«Ուկրաինան պատրաստ է խաղաղության Մինսկի համաձայնագրերի հիման վրա»
02.02.2015
12:00
Ռազմական գործողությունները Ուկրաինայում կարող են դադարել, եթե կողմերից մեկը՝ տվյալ դեպքում Լուգանսկի և Դոնեցկի «այպես կոչված ժողովրդական հանրապետությունների» (ԼԺՀ և ԴԺՀ) զինված խմբավորումները կատարեն Մինսկի համաձայնագրի պայմանները:

Այս մասին «Մեդիա կենտրոնի» նախաձեռնությամբ փետրվարի 2-ին կազմակերպած մամլո ասուլիսի ժամանակ հայտարարեց Հայաստանում Ուկրաինայի դեսպան Իվան Կուխտան:

Վերջին օրերին Ուկրաինայի հարավ-արևելքում վերսկսված մարտական գործողությունները դարձել են նոր մարդկային կորուստների պատճառ, ինչպես խաղաղ բնակչության, այնպես էլ զիվորականների շրջանում: Կողմերը մեղադրում են միմյանց մարտական գործողություններ սանձազերծելու մեջ: Անարդյունք է անցել հուվարի 31-ին Մինսկում կայացած կոնտակտային խմբի  հանդիպումը:

Պաշտոնական Կիևը ներկայացնող Ուկրաինայի նախկին նախագահ Լեոնիդ Կուչման մեղադրել է ինքնահռչակված Լուգանսկի և Դոնեցկի ժողովրդական հանրապետությունների ներկայացուցիչների բանակցությունները Մինսկում տապալելու համար: Վերջիններս էլ իրենց հերթին մեղադրում են ուկրաինական իշխանություններին իրավիճակը տարածաշրջանում սրելու և սեփական զորքը վերահսկելու անզորության մեջ:

Լուգանսկում և Դոնեցկում Ուկրաինայի դեսպանի կարծիքով բարդ իրավիճակ է ստեղծվել: Այդ ռեգիոններում վերջին օրերում տեղի ունեցած ողբերգական իրադարձությունները, որոնց արդյունքում զոհվեցին բազմաթիվ խաղաղ բնակիչներ, դեսպանը գնահատեց, որպես «ԼԺՀ և ԴԺՀ զինված խմբավորումների կողմից իրականացված ահաբեկչություն»: «Կատարվածի ամբողջ պատասխանատվությունն ընկնում է այդ զինված խմբավորումների վրա: Զոհվել են խաղաղ բնակիչներ, որոնք որևէ կապ չունեին ռազմական գործողությունների հետ», - հայտարարեց Կուխտան:

Նա տեղեկացրեց, որ կատարվածի առթիվ Հայաստանում Ուկրաինայի դեսպանատուն են այցելել և ցավակցությունների գրքում գրառում թողել ՀՀ իշխանությունների, արտաքին գործերի նախարարության և քաղաքացիական հասարակության ներկայցուցիչներ: 

Ուկրաինայի հարավ-արևելքում ծավալվող կոնֆլիկտում, դեսպանի պնդմամբ, առկա է երեք կողմ: «Այս կոնֆլիկտում երեք կողմ կա. առաջինը Լուգանսկի, Դոնեցկի անօրինական զինված ուժերն են, մյուսը Ուկրաինայի կոմպետենտ մարմիններն են՝ Ոստիկանություն, զինված ուժեր, և երրորդ կողմը Ռուսաստանի Դաշնությունն է», - նշեց նա՝ հավելելով, որ զինված գործողությունները Ուկրաինայի հարավ-արևելքում կդադարեն այն ժամանակ, երբ կոնֆլիկտի կողմերից մեկը՝ Լուգանսկի, Դոնեցկի «անօրինական զինված ուժերը», կատարեն անցած տարի սեպտեմբերին Մինսկում կնքած համաձայնագրերը:  

Հարցին, արդյոք Մինսկում կնքած համաձայնագրերը դեռ մնում են ակտուալ և հանդիսանում են կոնֆլիկտի լուծման ճանապարհ, դեսպանի պատասխանը դրական էր:

«Դրանք ընդունված են միջազգային հանրության կողմից: Այդ համաձայնագրերը հրավիրում են ողջ միջազգային հանրության ուշադրությունը: Եթե բոլոր կողմերից այդ պայմանները ի կատար ածվեն, իհարկե, խաղաղություն կհաստատվի, և պատերազմը կավարտվի», - հավաստեց դիվանագետը:

Նա տեղեկացրեց, որ Դոնեցկում և Լուգանսկում հումանիտար իրավիճակը բարդ է, քանի որ գնում են ռազմական գործողություններ:

«Տարածաշրջանում ռազմական գործողություններ են ընթանում: Նորմալ կենսակերպը խախտված է: Ուկրաինայի կողմից արվում է ամեն ինչ տեղում մարդկանց կենսագործունեությունը ապահովելու համար: Տրամադրվում է հոսանք, ջերմություն, կապ, նպաստներ և թոշակ: Սակայն գրոհայինների վերահսկողության տակ գտնվող տարածքներում սոցիալական վճարները չեն կարող տրամադրվել, քանի որ շատ բանկեր չեն գործում և այնտեղ մտնող գումարները չեն վերահսկվում», - ասաց Կուխտան:

Ասուլիսի ավարտին դեսպանը նշեց, որ Ուկրաինան կողմնակից է Մինսկի համաձայնագրերի հիման վրա տարածաշրջանում խաղաղության հաստատմանը և պատրաստ է քննարկել Դոնեցկում և Լուգանսկում իշխանության ապակենտրոնացման հարցը: 

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ