«Ավտոերթի մասնակիցների հետ տեղի ունեցած միջադեպը նախապես կազմակերպված էր»
03.02.2015
16:18
Բերձորում ավտոերթի ժամանակ «100-ամյակը առանց ռեժիմի» շարժման մասնակիցների հետ տեղի ունեցած միջադեպը Լեռնային Ղարաբաղի ուժային կառույցների կողմից նախապես կազմակերպված էր. համոզված են իրավապաշտպան կազմակերպությունների ներկայացուցիչները:

Այսօր «Մեդիա կենտրոնում» տեղի ունեցած քննարկմանը «Իրավունքի և ազատության կենտրոն» ՀԿ-ի նախագահ Վարդան Հարությունյանը  ասաց, որ այս դեպքը սարսափելի էր, բայց վերջին տարիների ընթացքում քաղաքական ընդդիմադիրների, հասարակական գործիչների և իշխանությունների դեմ գործող երիտասարդների նկատմամբ միշտ բռնություն ու ծեծ է կիրառվում:

«Կոնկրետ այս դեպքում ուժային կառույցների ներկայացուցիչները, հատուկ ջոկատայինները ամեն ինչ կազմակերպել էին նախօրոք, այնտեղ զինված մարդիկ կային: ԼՂՀ Ոստիկանության հայտարարությունից անգամ երևում է, որ նրանք պատասխանատվությունը վերցրել են իրենց վրա: Նրանք գործել են ոչ թե իրավապահ մարմիններին հարիր գործելաոճով, այլ ավելի շատ քրեական աշխարհին հարիր գործելաոճով»,-նշեց Հարությունյանը:

Հիշեցնենք, որ հունվարի 31-ին «100 ամյակը առանց ռեժիմի» շարժման անդամները չկարողացան իրականացնել իրենց ավտոերթը դեպի Արցախ, քանի որ մի խումբ ոստիկաններ և քաղաքացիական հագուստով անհայտ անձիք փակել էին Գորիս-Ստեփանակերտ  ավտոճանապարհը, այնուհետև բռնություն կիրառել շարժման անդամների նկատմամբ:

Այս ամենի հետևանքով ջարդվել էր ավելի քան 15 ավտոմեքենա, առգրավվել 3 տեսախցիկ, ծեծի ենթարկվել և վնասվածքներ ստացել շուրջ 20 մասնակից, որոնց թվում կային նաև լրագրողներ:

«Մեդիա կենտրոնի» քննարկմանը ներկա Հիմնադիր խորհրդարանի անդամ Գևորգ Սաֆարյանը, ով մասնակցել է ավտոերթին և ականատես եղել դեպքին, կարծում է, որ այս միջադեպը տեղի ունեցավ Հայաստանի և ԼՂՀ-ի հասարակությունների միջև անջրպետը խորացնելու համար:

«Երբ որ Արցախ արգելում են մտնել արցախյան ազատամարտի կարկառուն հրամանատարներից մեկին՝  Ժիրայր Սեֆիլյանին, և նրան ծեծում են Արցախում, սա նշանակում է, որ մենք Արցախը կորցնում ենք: Սա ռեժիմի կողմից կազմակերպված էր, որ պետք է ծեծվեն մարդիկ, ջարդվեն մեքենաներ, և միամտություն կլինի մտածել, որ ինչ-որ մարդիկ պատժվելու են»,-ասում է Սաֆարյանը:

Քննարկման մասնակից «Քաղաքացիական հասարակության ինստիտուտ» ՀԿ-ի խորհրդի նախագահ Արտակ Կիրակոսյանը ասում է, որ քրեական գործերը պետք է հարուցվեն Հայաստանում, քանի որ բռնարարքերը եղել են ՀՀ քաղաքացիների նկատմամբ:

«Ու ԼՂՀ-ն Հայաստանի իշխանությունների հետ համատեղ պետք է քննություն կատարի: Մենք դատապարտում ենք իրավապահների բացարձակ անընդունելի գործողությունները»,-նշում է Կիրակոսյանը:

Անդրադառնալով նաև ԼՂՀ-ում հասարակության տրամադրվածությանը՝ Կիրակոսյանը նշեց, որ Արցախում իսկապես գոյություն ունի Հայաստանից խիստ տարբերվող հասարակություն:

«Այնտեղ ուրիշ տրամաբանությամբ, ուրիշ ընկալումներով ապրող հասարակություն է և երկու հասարակությունների միջև այդ առումով իսկապես անջրպետ կա: Եվ ավտոերթի մասնակիցներին այդպես դիմավորելը ինչ որ չափով նաև հասարակության իրական ընկալումներն էր արտահայտում»,-նշեց Կիրակոսյանը:

Ըստ նրա՝  ապրիլի 24-ի հետ կապված անհեթեթ, ոչ խելացի և նույնիսկ տարօրինակ լոզունգներով երթ անելը Արցախի հասարակության մոտ շատ ճակատագրական է ընկալվում և ոչ սովորական ակցիա, ինչպես Հայաստանում:

Հակադարձելով Կիրակոսյանին՝ Սաֆարյանը ընդգծեց, որ Արցախի հասարակությանը ապակողմնորոշել են իրենց ավտոերթի մասին սխալ տեղեկատվություն տրամադրելով:

«Արցախում ռեժիմի կողմից տարածվել էր ինֆորմացիա, որ երթի մասնակիցները եկել են հայաստանաբնակ զինվորներին տանելու Արցախից, կամ Հայաստանի և Արցախի միջև պառակտում մտցնելու: Սա խաբեություն է, մենք գնացել էինք միավորման կոչերով»,-նշեց Սաֆարյանը և հավելեց, որ իրենք մինչև ապրիլի 24-ը շարունակելու են իրենց պայքարը հեղափոխության հասնելու համար:

 

Տեսանյութ
Print Friendly and PDF
Այլ մամլո հաղորդագրություններ
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
«Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները»
23.07.2018
13:00
Հուլիսի 23-ին Մեդիա կենտրոնում տեղի ունեցած «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ընթացքում քաղաքացիական ասամբլեայի Վանաձորի գրասենյակի ղեկավար Արթուր Սաքունցը հուլիսի 17-ին Շիրակի Փանիկ գյուղում ռուս զինվորականների մասնակցությամբ գրանցված միջադեպը գնահատեց ահաբեկչություն տեղացիների նկատմամբ․
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ