Հաղորդագրություններ
Որոնել ըստ պիտակի ըստ օրացույցի
Քաղաքացիական բողոքի ձայն. օրինաչա՞փ է իրավապահ մարմինների արձագանքը
19.11.2014
12:00
Քաղաքացիական ակտիվիստները ոստիկանության վարքագիծը քաղաքացիական բողոքների ընթացքում համարում են ոչ օրինաչափ եւ կանխատեսում են վարքագծի վատացում Եվրասիական տնտեսական միությանը (ԵՏՄ) Հայաստանի միանալուց հետո:
Փորձագետները կարևորում են Հայաստան-ԵՄ հարաբերությունների կայուն զարգացումը
14.11.2014
11:30
Փորձագետների դիտարկմամբ` Հայաստանը պետք է կապ պահպանի Եվրամիության հետ, քանի որ «մի քիչ Եվրոպայի առկայությունը հնարավորություն կտա հետագայում վերականգնել հայաստանյան քաղաքականությունը»:
Այսօր «Մեդիա կենտրոնի» նախաձեռնած «Նոր զարգացումներ ու հնարավորություններ Հայաստան-ԵՄ հարաբերություններու՞մ» թեմայով քննարկման ժամանակ, Տարածաշրջանային հետազոտությունների կենտրոնի վերլուծաբան Միքայել Զոլյանը նշեց, որ Հայաստանը չի օգտագործում այն հսկայական մարդկային ռեսուրսները` բիզնեսմեններին, փորձագետներին, աշխատուժը, որ մենք ունենք Ռուսաստանում հօգուտ մեզ, այլ հակառակը` Ռուսաստանն է օգտագործում այն մեզ վրա ազդելու համար:
Անձնական տվյալները կունենան պաշտպանվածության ավելի բարձր աստիճան
13.11.2014
12:30
«Անձնական տվյալների պաշտպանության մասին» ՀՀ օրենքի նոր նախագիծը կապահովի քաղաքացիների տվյալների պաշտպանության ավելի բարձր աստիճան:
ՆմանկարծիքհայտնեցՀՀ ԱՆ օրենսդրության վերլուծության և կատարելագործման վարչության Իրավական ակտերի մշակման բաժնի պետ Լիանա Ղալթաղչյանն այսօր «Մեդիա կենտրոնում» կազմակերպված քննարկման ժամանակ:
Քաղաքացիական հասարակության ներկայացուցիչներն ու փորձագետները վիճարկում են Եվրասիական տնտեսական միության ԵՏՄ պայմանագրի սահմանադրականությունը
13.11.2014
11:00
Հայաստանի քաղաքացիական հասարակության մի շարք ներկայացուցիչներ եւ փորձագետներ վստահ են, որ Եվրասիական տնտեսական միության պայմանագիրը հակասում է ՀՀ Սահմանադրությանը:
Հելսինկյան քաղաքացիական ասամբլեան դիմել է ՀՀ Սամանադրական դատարան վիճարկելու այն դրույթը, որ նախագահի արտաքին քաղաքական գործունեությունը չի կարող դատական կարգով բողոքարկվել:
Օրենսդրական բացը` խտրական վերաբերմունքից պաշտպանվելու խոչընդոտ
10.11.2014
13:00
Այն անձինք, կամ կառույցները, որ օժտված են պաշտպանելու հասարակությանը, այսօր համապատասխան գործիք չունեն, որպեսզի լիարժեք կարողանան իրականացնել խտրական վերաբերմունքից պաշտպանելու գործառույթը:

Դրա հիմքում ամենամեծ բացն այսօր օրենսդրականն է: Այս մտահոգությունն այսօր հայտնեց «Մեդիա կենտրոնում» տեղի ունեցած քննարկման մասնակից, «Իրավունքների պաշտպանություն առանց սահմանների» ՀԿ-ի նախագահ Հայկուհի Հարությունյանը:
Բարձր վարձատրվող կանայք կդառնան անցանկալի գործատուների համար
07.11.2014
12:30
Մեկ միլիոն դրամից ավելի աշխատավարձ ստացող կանանց մայրության նպաստը պետության փոխարեն գործատուի կողմից վճարելու մասին նոր օրենսդրական դրույթը կարող է հանգեցնել կին - տղամարդ իրավահավասարության սկզբունքի խախտմանը:
Պետական գնումների ոլորտը ոչ թափանցիկ
04.11.2014
12:00
«Հայաստանի անդամակցությունը ԵՏՄ-ին՝ պետական գնումների առումով, լրջագույն խնդիրներ կառաջացնի: Մեր օրենսդրությունը օրենսդրական կատարելության առումով ավելի բարձր է, քան այն երկրներինը, որոնց հետ մենք պատրաստվում ենք համագործակցել»: Գնահատելով պետական գնումների համակարգը՝ ասաց «Թրանսփարենսի ինթերնեշընլ» հասարակական կազմակերպության փորձագետ Արտակ Մանուկյանը «Մեդիա կենտրոնում» հրավիրված ասուլիսի ընթացքում:
Բանավեճ. Թվայնացումը տեղեկատվություն ստանալու իրավունքի խախտման պատճառ
30.10.2014
17:00
2015 թվականի հուլիսի 1-ից անալոգայինից թվայաին հեռարձակմանն ամբողջությամբ անցնելուն մեկ տարուց էլ քիչ ժամանակ է մնացել, սակայն դեռևս չլուծված են մնում օրենսդրական, տեխնիկական և սոցիալական խնդիրները: Խոսքի ազատության պաշտպանության կոմիտեի նախագահ Աշոտ Մելիքյանի խոսքով թերություններով ու բացթողումների լի «Հեռուստատեսության և ռադիոյի մասին» գործող օրենքը «չի բավարարում այդ անցումը կատարելու համար:
Աշխարհն առաջին աշխարհամարտից 100 տարի անց
29.10.2014
11:00
«Երկու աշխարհամարտերի ողբերգական իրադարձություններից Եվրոպան դասեր է քաղել: Ամենամեծ ձեռքբերումը ԵՄ ձևավորումն է, միություն, որը ստեղծվել է երկրորդ աշխարհամարտից հետո, մի քանի փուլով և այժմ խաղաղության գոտի է հանդիսանում»,- Մեդիա կենտրոնում հրավիրված ասուլիսում ասաց Հայաստանում Գերմանիայի Դաշնային Հանրապետության արտակարգ եւ լիազոր դեսպան`Ռայներ Մորելը: Ասուլիսի բանախոսներից էր նաև Մեծ Բրիտանիայի եւ Հյուսիսային Իռլանդիայի Միացյալ Թագավորության արտակարգ եւ լիազոր դեսպան Քեթրին Լիչը:
Ժամանակն է փոփոխել ԱԺ-ում լրագրողների հավատարմագրման կարգը
28.10.2014
12:00
«ԱԺ-ում լրագրողների հավատարմագրման կարգն ի սկզբանե ունեցել է թերություններ, և լրագրողները պետք է ավելի շուտ բարձրաձայնեին իրենց մտահոգությունները» Մեդիա կենտրոնում հրավիրված ասուլիսին ասաց «Խոսքի ազատության պաշտպանության կոմիտեի» ղեկավար Աշոտ Մելիքյանը, իսկ ԱԺ հասարակայնության եւ տեղեկատվության միջոցների հետ կապերի վարչության պետ Արսեն Բաբայանն էլ ընդունեց, որ կարգի որոշ կետերի շուրջ կարելի է քննարկում կազմակերպել և որոշակի փոփոխություններ կատարել:
«Մեդիա ավտոբուսը» հայ-թուրքական հարաբերությունների կարգավորման միջոց
24.10.2014
12:00
«Մեդիա ավտոբուս» նախագծի շրջանակներում Հայաստանում է գտնվում 10 լրագրող ու բլոգեր Թուրքիայից, ովքեր իրենց 10 հայաստանցի գործընկերների հետ կատարել են համատեղ ավտոբուսային շրջագայություն Հայաստանում ու Թուրքիայում:
«Ասուլիսը ճիչ է, թե ինչ է կատարվում Հայաստանի դատական համակարգում»
21.10.2014
12:00
«Հիմնավորվել է, որ Հարություն Սարգսյանը Կարեն Եսայանի սպանության հետ կապ ունենալ չէր կարող: Գոյություն չունի որևէ այլ հիմնավոր ապացույց:» Մեդիա կենտրոնի սրահում այսօր հրավիրված ասուլիսի ընթացքում ասաց Հարություն Սարգսյանի շահերի պաշտպան Լուսինե Սահակյանը: Ասուլիսին մասնակցում էր նաև «Հայաստանի Հելսինկյան կոմիտեի» ղեկավար իրավապաշտպան Ավետիք Իշխանյանը:
«Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» ցուցահանդես
20.10.2014
14:30
Հոկտեմբերի 21-ին ՄԱԿ-ի հայաստանյան գրասենյակում կբացվի «Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» ցուցահանդեսը:
Երկշաբաթյա ցուցահանդեսին ներկայացվելու են նկարիչներ Տիգրան Սահակյանի, Արման Վահանյանի և Տիգրան Կիրակոսյանի աշխատանքները` օֆսեթ լիթոգրաֆիայի, ինչպես նաև մենատիպի և օֆորտի տեխնիկայով: Ներկայացվելիք աշխատանքները ստեղծվել են Էստոնիայի մայրաքաղաք Տալլին նկարիչների կատարած այցելության ժամանակ:
ՏԻՄ ընտրություններ. ընտրողների ցածր մասնակցությունը պայմանավորված է նաև արտագաղթով
20.10.2014
13:00
Հոկտեմբերի 19-ին ՀՀ 8 մարզերի 14 համայնքներում անցկացված ՏԻՄ ընտրություններին ընդհանուր առմամբ գրանցվել է ընտրողների ցածր մասնակցություն: Մարտունու կանանց համայնքային խորհուրդ ՀԿ –ի համակարգող Եղիազար Դավթյանը «Մեդիա կենտրոնում» հրավիրված ասուլիսին ասաց, որ կոնկրետ Գեղարքունիքի մարզում դա պայմանավորված է արտագաղթով, բայց կա նաև անտարբերություն: Օրինակ համայնքներից մեկում ընդամենը մեկ թեկնածու էր առաջադրվել, այսինքն մարդիկ գիտեն, որ հենց այդ թեկնածուն է առանց իրենց ակտիվ մասնակցության ընտրվելու է:»
«Եթերային հեռուստահեռարձակման թվային համակարգին անցնելու գործընթացը Հայաստանում»
16.10.2014
14:00
Հոկտեմբերի 16-ին «Կոնգրես» հյուրանոցի «Պիկասո» սրահում տեղի ունեցավ «Եթերային հեռուստահեռարձակման թվային համակարգին անցնելու գործընթացը Հայաստանում» թեմայով քննարկումը։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ