Լեռնային Ղարաբաղում անցկացվեցին ազատ և թափանցիկ ընտրություններ. ԱՄՆ դիտորդներ
06.05.2015
10:30
ԱՄՆ-ից ժամանած դիտորդները տպավորված են Լեռնային Ղարաբաղում մայիսի 3-ին կայացած խորհրդարանական ընտրությունների կազմակերպման պրոֆեսիոնալիզմով և թափանցիկությամբ: Ընտրություններն անցկացվեցին թափանցիկ, մրցակցային, արդար և միջազգային չափանիշներին համապատասխան: Այդ մասին հայտարարեցին ԱՄՆ-ից ժամանած և Ղարաբաղում ամբողջ ընտրական գործաընթացին հետևած դիտորդական առաքելության ներկայացուցիչները:

Ըստ Լեռնային Ղարաբաղի Կենտրոնական ընտրական հանձնաժողովի նախնական տվյալների՝ մայիսի 3-ին կայացած քվեարկության արդյունքում խորհրդարան են անցել ընտրությունների մասնակից յոթ կուսակցություններից հինգը: Ընտրություններն, ըստ նույն այդ տվյալների, մասնակցային են եղել, քանի որ քվեարկությանը մասնակցել է ընտրողների 71 տոկոսը: Ձայների գերակշիռ մասը (47,35 տոկոս) ստացել է Ղարաբաղի վարչապետի ղեկավարած «Ազատ Հայրենիք» կուսակցությունը: Նրան հաջորդում է «Արցախի Դեմոկրատական կուսակցությունը»՝ 13105 ձայնով (19,1%): «Դաշնակցության» օգտին քվերակել է 12965 (18,81%) ընտրող, «Շարժում-88»-ի օգտին՝ 4777 (6,93%) և  «Ազգային վերածնունդ» կուսակցության օգտին՝ 3709 (5,38%):

«Ընտրությունները շատ մասնակցային էին: Մենք տպավորված ենք կազմակերպիչների պրոֆեսիոնալիզմով: Մասնակցության բարձր ցուցանիշը խոսում է ընտրողների լայն ներգրավվածության մասին», - հայտարարեց ԱՄՆ Կալիֆորնիայի Բերկլիի  համալսարանի Ընտրությունների կառավարման հետազոտության կենտրոնի տնօրեն, դիտորդական առաքելության ղեկավար Քերին Մաք Դոնալդը:

Ղարաբաղում կայացած խորհրդարանական ընտրությունների վերաբերյալ «Մեդիա կենտրոնում» մայիսի 6-ին գնահատականներ հնչեցրեցին Քերին Մաք Դոնալդը, ԱՄՆ Կալիֆորնիայի Սանտա Կրուզ շրջանային վարչակազմի աշխատակից Գեյլ Լ. Պելերինը և ԱՄՆ Դևիսի համալսարանի մարդու իրավունքների նախաձեռնություն Քրիսթեն Աբաջյանը: Միացյալ Նահանգներից ժամանած դիտորդական առաքելությունը հետևել է ընտրությունների ընթացքին Ղարաբաղի 6 շրջանների 16 ընտրատեղամասերում: Նրանք ներկա են գտնվել նաև ընտրատեղամասերի բացմանը և փակմանը:

Քերին Մաք Դոնալդը համեմատական անցկացրեց 2012 թ.-ին Ղարաբաղի նախագահական ընտրությունների հետ, որի ժամանակ ևս դիտորդական առաքելություն էր իրականացրել՝ նշելով, որ երեք տարի անց առաջընթացը ընտրական գործընթացի կազմակերպման հարցում տեսանելի է: «Ղարաբաղի իշխանությունները, Կենտրոնական ընտրական հանձնաժողովը բաց են քննարկումների և առաջարկությունների համար: Նրանք ընդունում և կյանքի են կոչում միջազգային դիտորդների առաջարկությունները ընտրական գործընթացի բարելավման ուղղությամբ», - ասաց դիտորդական առաքելության ղեկավարը:

Ընտրությունները Լեռնային Ղարաբաղում շատ համակարգված էին և ակտիվ, նշեց Գեյլ Լ. Պելերինը, ով ընտրական գործընթացները ղեկավարելու 22 տարվա փորձառություն ունի: «Ընտրությունները համապատասխանում էին ժողովրդավարական չափանիշներին: Մասնավորապես այնպիսին էին, ինչպիսիք անցկացվում են մեզ մոտ՝ Սանտա Կրուզում: ԱՄՆ վերադառնալուց հետո խնդրելու եմ Սանտա Կրուզի ղեկավարությանը աջակցել Ղարաբաղի շարունակական ջանքերին կայանալ որպես ազատ և ժողովարդավարական պետություն», - խոստացավ դիտորդը:

Քրիսթեն Աբաջյանն իր հեթին անդրադարձավ Շուշիի բանտում ընտրական գործընթացի կազմակերպմանը: «Հետևելով բանտում քվերակության գործընթացի կազմակերպվածությանը՝ կարող եմ նշել, որ Ղարաբաղի իշխանությունները ստեղծել էին բոլոր անհրաժեշտ պայմաններն ընտրություններում մարդկանց լիակատար ներգրավվածությունն ապահովելու համար», - նշեց բանախոսը՝ հավելելով, որ դիտորդական խումբը ներկայացրել է որոշակի տեխնիկական խորհուրդներ, որոնք կիրառելու դեպքում ընտրությունների ժամանակ կապահովվի ավելի մեծ մասնակցություն հասարակության բոլոր խմբերից:

Հարցին, թե արդար անցկացված ընտրությունները նպաստում են Լեռնային Ղարաբաղի միջազգային ճանաչմանը, Գեյլ Լ. Պելերինը պատասխանեց, որ ընտրությունների կազմակերպման որակը ազդում է ԼՂ միջազգային ճանաչման գործընթացին: «Այս առումով ինչքան շատ Լեռնային Ղարաբաղի անկախությունը ճանաչող բանաձևեր ընդունվեն ԱՄՆ-ի առանձին նահանգների կողմից, այնքան հավանական կդառնա Վաշինգտոնի պաշտոնական դիրքորոշման փոփոխությունն այս հարցում»,- եզրափակեց Պելերինը:      

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ