Հայաստանի շուկան մնում է գրավիչ ֆրանսիացի ներդրողների համար
15.01.2015
11:00
Ֆրանսիացի ներդրողները պատրաստակամ են շարունակել իրականացնել ծրագրեր Հայաստանում ու ավելի ամրապնդել հայ-ֆրանսիական կապերը:

Ֆրանսիացի պատվիրակները Հայաստանում են գտնվում Հայ-Ֆրանսիական Առևտրաարդյունաբերական պալատի և «Փի Եմ Սի Այ» ընկերության նախաձեռնությամբ կազմակերպված ճանաչողական այցելությունների շրջանակներում:

«Ֆրանսիացի գործարարների Հայաստան այցելելու նպատակն է ճանաչելի դարձնել ֆրանսիական արդյունաբերական շուկան Հայաստանի համար:Մենք նախատեսում ենք համագործակցել մի քանի ոլորտներում` մասնավորապես գյուղմթերքի, տեղեկատվական տեխնոլոգիաների ու զբոսաշրջության բնագավառներում», - նշեց Բեռնար Հաթեմյանն այսօր «Մեդիա կենտրոնում» կայացած մամլո ասուլիսին:

Բեռնար Հաթեմյանի փոխանցմամբ` Հայ-ֆրանսիական առևտրաարդյունաբերական պալատը իրականացնում է մի քանի ծրագրեր Հայաստանում՝ վարդերի մշակում, հյուրատների ցանցի զարգացում Օձունում և Սանահինում, ինչպես նաև ձկնատեսակների մշակում Արաքս գետի հովտում: Իսկ ապագայում նախատեսում են զարգացնել ցորենի մշակումը նույն տարածքում:

Այսօր «Մեդիա կենտրոնում» տեղի ունեցած մամլո ասուլիսի բանախոսներն էին Պոլ Ռիկար ընկերության տնօրեն Ֆրանսուա Գզավիե-Դիասը, Ֆրանսիայի քաղծառայության, պետական բարեփոխումների և տարածքային կառավարման նախարարության տարածքային կառավարման և մարզային գործունեության պատվիրակության պատվավոր պրեֆե Բեռնար Կուղթուան, Հայ-ֆրանսիական առևտրաարդյունաբերական պալատի նախագահ Բեռնար Հաթեմյանը, նույն պալատի փոխնախագահ Միշել Տրիբալոն ու «Ֆրանսիական համաշխարհային առաջատար ընկերությունների» Ասոցիացիայի փոխնախագահ Մարտին Ֆումեյը: 

«Իր պատմությունից ելնելով` Հայաստանը Ռուսաստանի հետ  ունի պատմականորեն սերտ կապեր: Բայց տնտեսական և մշակութային առումով ապագան ցույց է տալիս, որ Հայաստանը պետք է ուղղորդվի դեպի Արևմուտք», - ասաց Մարտին Ֆումեյն` անդրադառնալով Հայաստանի անդամակցությանը Եվրասիական տնտեսական միությանն ու այդ անդամակցությունից բխող փոփոխություններին:

Բեռնար Կուղթուան նույնպես կարևորեց հայ-ֆրանսիական կապերի ամրապնդումը` մասնավորապես նշելով «որպեսզի կարողանանք գործել, պետք է ճանաչենք: Ֆրանսիայի համար կարևոր է, և պետք է զարկ տալ մշակութային և տնտեսական կապերի զարգացմանը Հայաստանի հետ: Հայաստանը մշակութային մեծ ներդրում ունի համաշխարհային մակարդակով: Պետք է աջակցենք այդ մշակութային կապերի զարգացմանը և փոխակերպենք այն տնտեսականի»:

Ամփոփիչ խոսքում Ֆրանսուա Գզավիե-Դիասը կոչ արեց հայ գործարարներին «ուրիշների հետ կիսվել իրենց փիլիսոփայությամբ ու արժեքներով և աշխատել, որպեսզի արտադրության մեջ լինեն լավագույնը»` հավելելով, որ «այս առումով Պեռնո Ռիկառը կարողացավ ներդրում ունենալ Հայաստանում խաղողի արտադրությունը քանակապես և որակապես բարձրացնելու համար: Սա է ճանապարհը, որպեսզի կարողանանք արտահանել որակյալ կոնյակ դեպի միջազգային շուկաներ»: 

Տեսանյութ
Print Friendly and PDF
Այլ մամլո հաղորդագրություններ
«ԱԺ արտահերթ ընտրություններ. հնարավոր զարգացումներն ու հանրության ակնկալիքները»
19.10.2018
19:00
Հոկտեմբերի 18-ին Մեդիա կենտրոնի նախաձեռնությամբ Ա1 պլյուսի տաղավարում առցնաց ուղիղ հեռարձակմամբ անցկացվեց հաղորդում «ԱԺ արտահերթ ընտրություններ. հնարավոր զարգացումներն ու հանրության ակնկալիքները» թեմայով:
«Հունան Պողոսյանի նշանակումը ստորացնում է սյունեցիներին». իրավապաշտպաններ
18.10.2018
11:00
Հոկտեմբերի 18-ին «Մեդիա կենտրոնում» տեղի ունենցավ քննարկում` «Կադրային քաղաքականությունը հետհեղափոխական Հայաստանում» թեմայով:

Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ