռուսաստանում, քանի որ Պուտինը նման հայտարարություններ կարող է անել միայն Ռուսաստանի համար, նա չէր կարող այդպիսի հայտարարություն անել Հայաստանի համար»,-հավելեց Խառատյանը:

Գնահատելով հանրային ընդվզումն ու պահանջը ուղղված իշխանություններին՝ բանախոսները նկատեցին, որ հանրությունը վերջին օրերի իրադարձություններին շատ ավելի սթափ էր և երբեք չձևակերպեց որևէ պահանջ, որը Հայաստանի լիազորությունից և Հայաստանի իրավունակությունից դուրս էր:

«Հանուն մարդկային կայուն զարգացման» ՀԿ-ի ղեկավար, բնապահպան Կարինե Դանիելյանը նշում է, որ ՀՀ իշխանությունների «ջայլամի քաղաքականությունը»` չհայտարարել սգո օրեր, կցկտուր ինֆորմացիա տրամադրել Գյումրիի դեպքերի մասին մադկանց ուշադրությունը շեղելու համար, հակառակ էֆֆեկտն ունեցավ և առաջացրեց մարդկանց մոտ ցասում:

«Գյումրիի հանրությունը և Երևանում բողոքի ակցիաները՝ կապված սահմռկեցուցիչ սպանության հետ, իրենց առողջ ռեակցիայով փրկեցին իշխանությունների դեմքը, որոնք անհետացել էին, կամ կոմայի մեջ էին: Իշխանությունների ռեակցիան հակազդեցությունն էր բողոքի ակցիաներին: Մարդկանց բերման ենթարկելը ընդհանրապես ադեկվատ չէր իրավիճակին»,-նկատեց նկարչուհի Զարուհի Մուրադյանը:

Հիշեցնենք, որ Գյումրու դեպքի հետ կապված Երևանում տեղի ունեցած բողոքի ակցիաների ժամանակ բերման էին ենթարկվել 30-ից ավելի ցուցարարներ:

Անդրադառնալով Գյումրու ցույցերի ժամանակ ՀՀ գլխավոր դատախազ Գևորգ Կոստանյանի հայտարարությանը՝  Խառատյանը նշեց, որ դա բավարար էր հասկանալու համար, որ սպանության գործում մեղադրվող Վալերի Պերմյակովը կարող  է դատվել Հայաստանի ֆիզիակաաշխարհագրական տարածքում, բայց Հայաստանի հետ կապ չունեցող օրենքներով ու քննության ընթացքով:

«Այդ հայտարարությունը լրացուցիչ յուղ լցրեց արդեն բորբոքված կրքերին...Կարող եմ ասել, որ մեր իշխանությունները դավաճանեցին հանրությանը երկու ձևով: Նախ, որ հանրային ընդվզումը արատավորեցին, և երկրորդ՝ կատարվել է քրեական սարսափելի հանցագործություն, ու մարդիկ ուզում են հասկանալ դրա շարժառիթները»,-հավելեց Խառատյանը:

Տեսանյութ
Print Friendly and PDF
Այլ մամլո հաղորդագրություններ
Վատ խաղաղությու՞ն, թե՞ լավ պատերազմ
24.09.2020
12:00
Սեպտեմբերի 24-ին, ժամը 12:00-ին, Մեդիա կենտրոնի սրահում տեղի ունեցավ հանդիպում-զրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ «Վատ խաղաղությու՞ն, թե՞ լավ պատերազմ»:
Մանկատանը երեխաներին ծեծում են, նվաստացնում. ինչու՞ է դա հնարավոր
24.09.2020
11:00
Սեպտեմբերի 24-ին, ժամը 11:00-ին, Մեդիա կենտրոնում տեղի ունեցավ քննարկում «Մանկատանը երեխաներին ծեծում են, նվաստացնում. ինչու՞ է դա հնարավոր» թեմայով:
Կրթություն հանուն փոփոխությունների - լրագրողական մրցույթ
22.09.2020
17:00
Վերջնաժամկետը՝ սեպտեմբերի 30․ 2020 թ․
Մրցանակային ֆոնդը՝ 1500 եվրո


«Անկախություն. ձեռք բերելը բարդ էր, պահպանելն՝ ավելի»
21.09.2020
14:00
Սեպտեմբերի 21-ին, ժամը 14:00-ին, Մեդիա կենտրոնը Վանաձոր քաղաքի «Կիրովական» հյուրանոցում կազմակերպեց հանրային քննարկում «Անկախություն. ձեռք բերելը բարդ էր, պահպանելն՝ ավելի» թեմայով:

«Մեր սոցիալական իմունիտետը» ֆիլմի դիտում-քննարկում Գյումրիում
18.09.2020
14:00
Սեպտեմբերի 18-ին՝ ժամը 14:00-ին, «Մեդիա կենտրոն»-ը Շիրակի թեմի Սոցիալ-կրթական կենտրոնում կազմակերպեց «Մեր սոցիալական իմունիտետը» վերտառությամբ ֆիլմի դիտում-քննարկում։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...