Մենք Գերակա շահի պատանդներ ենք. բնակիչներ
04.03.2015
11:00
Գործարար Սամվել Մայրապետյանին պատկանող Local Developers ընկերության և Երևանի կենտրոնի Տերյան 23, 25 և Լալայանց 37 շենքերի բնակիչների միջև սեփականության իրավունքի շուրջ պայքարը մտնում է «վճռորոշ փուլ»: Local Developers ընկերությունը, որը 2007 թ-ից հանդիսանում է այդ շենքերի կառուցապատողը դիմել է դատարան՝ բնակիչներին իրենց պատկանող բնկարաններից հանելու համար: Բնակիչները չեն պատրաստվում տեղի տալ և հայտարարում են, որ սկսելու են «ավելի ակտիվ պայքարել» իրենց սեփականության համար:

Այս մասին «Մեդիա Կենտրոնում» մարտի 4-ին կայացած «Իրավական խախտումների խնդիրը բացառիկ գերակա շահի ոլորտում» թեմայով ասուլիսի ժամանակ հայտարարեցին Տերյան 23, 25 և Լալայանց 37 շենքերի բնակիչներ՝ ներկայացնելով նշված հասցեների հետ կապված վերջին զարգացումները: Ասուլիսին մասնակցում էին «Մեր քաղաքը» նախաձեռնության անդամ, բնակիչ Վարդան Գերավետյանը, «Պետական կարիքների զոհեր» ՀԿ-ի ղեկավար Սեդրակ Բաղդասարյանը, գեղանկարիչ, բնակիչ Վարդան Գաբրիելյանը և մանկավարժ, բնակիչ Ֆլորա Ուդումյանը:

Վարդան Գաբրիելյանի խոսքերով՝ բնակիչները հիմա գտնվում են պայքարի նոր փուլում: «Նշված հասցեների 22 բնակարանի տերերը պայքարում են, ոչ մեկ չի ուզում ու չի պատրաստվում լքել իր բնակարանը: Մենք ակտիվացնելու ենք առաջիկայում մեր գործողությունները: Իսկ հենց վաղը՝ մարտի 5-ին, Հյուսիսային պողոտայի հարևանությամբ անցկացնելու ենք բացօթյա հանդիպում լրագրողների հետ, որպեսզի նրանք տեղում ծանոթանան իրավիճակին: Մենք պաշտպանվելու ենք և չենք գնալու զիջումների», - տեղեկացրեց «Մեր քաղաքը» նախաձեռնության անդամը:

Գերավետյանը, անդրադառնալով կառուցապատողի հայտարարությանը, թե բնակիչներին առաջարկվում է որպես փոխհատուցում բնակարաններ նորակառույց շենքում, տեղեկացրեց, որ առաջարկվող թե՛ դրամական հատուցումը թե՛ բնակարանները իրենց չեն բավարարում:

«Նախ մեզ հանում են մեր պապական տներից, Երևանի կենտրոնից ու առաջարկում են 1 մետր քառակուսու համար մոտ 800 դոլար, ինչն ընդհանրապաես չի կարելի համարել համարժեք փոխհատուցում: Ինչ վերաբերում է առաջարկվող բանակարաններին նորակառույցում, ապա այն անգամ համեմատության եզրեր չի կարող ունենալ մեր շենքերի հետ: Առաջարկվող նորակառույցում առաստաղի բարձրությունը 2.70 մետր է՝ առանց հարդարման՝ իսկ առաստաղի և հատակի հարդարումից հետո բարձրությունը կկազմի 2.60: Այն դեպքում, երբ մեր բնակարանների բարձրությունը 3.30 է», - նշեց Գերավետյանը՝ հավելելով, որ բնակիչներին անգամ չեն տեղեկացնում, թե իրենց շենքերի տեղը ինչ է կառուցվելու:   

Տերյան 25 շենքի բնակիչ, մակավարժ Ֆլորա Ուդումյանն էլ տեղեկացրեց, որ ստացել է նամակ ԴԱՀԿ-ից՝ իր բնակարանը հօգուտ ուրիշին օտարելու մասին: «Մեզ գալիս են նամակներ հարկադիր մարմնից, որ դիմել են դատարան, որ մեր սեփականությունը` մեր բնակարանը, օտարեն հօգուտ նրա: Այդ գերակա շահ ասվածը չարիք է մեզ համար: Փոխհատուցումը ծիծաղելի է, այն անգամ վիրավորում է քո անձը: Քո երկրում քո բնակարանը ձեռքիցդ խլում են», - նշեց նա՝ հավելելով, որ բնակիչնեը հայտնվել են անելանելի վիճակում և դարձել են «իրավիճակի պատանդը»:

Վերոնշյալ հասցեներում բնակվող մոտ 30 ընտանիք ութ տարվա մեջ առանձին բանակցությունների արդյունքում, ըստ Տերյան 25 շենքի բնակիչ, գեղանկարիչ Վարդան Գաբրիելյանի, տեղի են տվել և համաձայնվել առաջարկվող փոխհատուցմանը: Սակայն 22 բնակիչ շարունակում է պայքարել:

Միաժամանակ գեղանկարիչը տեղեկացրեց, որ բնակիչներ շուտով նամակով կդիմեն նաև ԱԺ խմբակցություններին: «Այդ կերպ մենք ցանկանում ենք

զգուշացնել և հրավիրել պատգամավորների ուշադրությունն այն հանգամանքի վրա, որ քաղաքի կենտրոնը վտանգված է: Այստեղ կա մոտ 2000-2500 շենք, որոնք գտնվում են շահեկան դիրքում: Մի քանի տարի անց հնարավոր է՝ դրանք էլ ճանաչեն հանրային գերակա շահ ու որոշեն քանդել», - տեղեկացրեց գեղանկարիչը:

Հայաստանում 2007 թվականին ընդունվեց բացառիկ գերակա հանրային շահի մասին օրենքը: Ըստ օրենքի` տարածքը կարող է հանրային գերակա շահ համարվել 7 տարի ժամկետով:

2007 թվականից նշված հասցեների շենքերը, նշում է Սեդրակ Բաղդասարյանը, ճանաչվել են հանրային գերակա շահ: «Սակայն առ այսօր դրանք չեն իրացվել: Կառուցապատողն անցած ութ տարիների ընթացքում իր պարտավորությունները չի կատարել: Չնայած դրան՝ արդեն երեք անգամ կառավարությունը նրան շնորհում է այդ տարածքն իրացնելու իրավունք», - նշեց «Պետական կարիքների զոհեր» ՀԿ-ի ղեկավար Սեդրակ Բաղդասարյանը:

Միևնույն ժամանակ նա հավելեց, որ այժմ պետության կողմից բացառիկ գերակա հանրային շահի իրացման պատճառով 450 քաղաքացի հայտնվել է «խայտառակ վիճակում»: «ՀՀ օրենքները գրվում են, և դրանք խախտվում են ոչ թե հասարակ քաղաքացիները, այլ հենց պետությունը: Պետությունը հետամուտ չի լինում պաշտպանելու քաղաքացիների իրավունքները», - պարզաբանեց Բաղդասարյանը:

Բնակիչները ասուլիսի ժամանակ հանդես եկան նաև կառուցապատողին ուղղված առաջարկությամբ: «Ցանկանում եմ, որ երկկողմանի բանակցություններ սկսվեն: Հնարավոր է իրենց նախագծերը իրականացնել՝ առանց մեր շենքերը քանդելու: Մենք կարող ենք գտնել համապատասխան ճարտարապետ, ով կգծի ցանկացած նախագիծն առանց մեր շենքերը քանդելու», - առաջարկեց բնակիչներից Վարդան Գաբրիելյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ