«Ընտանեկան բռնության կանխարգելման մասին օրենքի նախագիծը կյանքի կոչելու ակտիվ գործողություններ չկան»
23.01.2015
13:00
«Ընտանեկան բռնության կանխարգելման մասին օրենքի» նախագիծը լիովին համապատասխանում է առաջադրված պահանջներին, բայց նախագիծը կյանքի կոչելու ակտիվ գործողություններ չկան: Այսօր «Մեդիա կենտրոնում» տեղի ունեցած ասուլիսին նման կարծիք հայտնեցին կանանց հիմնախնդիրներով զբաղվող հասարակական կազմակերպությունների ներկայացուցիչները:

«Մենք առաջակում ենք, որ օրենքը փուլ առ փուլ իրագործվի, այսինքն՝ պարտադիր չէ և հնարավոր էլ չէ, որ ընդունման առաջին իսկ օրվանից այն 100 տոկոսով իրագործվի: Այստեղ կա նաև մի փոքր թյուրըմբռնման և քաղաքական թույլ կամքի հարց, և դեռևս համապետականորեն շատ լուրջ խնդիր չի դիտարկվում ընտանեկան բռնությունը, թեև ակնհայտ է՝ ինչ մեծ ծավալների է այն հասնում Հայաստանում»,-ասաց  «Հասարակություն առանց բռնության» ՀԿ-ի տնօրեն Աննա Նիկողոսյանը:

Կանանց աջակցման կենտրոնի փաստաբան Նոնա Գալստյանի դիտարկմամբ ընտանեկան բռնության ընկալումը իրավապահ համակարգի մոտ բացակայում է և շատ հաճախ ընտանեկան բռնության դեպքերը որակվում են՝ որպես հանցագործության սովորական դեպքեր:

«Եվ դատարանում, և գործի քննության ընթացքում ընտանեկան բռնության գործի առանձնահատկությունները հաշվի չեն առնվում: Այս օրինագծի հիմնական նպատակը, նախևառաջ, ընտանեկան բռնության կանխարգելումն է, և զոհերին պաշտպանություն, աջակցություն տրամադրելը»,-նշեց Գալստյանը:

Այն հարցին, թե ինչ հստակ մեխանիզմներ կան մշակված օրինագծում, որպեսզի բռնության ենթարկված կնոջը դրդի բարձրաձայնելու իր իրավունքների մասին և անկաշկանդ դիմի իրավապահ մարմիններին, Նոնա Գալստյանը պատասխանեց, որ օրինագծում ընտանեկան բռնությունը կանխարգելող հատուկ միջոցներ են նախատեսված և  սահմանափակումներ, որպեսզի բռնության ենթարկված անձը համարժեք պաշպանություն ստանա և ապահովվի նրա անվտանգությունը:

«Օրինակ՝ արգելվում է բռնության ենթարկվածի մասին տեղեկատվություն տրամադրելը, նրա գտնվելու վայրը փնտրելը, 100 մետրից ավել մոտենալը, նրա հետ հեռախոսային, կամ նամակագրական կապ հաստատելը: Պետք է լինի նաև զոհին ժամանակավոր բնակության համար ապաստանով ապահովելը: Այս բոլորը պահանջներ են, որ մենք չունենք օրենքի մակարդակով:  ՀԿ-ները սիրողական մակարդակով ապահովում են այս քայլերը»,-ընդգծեց Գալստյանը:

Ըստ բանախոսների՝ օրենքը նախատեսում է նաև իրազեկվածության մակարդակը իրավապահ մարմինների մոտ բարձրացնուն  միտված որոշակի աշխատանքներ տանել:

Ասուլիսին ներկա գտնվող «Կանանց ռեսուրսային կենտրոնի» սեռական բռնության ճգնաժամային ծառայության ծրագրերի պատասխանատու Տաթևիկ Աղաբեկյանը անդրադարձավ նաև մեկ ամիս առաջ Ազգային ժողովի պետական-իրավական հարցերի և մարդու իրավունքների պաշտպանության և հանրային հարցերի մշտական հանձնաժողովներում անցկացված քննարկումներին վերոնշյալ օրենքի նախագծի շուրջ:

«Հանձնաժողովների նախագահները պատրաստակամություն հայտնեցին համագործակցելու մեզ հետ: Իհարկե, հիմա ավելի շատ իրենցից ենք սպասում հետագա քայլեր, բայց նախնական որոշվել է, որ պետք է ստեղծվի ինչ որ աշխատանքային խումբ: Միգուցե որոշակի փոփոխություններ արժի անել օրինագծում, բայց չեմ կարծում, որ ինչ-որ սկզբունքային մասեր պետք է հանվեն օրենքի նախագծից»,-ասաց Աղաբեկյանը:

Վերջում անդրադառնալով նաև երեկ ՄԱԿ-ում տեղի ունեցած համապարփակ դիտարկման շրջանակներում Հայաստանի՝ մարդու իրավունքների մասին ազգային զեկույցի քննարկմանը, բանախոսները ընդգծեցին, որ կանանց նկատմամբ խտրականության և բռնության հարցում դրական տեղաշարժ կա:

«Երկրների մեծ մասը անդրադարձավ  իրավական ակտերի ընդունմանը Հայաստանում գենդերային և ընտանեկան բռնության կանխարգելման հարցում: Իրականում սա նշանակում է, որ միջազգային մակարդակով այս խնդիրը գիտակցվում է, որ կա Հայաստանում, և պետությունները առաջարկություններ են կատարում, որ վիճակը բարելավվի: Սա խթան պետք  է հանդիսանա կառավարության համար ու, հերթական լծակը պետք է լինի, որ ընդունվի ընտանեկան բռնության կանխարգելման մասին օրենք Հայաստանում», - հավելեց Նիկողոսյանը:

Տեսանյութ
Print Friendly and PDF
Այլ մամլո հաղորդագրություններ
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
«2019 թ. պետական բյուջեն ազնիվ, կոնսերվատիվ և իրավիճակային բյուջե է». տնտեսագետներ
09.10.2018
13:00
Հոկտեմբերի 9-ին «Մեդիա կենտրոնում» տեղի ունեցավ քննարկում «Պետական բյուջե-2019. մարտահրավերներ և հնարավորություններ» թեմայով։
«Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները»
05.10.2018
12:00
Հոկտեմբերի 5-ին Գյումրիում, Շիրակի պետական համալսարանի մեծ դահլճում (Հասցե: Պ.Սևակ 4, Գյումրի) տեղի ունեցավ հանրային քննարկում «Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները» թեմայով։
ՅՈՒՆԻՍԵՖ-ի 2018թ. զեկույցի ներկայացում. «Հայաստանում երեխաներին ուղղված հանրային ծախսերի գնահատում»
05.10.2018
12:00
Հոկտեմբերի 5-ին «Մեդիա կենտրոնում» ՄԱԿ-ի Մանկական հիմնադրամը (ՅՈՒՆԻՍԵՖ-ը) ներկայացրեց 2018թ. իրականացրած «Հայաստանում երեխաներին ուղղված հանրային ծախսերի գնահատում» թեմայով զեկույցի արդյունքները, ըստ որի երեխաներին ուղղված հանրային ծախսերը նվազել են թե՛ ընդհանուր ծախսերի և թե՛ սոցիալական ծախսերի համեմատ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ