Հաղորդագրություններ
Որոնել ըստ պիտակի ըստ օրացույցի
Զետեղվել է Մեդիա կենտրոն
Հայաստանում մեկնարկում են երգչախմբային դիրիժորների և տնօրենների համար սեմինարներ
30.04.2015
12:00
Մայիսի մեկին Երևանում կմեկնարկի «Սեմինարներ երգչախմբային դիրիժորների և տնօրենների համար» նախագիծը, որն իրականացնում է լեհական Chórtownia հիմնադրամը: Սեմինարի ընթացքում մասնակիցները տեղեկանալու են The Sound of Europe II նախագծին: Միջոցառման ժամանակ ներկայացվելու է նաև Երգչախմբային կայքը, որը հանդիսանում է հարթակ՝ մեկտեղելու տարբեր երկրների երգչախմբերի մասին տեղեկատվությունը:
Սոցիալական խնդիրներ և ռազմական անվտանգություն. երիտասարդներին ամենաշատ հուզող խնդիրները
29.04.2015
12:00
Հայաստանում երիտասարդների շրջանում անցկացված ուսումնասիրության արդյունքներով ամենակարևոր խնդիրներն են նշվել սոցիալական ոլորտը և ռազմական անվտանգությունը:Այսօր «Մեդիա կենտրոնում» տեղի ունեցած մամլո ասուլիսի ժամանակ «Խաղաղության երկխոսություն» ՀԿ-ն ներկայացրեց 2014-ին իրականացրած «Անվտանգության և ազատության միջև» ուսումնասիրության արդյունքները, որն անցկացվել է 18-25 տարեկան երիտասարդների շրջանում Հայաստանի 4 մարզերում (Տավուշ, Գեղարքունիք, Լոռու, Սյունիք) և Երևանում:
Թեժ քննարկում. Ինչո՞ւ հարստացնել կամ չհարստացնել ցորենի ալյուրը
28.04.2015
12:30
Հայաստանի կառավարության հավանությանն արժանացած «Ցորենի ալյուրի հարստացման մասին» օրենքի նախագիծը շարունակում է հանդիսանալ բուռն քննարկումների առարկա: Առողջապահության նախախարությունը կարևորում է այլուրի հարստացումը հանրային առողջության պաշտպանության տեսանկյունից հանրային որոշակի խմբերի մոտ սակավարյունությունը կանխարգելելու համար: Մինչդեռ նախաձեռնության ընդդիմախոսներն ու սպառողների շահերի պաշտպաններն ունեն մտահոգություններ, որ ալյուրի հարստացումը երկաթով և ֆոլաթթվով կբերի քաղցկեղով հիվանդների թվի աճին:
Ինչպիսի՞ն կլինեն հայ-թուրքական հարաբերությունները Ցեղասպանության 100-րդ տարելիցից հետո
23.04.2015
12:00
Հայաստան-Թուրքիա հասարակությունների միջև հարաբերությունները Ցեղասպանության 100-րդ տարելիցից հետո կշարունակեն զարգանալ: Երկու հասարակությունում էլ տեղի են ունենում դինամիկ փոփոխություններ: Թուրքական հասարակությունը այլևս միասնական կարծիք չունի Ցեղասպանության հարցում, այն մասնատված է ենթահասարակութունների, որոնք միանգամայն տարբեր կերպ են ընկալում Հայաստանը և Հայոց ցեղասպանությունը: Այս մասին այսօր «Մեդիա կենտրոնում» կայացած քննարկման ժամանակ հայտարարեցին փորձագետները Հայաստանից և Թուրքիայից:
«Բացել հայ-թուրքական սահմանը, ճանաչել Ցեղասպանությունը, սկսել երկխոսություն». հայ և թուրք իրավապաշտպաններ
23.04.2015
11:00
Թուրքիայում շատ մեծ փոփոխություն կա Հայոց Ցեղասպանության հարցի ընկալման շուրջ, և այժմ թուրք հասարկությունն ավելի ազատ է խոսում այս խնդրի մասին. վստահեցնում են հայ և թուրք իրավապաշտպանները այսօր «Մեդիա կենտրոնում» տեղի ունեցած մամլո ասուլիսի ժամանակ:
Գերմանիայի Ուբեռլինգեն քաղաքում կբացվի հայ արվեստագետների ցուցահանդես նվիրված Հայոց Ցեղասպանության 100-րդ տարելիցին
21.04.2015
13:00
Գերմանիայի Ուբեռլինգեն քաղաքում 2016-ին տեղի կունենա Հայոց Ցեղասպանության 100-րդ տարելիցին նվիրված ցուցահանդես՝ «Հայաստանը երեկ և այսօր. արվեստ և լուսանկարչություն 1975-2015թթ.» խորագրով:
Հայաստանում համաներումն անհրաժեշտություն է. իրավապաշտպաններ
21.04.2015
11:00
Հայաստանում համաներում հայտարարելն անհրաժեշտություն է Ցեղասպանության 100-րդ և Երկրորդ համաշխարհային պատերազմի 70-րդ տարելիցների կապակցությամբ: Դատապարտյալների և կալանավորների պահման վայրերում առկա է գերծանրաբեռնվածություն, իսկ նրանց տրամադրվող սնունդը և սանիտարահիգիենիկ պայմանները «ուղղակի անտանելի են»: Այս առումով համաներումը նրանց համար «փրկօղակ է»: Այս մասին «Մեդիա կենտրոնում» կայացած քննարկմանը հայտարարեցին իրավապաշտպանները:
Վրաստանի քաղաքացիությունից զրկված անձանց կացության խնդիրները լուծվում են
20.04.2015
12:00
Վրաստանի միգրացիոն օրենսդրության խստացման հետևանքով երկքաղաքացիություն ունեցող վրացահայերի համար առաջացած կացության խնդիրները գտնվում են լուծման փուլում: Վրաստանի քաղաքացիությունից զրկված անձիք կարող են դիմել և ստանալ ժամանակավոր կամ մշտական կացության թույլտվություն: Այս մասին «Մեդիա կենտրոնում» կայացած քննարկմանը հայտարարեց Վրաստանի Արդարադատության նախարարության հանրային ծառայությունների զարգացման գործակալության Ախալքալաքի բաժնի պետ Ռուբեն Պալյանը:
12-ամյա կրթությունը պետք է լինի ոչ թե պարտադիր, այլ որակյալ
17.04.2015
10:00
12-ամյա պարտադիր միջնակարգ կրթության համակարգի ներդրման հիմնական խնդիրն ավագ դպրոցներում կրթական գործընթացի կազմակերպումն ու իրականացումն է: Անհրաժեշտ է իրականացնել մեծ ներդրումներ և կրթական ծրագրերում մասշտաբային փոփոխություններ, որպեսզի համակարգը սկսի աշխատել: Այս մասին «Մեդիա կենտրոնում» կայացած քննարկման ժամանակ հայտարարեցին կրթության ոլորտի պատասխանատուները և փորձագետները:
«Հոգեկան առողջության խնդիրներ ունեցող անձանց պաշտպանվածության համար անհրաժեշտ են համակարգային բարեփոխումներ»
15.04.2015
13:00
Հոգեկան առողջության խնդիրներ ունեցող անձանց իրավունքների պաշտպանության համար անհրաժեշտ են համակարգային բարեփոխումներ, որպեսզի նորովի օրենսդրական կարգավորումներ մշակվեն և ընդունվեն. վստահեցնում են իրավապաշտպան կազմակերպությունների ներկայացուցիչներն այսօր «Մեդիա կենտրոնում» տեղի ունեցած քննարկմանը:
«Հիմնադիր խորհրդարանի» կալանավորված անդամների փաստաբանները դիմելու են ՄԻԵԴ
15.04.2015
12:00
«Հիմնադիր խորհրդարանի» (ՀԽ) հինգ անդամների կալանավորման իրավական հիմքերը կաղում են: Նրանց նկատմամբ հարուցած քրեական գործը քաղաքական աստառ ունի: Ըստ էության՝ ՀԽ անդամների նկատմամբ քաղաքական հետապնդում է իրականացվում: Այս մասին «Մեդիա կենտրոնում» կայացած ասուլիսին հայտարարեցին Հիմնադիր խորհրդարանի կալանավորված անդամների փաստաբանները: Նրանք մտադիր են դիմել Մարդու իրավունքների եվրոպական դատարան կալանքի վերաբերյալ դատարանի վճիռը բողոքարկելու նպատակով:
Հայաստանում աղբահանությունը կառավարման կարիք ունի
13.04.2015
11:00
Հայաստանում աղբահանության ոլորտի կարգավորման հարցում բացակայում է համակարգային մոտեցում: Աղբը շարունակվում է կուտակվել, այնինչ վերամշակման և տեսակավորման քաղաքականության ներդրման հարցում չկան տեսանելի արդյունքներ: Այս մասին «Մեդիա կենտրոնում» անցկացված «Աղբահանության խնդիրները Հայաստանում» թեմայով քննարկմանը հայտարարեցին բնապահպանները և խնդրով մտահոգ փորձագետները:
Իրան-«վեցնյակ» համաձայնություն. նոր հնարավորություններ Հայաստանի համար
11.04.2015
12:00
Վերջերս կայացած Իրան-«վեցնյակ» համաձայնության շրջանակում Թեհրանի նկատմամբ պատժամիջոցների վերացումը թե՛ քաղաքական, թե՛ տնտեսական առումներով դրական ազդեցություն կունենա Հայաստանի վրա: Թեհրանի մեկուսացման ավարտը նշանակում է Իրանի տնտեսության ակտիվացում, ինչի արդյունքում կարող են կյանքի կոչվել հայ-իրանական մի շարք նախագծեր՝ Մեղրիի ՀԷԿ-ի, նավթամուղի կամ երկաթուղու կառուցումը: Այս մասին ապրիլի 11-ին «Մեդիա կենտրոնում» կայացած «Իրան-«վեցնյակ» համաձայնություն. նոր հնարավորություններ և հեռանկարներ Հայաստանի համար» թեմայով քննարկմանը հայտարարեցին փորձագետները:
Օրենսդրական բացեր, թե՞ ֆինանսական ոչ բավարար միջոցներ
10.04.2015
10:30
Հայաստանի զինված ուժերում վիրավորված զինծառայողների բուժօգնությունն արտերկրում ապահովելու համար կա երկու հիմնական խնդիր. օրենսդրական կարգավորումների բացակայությունն ու բավականաչափ ֆինանսական միջոցներ չունենալը:
Հայաստանում անհրաժեշտ է ընդունել խտրականության դեմ համապարփակ օրենք. ԵՄ պաշտոնյա
08.04.2015
11:00
Հայաստանում խտրականության դեմ օրենքի ընդունման կամ նույնանուն օրենսդրական նախագծի շուրջ հասարակական-քաղաքական քննարկումների ծավալման ժամկետները դեռ հստակ չեն: Այնուամենայնիվ հանրային սեկտորի ներկայացուցիչները և Արդադարատության նախարարությունը համակարծիք են այն հարցում, որ պետք չէ սպասել օրենքի ընդունմանը, այլ հարկավոր է համապատասխան բացատրական աշխատանքներ տանել հասարակության հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ