Ճանաչե՞լ ԼՂՀ անկախությունը, թե՞ չճանաչել
05.05.2016
17:00
Եթե Ադրբեջանի կողմից սանձազերծվի լայնամասշտաբ պատերազմ, կարծում եմ որ գործընթացը կսկվի ոչ միայն փոխօգնության առումով, այլև ԼՂՀ ճանաչման առումով. նման տեսակետ հնչեցրեց ԱԺ ՀՀԿ խմբակցության պատգամավոր Գագիկ Մելիքյանը երեկ «Ա1պլյուսի» հեռուստատաղավարում «Մեդիա կենտրոնի» կազմակերպած բանավեճի ժամանակ:

«Սա Կառավարությունում քննարկված նախագիծ է և գործընթացի սկիզբ, որը կարող է նաև հետագայում ԱԺ-ում քննարկման դրվել, եթե իրավիճակի լուրջ փոփոխություններ և արտաքին նպաստավոր պայմաններ մեզ համար արձանագրենք»,-ասաց Մելիքյանը:

Հիշեցնենք, որ մայիսի 5-ին ՀՀ Կառավարությունը հավանության արժանացրեց Հայաստանի կողմից ԼՂՀ անկախությունը ճանաչելու մասին օրինագիծը:

Բանավեճին մասնակցող ԱԺ Ժառանգություն խմբակցության պատգամավոր Թևան Պողոսյանի կածիքով՝ եկել է ժամանակը, որ Հայաստանը իսկապես մի քայլ անի ապացուցելու աշխարհին և հենց նույն Ադրբեջանին, որ եթե մենք միշտ ասել ենք, որ եթե սկսվի պատերազմ, Հայաստանը միանգամից կնախաձեռնի ճանաչման խնդիրը:

 «Մենք չենք ասել ուղղակի նրա համար, որ չհավատան...Մենք իսկապես լուրջ ենք տրամադրված, պատրաստ ենք ռազմական ձևով էլ պաշտապնվել, պետք եղավ քաղաքական ձևով էլ ու սա համար մեկ օրակարգային խնդիր պետք է դառնա»,-նշեց Պողոսյանը:

ՀԱԿ արտաքին կապերի պատասխանատու Վլադիմիր Կարապետյանը, ով նույնպես մասնակցում էր բանավեճին, ասում է. «Փաստորեն քննակում տեղի չունեցավ էլ, Հովիկ Աբրահամյանը հիմնական զեկուցողի խոսքը լսելուց հետո, կարճ նետեց, թե հարցեր կա՞ն: Որևէ  հարց չլինելու դեպքում, անմիջապես հաստատեց: Այսինքն քննարկում չի եղել, հետևաբար սա ինչ-որ որոշում է կայացված նման գործընթաց նախաձեռնելու համար:  Ես հակված եմ կարծելու, որ ականջալուր են լինում Լևոն Տեր-Պետրոսյանի 2008-ի նոյեմբերի հանրահավաքին իշխանություններին ասված այն առաջարկությանը, որ պատեհ ժամանակն է, որ ԱԺ-ն ճանաչի ԼՂՀ անկախությունը և ընթացակարգով ուղարկի նախագահականի աշախատակազմ, իսկ աշխատակազմը որոշումը կարող  է առկախել և  օգտագործել այն ժամանակ, երբ դրա անհրաժեշտությունը կլինի»,-ասաց Կարապետյանը:

Կարապետյանի կարծիքով` խորհրդարանում նույնպես կարող են բովանդակային քննարկումներ լինել այս հարցի վերաբերյալ:

«Ես որևէ վտանգ չեմ տեսնում, եթե իսկապես ԱԺ-ն էլ քննարկի ու համապատասխան որոշումով հանդես գա»,-հավելեց Կարապետյանը:

Բանավեճին մասնակցող Արա Պապյանն ասաց, որ հայկական կողմը արդեն երկար ժամանակ է, այս ճանաչման և չճանաչման հացը օգտագործում է որպես ճնշման լծակ Ադրեբջանի վրա՝ որպես վերջին մի փամփուշտ:

«Եթե ու ունես մի փամփուշտ, ապա դա պահում ես վերջում օգտագործելու համար: Կարծում եմ այս գործըթնացը ավելի երկար կտեևի, չեմ կարծում Կառավարությունը հավանություն տվեց և Աժ կուղարկվի ու այնտեղ միանգամից կքվերակեն, կհաստատեն: Այս գործընթացը դեռ կերկարի»,-ասաց Պապյանը:

Նրա խոսքով՝ բոլորը հասկանում են, որ բանակցային ճանապարհով ղարաբաղյան հարցը լուծում չունի,  բայց միևնույն ժամանակ որևէ կողմ չի ուզում բանակցային գործընթացը խափանելու բուն մեղադրանքը իր վրա վերցնել:

«Թեև մենք հստակորեն կարող ենք մեղադրել Ադրբեջանին բազմաթիվ անգամ զինադադարը խախտելու համար»,-հավելեց Պապյանը:

Լիլիթ Առաքելյան, «Մեդիա կենտրոն» ծրագրի խմբագիր-համակարգող:

Հեղինակի հետ կապվելու համար գրեք Lilitarakelyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
«Նոր ձևավորված խորհրդարան. որո՞նք են լինելու իշխանություններին վերահսկելու և հակակշիռներ ձևավորելու մեխանիզմները»
14.12.2018
17:00
Դեկտեմբերի 14-ին «Մեդիակենտրոնի» նախաձեռնությամբ «Ա1պլյուսի» տաղավարում առցանց ուղիղ հեռարձակմամբ անցկացվեց հեռւոստաբանավեճ «Նորձևավորվածխորհրդարան. որո՞նքենլինելուիշխանություններին վերահսկելուև հակակշիռներ ձևավորելումեխանիզմները» թեմայով:
Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված Հեքըթոն
13.12.2018
12:30
Դեկտեմբերի 13-ին Մեդիա կենտրոնում տեղի ունեցավ մամուլի ասուլիս` նվիրված 2018թ-ի դեկտեմբերի 15-16-ը անցկացվող`Տեխնոլոգիական լուծումների միջոցով սեռով պայմանավորված բռնությունների նվազեցմանն ուղղված «Geeks Against Gender-Based Violence (GBV)» Հեքըթոնին:
«Մարդու իրավունքների խախտումները ՔԿՀ-ներում 2017-2018 թթ»
13.12.2018
11:00
Դեկտեմբերի 13-ին «Մեդիա կենտրոնում» տեղի ունեցավ հանրային քննարկում «Մարդու իրավունքների խախտումները ՔԿՀ-ներում 2017-2018 թթ.» թեմայով։
«Նկարիչների միության անդամներին մտահոգող խնդիրներն ու ներկայացվելիք առաջարկները»
12.12.2018
13:00
Դեկտեմբերի 12-ին «Մեդիա կենտրոնում» տեղի ունեցավ ՀՀ Նկարիչների միության համագումարին ընդառաջ մամուլի ասուլիս «Նկարիչների միության անդամներին մտահոգող խնդիրներն ու ներկայացվելիք առաջարկները» թեմայով:
«Մարդու իրավունքները 2018-ին. տարվա ամփոփում»
12.12.2018
11:00
Դեկտեմբերի 12-ին «Մեդիա կենտրոնում» տեղի ունեցավ մամուլի ասուլիս «Մարդու իրավունքները 2018-ին. տարվա ամփոփում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ