Հաղորդագրություններ
Որոնել ըստ պիտակի ըստ օրացույցի
Հակակոռուպցիոն պայքարում բացակայում է քաղաքական կամքը և ինստիտուցիոնալ մոտեցումը
03.03.2015
11:00
ՀՀ վարչապետի գլխավորությամբ կոռուպցիայի դեմ պայքարի խոհրդի ձևավորման մասին կառավարության նախաձեռնությունը չի կարող լինել արդյունավետ, և ինքը՝ խորհուրդը, գործել էֆեկտիվ, քանի դեռ չկա ինստիտուցիոնալ մոտեցում: Այս մասին հայտարարեցին մարտի 3-ին «Մեդիա կենտրոնում» կայացած քննարկման մասնակիցները:
Թեժ բանավեճ. Ինչո՞ւ կազմաքանդվեց ընդդիմությունը
27.02.2015
14:30
Քաղաքական դաշտը բիզնեսից «մաքրելու» գործընթացը չպետք է սահմանափակվի միայն «Բարգավաճ Հայաստան» կուսակցությունով, գործընթացը պետք է շարունակական լինի և վերաբերի հավասարապես բոլոր քաղաքական դերակատարներին: Այսպիսի կարծիք հայտնեցին խորհրդարանական տարբեր քաղաքական ուժերի ներկայացուցիչները «Ա1+»-ի առցանց հեռարձակմամբ «Մեդիա կենտրոնի» կազմակերպած բանավեճի ժամանակ:
Մարտի 1-ի գործը բացահայտված, բայց հրապարակայնացված չէ
27.02.2015
11:00
2008 թ-ի մարտի 1-ի ողբերգական իրադարձությունների զոհերի ծնողները հույս չունեն, որ Հայաստանում գործող իշխանությունների պարագայում «մարտի 1-ի» գործը կբացահայտվի, իսկ 10 մարդկանց սպանության համար մեղավորները կպատժվեն: Յոթ տարի ընթացող գործի քննությունը, զոհերի ծնողների կարծիքով «իմիտացիա» է: Նրանք որոշել են այլևս չներկայանալ Հատուկ քննչական ծառայություն, քանի որ չեն վստահում այդ կառույցին:
Մանկական պալեատիվ բժշկական օգնության ներդրումը Հայաստանում
26.02.2015
13:30
Հայաստանում ձևավորվում և մշակվում է մանկական պալեատիվ բուժօգնության ներդրման գաղափարը, իսկ մեծահասակների պալեատիվ բուժօգնության հասանելիության համար Հայաստանում շարունակվում են կյանքի կոչվել մի շարք մշակված քայլեր՝ դեղերի հասանելիության, քաղաքականության, օրենսդրության և իրազեկման ապահովման ուղղությամբ: Վստահեցնում են հայաստանյան և միջազգային փորձագետները այսօր «Մեդիա կենտրոնում» տեղի ունեցած քննարկման ժամանակ:
Ադրբեջանահայ փախստականների չլուծված խնդիրները 27 տարի անց
26.02.2015
11:00
Ադրբեջանից բռնագաղթած հայերը 27 տարի անց էլ շարունակում են ահազանգել սոցիալական խնդիրների, քաղաքացիությունը պարտադրաբար ստանալու, բանակցային գործընթացից և քաղաքական օրակարգից դուրս մնալու հարցերի մասին, որոնք հերթական անգամ բարձրաձայնվեցին այսօր «Մեդիա կենտրոնում» տեղի ունեցած քննարկման ժամանակ:
«Հանքարդյունաբերությունն ու բնապահպանական խնդիրները.Ախթալայի լեռնահարստացուցիչ կոմբինատի նոր պոչամբարի կառուցումը»
24.02.2015
12:00
Լոռու մարզի Մեծ Այրում համայնքի բնակիչները դեմ են իրենց գյուղի մերձակայքում Ախթալայի լեռնահարստացման կոմբինատի համար նոր պոչամբարի կառուցմանը, քանի որ այն մերձակա գյուղերի ողջ արոտավայրերն ու վարելահողերը դնում է ծանր մետաղներով աղտոտելու վտանգի տակ. վստահեցնում են բնապահպանները այսօր «Մեդիա կենտրոնում» տեղի ունեցած քննարկման ժամանակ:
«Լոռու տեղական ինքնակառավարման մարմինների գործունեության գնահատականը»
20.02.2015
13:00
Չնայած նրան, որ Լոռու տեղական ինքնակառավարման մարմինները (ՏԻՄ) պատրաստակամություն են հայտնում համագործակցել հասարակական սեկտորի հետ, միևնույն է, ՏԻՄ-ի ենթակայության տակ գտնվող մի շարք ոլորտների խնդիրներ մնում են չլուծված. իրենց հակընդեմ կարծիքները հայտնեցին քաղաքացիական հասարակության և տեղական ինքնակառավարման մարմինների ներկայացուցիչները փետրվարի 20-ին Վանաձորում տեղի ունեցած քննարկմանը:
Ազգային ժողովի մոտ 70 պատգամավոր «լուռ» է
19.02.2015
12:00
Անցած 6-րդ նստաշրջանի ընթացքում ՀՀ Ազգային ժողովի նախաձեռնողականությունը օրինաստեղծ աշխատանքում նախորդ նստաշրջանի համեմատ 5% աճ է գրանցել: ԱԺ-Կառավարություն տոկոսային հարաբերակցությունը դարձել է 10/90%: Միևնույն ժամանակ բազմաթիվ խնդիրներ խորհրդարանի աշխատանքում պահպանվում են:
Ինչպիսի՞ հանգուցալուծում կստանա ներքաղաքական լարվածությունը Հայաստանում
17.02.2015
12:30
Հայաստանի ներքաղաքական դաշտում լարվածության կտրուկ աճը Նախագահ Սերժ Սարգսյանի՝ «Բարգավաճ Հայաստան» կուսակցության առաջնորդ Գագիկ Ծառուկյանին ուղղված աղմկահարույց ելույթից, և ապա վերջինիս կոշտ պատասխանից հետո, պայմանավորված է իշխանության համար պայքարով: Այսպիսի կարծիք «Մեդիա կենտրոնում» կայացած քննարկման ժամանակ հայտնեցին քաղաքագետները և իրավապաշտպանները:
«ՀԿ-ների մասին օրենքը սահմանափակում է ՀԿ-ների ազատականացումը»
17.02.2015
11:00
«Հասարակական կազմակերպությունների մասին» օրենքի նախագիծը պետք է բարելավի ՀԿ-ների աշխատանքային միջավայրը և ապահովվի ՀԿ-ների գործունեության առավելագույն ազատականացումը, ինչը առկա օրենսդրական նախագծով սահմանափակված է. վստահեցնում են հասարակական կազմակերպությունների ներկայացուցիչները այսօր «Մեդիա կենտրոնում» տեղի ունեցած քննարկմանը:
«Իրավապահները սկսել են գործել ավելի կոպիտ և ծայրահեղ միջոցներով»
16.02.2015
11:00
Իրավապաշտպանները մեծ հույսեր չեն կապում ոստիկանությունում նշանակված ծառայողական քննությունից փետրվարի 11-ին Բաղրամյան պողոտայում իրավապահների և խաղաղ պայմաններում զոհված զինծառայողների ծնողների միջև տեղի ունեցած միջադեպի առնչությամբ:
«Հայաստանը կարձագանքի իր միջազգային պարտավորությունների ստանձմանը մինչև 2015-ի հունիսը»
11.02.2015
12:00
Այս տարի ՄԱԿ-ի համընդհանուր պարբերական դիտարկման շրջանակում Հայաստանին ուղղված 179 հանձնարարականներին հայկական կառավարական պատվիրակությունը պետք է արձագանքի մինչև 2015-ի հունիս ամիսը:
Հայաստանում մեկնարկում են տարածաշրջանում եզակի վաղ միջնադարյան դամբարանի պեղումները
10.02.2015
11:00
Արագածոտնի Աղձք բնակավայրի արքայական դամբարանը տարածաշրջանում միակ պահպանված պատմամշակութային կոթողն է, որտեղ հանգչում են արքայական տոհմի աճյունները: Դամբարանի պեղումները, որոնք կսկսվեն մոտ ապագայում, ինքնաճանաչողության տեսանկյունից կարևոր նշանակություն ունեն հայ ժողովրդի համար:
Ցորենի ալյուր՝ հարստացնե՞լ, թե ոչ
09.02.2015
12:00
Հայաստանյան հանրության մեջ հնչում են միանգամայն հակադիր կարծիքներ կառավարության հավանությանն արժանացած «Ցորենի ալյուրի հարստացման մասին» օրենքի նախագծի վերաբերյալ: Առողջապահության նախարարությունը միանշանակ դրական լույսքի ներքո է ներկայցնում ցորենից ստացված բարձրակարգ ալյուրը պրեմիքսներով՝ երկաթով և ֆոլաթթվով, հարստացնելու ծրագիրը, քանի որ այն, ըստ գերատեսչության մասնագետների, նպատակ ունի կանխարգելելու հանրության որոշակի խմբերի մոտ անեմիան (սակավարյունությունը):
«Մարդու իրավունքների պաշտպանությունը զինված ուժերում. 2014-ի գնահատականը»
06.02.2015
12:00
Զինված ուժերում մարդու իրավունքների պաշտպանության առումով շարունակվում են մնալ չլուծված համակարգային խնդիրներ, չնայած նրան, որ վերջին տարիներին կանոնակարգային հարաբերությունների խախտման հետևանքով հանցագործությունների թիվը զինված ուժերում նվազել է. իրենց հակընդեմ կարծիքները փոխանակեցին հասարակական և ուժային կառույցների ներկայացուցիչները այսօր «Մեդիա կենտրոնում» տեղի ունեցած քննարկմանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ