Օֆշորային սկանդալի կոռուպցիոն հետագիծը. կլինե՞ն արդյոք իրավական հետեւանքներ
13.05.2016
14:00
«Չեմ հավատում, որ ազնիվ կապիտալ կա Հայաստանում, և եթե սկսենք դա փնտրել, բոլորին պետք է նստացնենք: Եկեք ներենք մարդկանց, թող այդ գումարը գա Հայաստան: Մենք այն վիճակում չենք, որ դա որպես խիստ հարց բարձրացնենք ու պատժենք».- «Օֆշորային սկանդալի կոռուպցիոն հետագիծը. կլինեն արդյոք իրավական հետեւանքներ» թեմայով Մեդիա կենտրոնում կազմակերպված քննարկման ընթացքում հայտարարեց փաստաբան Տիգրան Աթանեսյանը:

Բանախոսի պարզաբանմամբ` «Վատ է փողի համար այստեղ, և այն տանում են օֆշոր: Դրա համար պետք է հայտարարել կապիտալների ամնիստիա:  Թող չբացատրեն՝ որտեղից է: 800 միլիոն դոլար են վերագրում Միհրան Պողոսյանին, պատկերացրեք՝ ինչքան լավ կլիներ, որ նա հանգիստ զբաղվեր բիզնեսով և այդ  800 միլիոնը լիներ Հայաստանում»:  «Մեդիա կենտրոնի» հարցին, թե արդյո՞ք մինչ այդ  պետք չէ պարզել, թե որքանով են օրինական այդ գումարները` բանախոսը պատասխանեց. «Մենք հասկանում ենք, որ մեծ կապիտալն առանց պետական հովանավորչության Հայաստանում չի դիմանա: Միգուցե այդ պատճառո՞վ է, որ այդ մարդիկ ստիպված պետական ապարատ են գնում, որպեսզի պահեն այն կապիտալը, որն ունեն: Այ խնդիր հենց սրա մեջ է»:

Այն, որ ներդրումները բիզնեսում ապահովագրված չեն Հայաստանում, ընդգծեց նաեւ քննարկմանը մասնակցող ԱԺ ԲՀԿ խմբակցության պատգամավոր Միքայել Մելքումյանը. «Կարծում եմ, քավության նոխազներ դարձնելը, ինչ -որ հարձակումներ անելը, փոքր հրդեհներ հանգցնելը կարող է «PR» ինչ -որ դրսեւորումներ լինեն: Բայց ընդհանուր էֆեկտի համար լայն քայլեր են պետք, պետք է ամբողջ հունով  փոփոխվի կառավարման համակարգը: Սակայն մեկ բան է ասելը, մեկ բան է անելը»։

Քննարկման մյուս բանախոսը`  «Թրանսփարենսի ինթերնեյշնլ» հակակոռուպցիոն կենտրոնի իրավախորհրդատու Հերիքնազ Տիգրանյանն էլ նշեց, որ ակնկալիքներ չունի իրավական հետևանքների առումով: «Նման շեշտադրում չենք անում, այստեղ կարևորը պատժի անխուսափելիության մթնոլորտի ձևավորումն է, որ յուրաքանչյուր ոք հասկանա՝ ինքն անպատիժ չի մնա: Իսկ թե ինչպե՞ս՝ տուգանքո՞վ, թե՞ քրեական պատասխանատվությամբ, էական չէ: Կարևորում եմ նման արարքի դեպքում հետագա պաշտոնավարման արգելքը»,- ընդգծեց բանախոսը:

Նա նաեւ նկատեց, որ առայժմ տեսնում ենք հակառակ պատկերը. «Հովիկ Աբրահամյանը Միհրան Պողոսյանին հրաժարականից հետո շնորհակալություն հայտնեց և որևէ կերպ չանդրադարձավ օֆշորային սկանդալին: Միգուցե նա իսկապես շատ լավ ղեկավարում էր ծառայությունը, երևի, դրա համար որպես կառավարիչ անդրադարձավ Հովիկ Աբրահամյանը: Բայց հանրությունը սպասում էր հորդորին՝ ուղղված մյուս բարձրաստիճան պաշտոնյաներին` ձեռնպահ մնալ նման բիզնես գործունեությունից ու կոռուպցիոն սկանդալից, որովհետև դրանով անվանարկում եք պետությունը: Մենք, սակայն,  որևէ դատապարտում չլսեցինք»:

Քննարկման մասնակիցները անդրադարձան նաեւ վարչապետ Հովիկ Աբրահամյանի` նախօրեին կառավարության նիստի մեկնարկից առաջ արած հայտարարությանը` կոռուպցիայի դեմ պայքարի մասին: Աժ ԲՀԿ խմբակցության պատգամավոր, Կառավարությանը կից Կոռուպցիայի դեմ պայքարի խորհրդի անդամ Միքայել Մելքումյանը նախ նշեց, որ Կոռուպցիայի դեմ պայքարի խորհուրդը, որը ձեւավորվել է 2015թ. փետրվարի 19-ին, մինչ օրս ընդամենը մեկ նիստ է գումարել, ապա նկատեց. «Վարչապետը խոսում է մենաշնորհների դեմ պայքարի մասին, բայց պետք է ասվի, թե մինչև հիմա ինչ վնաս է հասցվել պետությանը և ինչպես է  պետքք փոխել իրավիճակը: Խոսքը բնական մենաշնորհների մասին չէ, այլ մենաշնորհների: Պետք է նշվեն մենաշնորհների հասցեները: Կան ապրանքային շուկաներ, որտեղ  գերիշխում են մի քանի սուբյեկտներ: Բացի այդ, պետք է  հստակ ժամանակահատված սահմանվի, օրինակ` հուլիսի այս օրը պետք է լուծվի 3-4 մենաշնորհի հարց: Կառավարությունը պարզ լեզվով պետք է խոսի` որն է խնդիրը, որ այս շուկաներում մի քանի սուբյեկտ չի մնում: Ինչ է, խելքը կա, շնորքը չկա՞: Այս պահին կառավարությունը բարեփոխիչ չէ»,- եզրափակեց Աժ պատգամավորը:

Իսկ քննարկմանը մասնակցող ՀՀ Արդարադատության նախարարի տեղակալ Սուրեն Քրմոյանն էլ  հորդորեց բացասականից զատ, տեսնել նաեւ դրականը: Եվ որպես այդպիսին` ներկայացրեց. «Մշակվել է օրինագիծ, համաձայն որի բարձրաստիճան պաշտոնյաների հայտարարագրերում սխալ տեղեկատվություն ներկայացնելու դեպքում սահմանավում է վարչական, ինչպես նաև քրեական հետապնդում:  Օրինագիծն արդեն ուղարկվել է Ազգային ժողով և առաջիկայում այն կքննարկեն պատգամավորները:Այս քայլը բխում է կոռուպցիայի դեմ պայքարի ռազմավարությունից: Սա արվում է ոչ թե պետական չինովնիկների կամ ՀԿ-ների համար, այլ հանրային վստահությունը պետական համակարգի նկատմամբ բարձրացնելու նպատակով».- նշեց ԱՆ փոխնախարարը` միեւնույն ժամանակ արձանագրելով, որ դա հանդիսանում էր ԵՄ պահանջ:

Արևիկ Սահակյան, «Մեդիա կենտրոն» ծրագրի համակարգող:

Հեղինակի հետ կապվելու համար գրեք  areviksahakyan@mail.ru հասցեին:

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ