Իրավաչա՞փ է ոստիկանապետի հրամանը, թե՞ ոչ
06.05.2015
12:00
Ոստիկանության ձերբակալված անձանց պահման վայրերում (ՁՊՎ) հասարակական դիտորդական խմբի անդամները դիմել են ՀՀ Վարչական դատարան՝ վիճարկելու ոստիկանապետի 2005 թ. հրամանը, ըստ որի դիտորդական խմբում չի կարող ընդգրկվել փաստաբան:

Այսօր «Մեդիա կենտրոնում» տեղի ունեցած քննարկման ժամանակ ՀՀ Ոստիկանության ձերբակալված անձանց պահման վայրերում հասարակական դիտորդական խմբի նախագահ Հասմիկ Սահակյանը, փաստաբան, հայցվոր Արթուր Հարությունյանը և ՀՀ Ոստիկանության հերթապահ ծառայության վարչության պետ Վահրամ Աբրահամյանն անդրադարձան այդ իրավական նորմատիվ ակտին՝ քննարկելով թե որքանով է այն իրավաչափ, որքանով ոչ:

Ոստիկանապետի հրամանի համաձայն,   Արթուր Հարությունյանը 2015-ի փետրվարին, որպես փաստաբան, զրկվել է  դիտորդական խմբի անդամ լինելուց:

Դիորդական խմբի նախագահ Հասմիկ Սահակյանը պնդում է, որ այս որոշումը խոչընդոտում է խմբի աշխատանքները:

«Մենք արդեն տասը տարի է, աշխատում ենք այդ ներքին կանոնակարգով, որը սահմանվել է ոստիկանապետի հրամանի 9-րդ կարգի ե) ենթակետով: Մի քանի անգամ դիմել ենք նույնիսկ ոստիկանությանը, որպեսզի այդ կարգում կատարվեն փոփոխություններ և այդ ենթակետը չեղյալ համարվի, սակայն արդյունքում ստացել ենք այնպիսի տարբերակ, որով ավելի է խոչընդոտվել դիտորդական խմբի աշխատանքը: Քանի որ ոստիկանության կողմից քայլեր չեն ձեռնարկվում կարգում փոփոխություններ մտցնելու համար, մենք դիմել ենք վարչական դատարան հարցին լուծում տալու համար»,-ասում է Սահակյանը:

Արթուր Հարությունյանը նշում է, որ նորմատիվ իրավական ակտով խտրականություն է դրսևորվում այն քաղաքացիների նկատմամբ, ովքեր փաստաբան են և ցանկություն ունեն են ընդգրկվելու դիտորդական խմբում:

«Խումբը նախկինում ունեցել է անդամներ, ովքեր գործունեության ընթացքում ձեռք են բերել փաստաբանի արտոնագիր, ու նկատի ունենալով կարգը, դուրս են եկել խմբից: Ես այն մարդն էի, որ դրա հետ չհամակերպվեցի և փորձեցի վիճարկել վարչական դատարանում»,-նշեց Հարությունյանը:

Նա դիտորդական խմբում աշխատել է 2012-ի նոյեմբերից մինչև 2015 -ի փետրվարը: 2014-ի դեկտեմբերին փաստաբանի արտոնագիրը ստանալուց հետո, ոստիկանապետի հրամանով դադարեցրել են Հարությունյանի գործունեությունը դիտորդական խմբում:

«Ես շատ լավ գիտեի նորմատիվ ակտի մասին, բայց  փաստաբանի արտոնագիրը ստանալուց հետո մի քանի այցելություն եմ կատարել ՁՊՎ-ներ և փորձել եմ վիճարկել այդ նորմը: Սա ռազմավարական գործ է մեր խմբի համար, և վարչական դատարանում մենք կվիճարկենք այդ նորմի իրավաչափությունը»,-հավելում է Հարությունյանը:

Վահրամ Աբրահամյանը հակադարձում է՝ նախ նշելով, որ Ոստիկանության կողմից ոչ մի խոչընդոտ չկա դիտորդական խմբի գործունեության համար և իրենց համատեղ աշատանքի ընթացքում բավականին փոփոխություններ են գրանցվել:

«Ինչ վերաբերում է Ոստիկանության պետի հրամանին, որը իրավական նորմատիվ ակտ է, հրատարակվել է «Ձերբակալված և կալանավորված անձանց մասին» օրենքի 47-րդ հովածի համաձայն, որտեղ հստակ նշվում է, որ դիտորդական խմբի գործունեությունն ու կազմը որոշվում է պետական լիազոր մարմնի կողմից: Մեր կողմից  մշակվել է նորմատիվ իրավական ակտը, փորձաքննության է անցել Արդարադատության նախարարությունում: Այն բխում է օրենքի պահանջներից և պարտադիր է բոլորի համար: Ոստիկանությունը գործել է օրենքի պահանջով և այդ ակտը ոչ մի խոչընդոտ չի հարուցում դիտորդական խմբի գործունեության համար»,-ընդգծում է Աբրահամյանը:

Իրավական ակտի համաձայն, դիտորդական խմբում կարող են ընդգրկվել իրավաբաններ, բժիշկներ, մանկավարժներ, բայց ոչ փաստաբաններ: Ըստ Աբրահամյանի՝ լայն հնարավորություններ են ընձեռվում դիտորդական խմբի իրավաբաններին, իսկ փաստաբանների դեպքում ոստիկանությունը ունի որոշ մտավախություններ:

 «Փաստաբանները առնչություն են ունենում տարբեր քրեական գործերի հետ և կարող է որոշակի տեղեկատվության արտահոսք կատարվի: Ձերբակալված անձը կարող է դիտորդական խմբի փաստաբանին որոշակի տեղեկատվություն փոխանցի և նա այդ տեղեկատվությունը ներկայացնի մեկ այլ ձերբակալված անձի, որպեսզի հանացագործության մասին որոշ դրույթներ և փաստեր քողարկվի: Իսկ ՁՊՎ-ները այն վայրերն են, որտեղ դեռևս անձին մեղադրանք առաջադրված չէ և ինֆորմացիայի որոշակի արտահոսքի  դեպքում կարող է անձի կողմից կատարված հանցագործությունը հնարավոր չլինի պարզել»,-ներկայացնում է Աբրահամյանը:

Հայրապետյանը ասում է, որ իր փաստաբան լինելու հանգամանքը չպետք է սահմանափակի հասարակական կազմակերպությունում ընգրկվելու իր իրավունքը և օրինակ է բերում քրեակատարողական հիմնարկներում դիտորդական խմբի կարգի ու գործունեությամ մասով, որտեղ փաստաբանը իրավունք ունի անդամագրվելու:

«Խմբի կանոնակարգից բացի մենք ունենք հստակ էթիկայի կանոններ, թե խմբի անդամը ինչ վարքագիծ պետք է դրևորի: Մենք ունենք նաև փաստաբանի վարքագծի կանոնագիրք և դրա խախտման դեպքում փաստաբանը գիտի, թե ինչ հետևանքներ կարող է առաջանալ: Ձերբակալվածի փաստացի վիճակը ստուգելուց  բացի, ուրիշ մտահոգվելու հարց չկա: Հակառակ դեպքում եթե ոստիկանության մտահոգության տրամաբանությամբ շարժվենք, ապա  իրավաբանն էլ, դիտորդական խմբի ցանկացած անդամն էլ կարող  է նման տեղեկատվություն վերցնել ձերբակալված անձից և տարածել: Այդ նույն տրամաբանությամբ հրամանը բոլոր անդամների վրա կարող է տարածվել»,-նշում է փաստաբանը:

Աբրահամյանը պնդում է, որ փաստաբանը այն անձն է, որն ունի արտոնագիր և պաշտպանում է անձանց շահերը դատարանում: Փաստաբանի առկայությունը դիտորդական խմբում այս առումով կարող է շահագրգռվածություն բերել, ըստ նրա:

«Իրավական ակտի փոփոխման անհրաժեշտությունը մենք չենք տեսնում, քանի որ դիտորդական խմբում կարող  են իրավաբանի ընդգրկել: Բայց եթե դատարանը որոշի, որ պետք է ակտը փոփոխել ու չեղյալ համարի այս ենթակետը, ապա մենք դատարանի որոշմամբ կկատրենք օրենքի պահանջը»,-հավելեց Աբրահամյանը:

Ասուլիսի ամբողջական տեսագրությունը՝ այստեղ:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ