Սիլիկոնյան հովտի փոխարեն՝ Հայաստան-Թուրքիա Արարատյան հովիտ
13.05.2015
11:30
Հայաստան-Թուրքիա տեղեկատվական տեխնոլոգիաների ոլորտները կամրջող նախագծերը, որոնց շրջանակներում երկու երկրների սկսնակ ձեռներեցների 5 թիմ ակտիվ համագործակցեցին և աշխատեցին միասին, մոտեցան ավարտին: Նախագծերի ամփոփումն ազդարարվեց ծրագիրն իրականացնող կազմակերպությունների ներկայացուցիչների մամուլի ասուլիսով և մրցանակաբաշխությամբ:

Ասուլիսի բանախոսներն էին «Հանրային լրագրության ակումբի» (ՀԼԱ) նախագահՍեդա Մուրադյանը,ՀԼԱ Հայաստան-Թուրքիա նախագծերի ղեկավար Էսթեր Հակոբյանը, Թուրքիայի տնտեսական քաղաքականության հետազոտությունների հիմնադրամի (ՏԵՊԱՎ) ներկայացուցիչ Ջանսու Սարաջը, «Մայքրոսոֆթ ինովացիոն կենտրոնի» տնօրենի պաշտոնակատար, ստարտափ աքսելերացիայի ծրագրի ղեկավար Արտաշես Վարդանյանը, 4 ամիսների ընթացքում Հայաստանից և Թուրքիայից սկսնակ ձեռներեցների հետ աշխատած խորհրդատու Արսեն Բաբայանը և հեղինակավոր ժյուրիի անդամ Էմրե Օզբեկը:

Հիշեցնենք, որ 5 թիմ հեղինակավոր ժյուրիի դատին մայիսի 12-ին ներկայցրեց 4 ամիսների ընթացքում իրենց մշակած գաղափարներն ու դրանց նախատիպերը: Հաղթող թիմը «Աջակցություն Հայաստան-Թուրքիա կարգավորման գործընթացին» ծրագրի շրջանակներում իրականացվող «Ձեռներեցների փոխայցելություններ» նախագծի կողմից ստացավ ֆինանսական աջակցություն չորս հազար եվրոյի չափով՝ բիզնես գաղափարը իրագործելու համար: Թիմերը երեք խրախուսական մրցանակ ստացան հետևյալ անվանակարգերում. լավագույն տեխնոլոգիական լուծում, լավագույն ներկայացում, լավագույն գաղափար:

Թե ինչպես առաջացավ «Ձեռներեցների փոխայցելություններ» նախագիծն, ասուլիսի ժամանակ պատմեց Սեդա Մուրադյանը: «Մոտ մեկ ու կես տարի առաջ մեր գործընկեր ՏԵՊԱՎ հիմնադրամի հետ աշխատում էինք մի գաղափարի վրա, որը կկամրջեր Հայաստանի և Թուրքիայի տեղեկատվական տեխնոլոգիաների ոլորտները: Այն վերաճեց «Ձեռներեցների փոխայցելություններ» անունը կրող մի ծրագրի, որն էլ իր աջակցությունը ստացավ Եվրամիության «Աջակցություն Հայաստան-Թուրքիա կարգավորման գործընթացին» ծրագրի շրջանակներում: Անցած տարվա նոյեմբերին մենք հյուրընկալեցինք Հայաստանում մեծ պատվիրակություն Թուրքիայից: Այդ այցելության ընթացքում տեղի ունեցավ նաև Հայաստան-Թուրքիա «Սթարթափ ուիքենդը»», - նշեց Սեդա Մուրադյանը:

Ծրագիրն, ըստ Մուրադյանի, առանձնանում է, քանի որ փակ սահմաններ և պատմական չլուծված խնդրներ ունեցող երկրների ներկայացուցիչները խառը խմբերում աշխատում էին համատեղ տարբեր նորարարական գաղափարների զարգացման շուրջ: Ծրագրի իրականացման համար Հանրային լրագրության ակումբին ու «Մայքրոսոֆթ ինովացիոն կենտրոնին» հավելյալ աջակցություն ցուցաբերեց ԱՄՆ դեսպանատունը:

Այնուհետև նախաձեռնվեց «Տեխնոլոգիաներ առանց սահմանների» ծրագիրը, որը ներկայացրեց «Մայքրոսոֆթ ինովացիոն կենտրոնի» տնօրենի պաշտոնակատար Արտաշես Վարդանյանը: «Ծրագրի յուրահատկությունն այն է, որ տեղեկատվական տեխնոլոգիաների ոլորտի սկսնակ ձեռներեցներին հնարավորություն տրվեց անցնել ընդգրկուն երկու ամսվա ինտենսիվ խորհրդատվություն: Մարտի վերջին տեղի ունեցան ինտենսիվ կուրսեր, որի ընթացքում թիմերը խորհրդատուների և փորձագետների հետ աշխատեցին իրենց գաղափարները զարգացելու և առաջ տանելու ուղղությամբ»,- նշեց Վարդանյանը:

Ծրագիրը մեծ հետաքրքրություն և արձագանք է առաջացրել նաև Թուրքիայում, ինչի մասին ավելի մանրամասն պատմեց ՏԵՊԱՎ-ի ներկայացուցիչ Ջանսու Սարաջը: Իր խոսքում նա նաև կենտրոնացավ երկու հասարակությունների հարաբերությունների կարգավորման վրա՝ ընդգծելով, որ բիզնես կապերի հաստատումը և ամրապնդումը կարող է օգնել երկու պետությունների հարաբերությունների կարգավորման գործընթացին: «Մենք հավատում ենք, որ բիզնես կապերի ամրապնդումը կարող է կարևոր նշանակություն ունենալ երկու երկրների հրաբերությունների կարգավորման հարցում: Ծրագրի ավարտին մենք տեսնում ենք, որ հաջողություն ունեցանք», - նշեց Սարաջը:

Նրա խոսքով, ծրագիրը թույլ տվեց մոտեցնել և ավելի ճանաչելի դարձնել Հայաստանի և Թուրքիայի տեղեկատվական տեխնոլոգիաների ոլորտները: «Հիշում եմ Թուրքիայում քննարկումներից մեկի ժամանակ մեր ներդրողներից մեկը նշեց, որ տեղյակ չէր, որ Հայաստանում գոյություն ունեն երիտասարդ ձեռներեցներ և լավ գաղափարներ», - հիշեց բանախոսը: Նա հավելեց, որ ի սկզբանե սա դիտարկում էր որպես փորձնական ծրագիր, բայց այժմ այն զարգացել է և դարձել գործընթաց: «Կարծում ենք, որ ապագայում կընդարձակենք այն, հրեշտակ ներդրողներ կներգրավենք և ցանցեր կձևավորենք», - տեղեկացրեց Սարաջը:

Թիմերի նախագծերը և գաղափարները գնահատող ժյուրիի անդամ Էմրե Օզբեկը նկատեց, որ ներկայացված գաղափարներն ակտուալ են, քանի որ ուղղված են կարևոր խնդիրների լուծման: «Այդ գաղափարները կարևոր են նաև այն առումով, որ թիմերը ցանկանում են լուծել դրանց միջոցով ոչ միայն ուրիշի, այլ իրենց խնդիրները: Թիմերն իրենք են առնչվում այդ խնդիրների հետ և ցանկանում են դրանք լուծել, ինչը կարևոր է», - նշեց Օզբեկը՝ հավելելով ևս մեկ կարևոր հանգամանք, որ վերպատրաստման և խորհրդատվական աշխատանքի արդյունքում թիմերի գաղափարները շատ ավելի բարելավվել են:

Բանախոսների կածիքով ծրագիրը նախ հնարավորություն է երկու երկրների տեղեկատվական տեխնոլոգիաների ոլորտների ներկայացուցիչների համար ճանաչել միմյանց և հանարավորության դեպքում ձևավորել համատեղ աշխատանքային միջավայր:

«Մենք չգիտեիք, թե որքան է Հայաստանը կամ Թուրքիան հեռու սիլիկոնյան հովտից: Այս այցելությունները հնարավորություն էին ճանաչել և բացահայտել միմյանց կարողությունները: Ափսոս կլինի այս ամենը թողնել ճանաչողական մակարդակի վրա և չշարունակել, չխորացնել այն: Տեսնելով Թուրքիայում ՏՏ ոլորտի ներուժը և ուսումնասիրելով Հայաստանի նույն որոլտը՝ ներքին համոզվածություն ունեմ, որ մենք կարող ենք ստեղծել Արարատյան հովիտը և հպարտանալ դրանով», - նշեց ՀԼԱ նախագահՍեդա Մուրադյանը:

Միջոցառման ավարտին տեղի ունեցավ մրցանակաբաշխություն և հայտնի դարձավ «Տեխնոլոգիաներ առանց սահմանների» նախագծի հաղթողը՝ Evreka: Գաղափարն իրագործելու համար թիմին տրամադրվեց ֆինանսական աջակցություն չորս հազար եվրոյի չափով: Լավագույն ներկայացում անվանակարգում խրախուսական պարգև ստացավ Paqqy-ին, ամենաիրատեսելի գաղափարը Home Planning-ին էր, իսկ լավագույն տեխնոլոգիական լուծումն առաջարկել էր կրկին Evreka-ն:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ