Հայաստանը Ռիգայի գագաթնաժողովից մեծ ակնկալիքներ չէր կարող ունենալ
27.05.2015
13:00
Հայաստանի համար ԵՄ Արևելյան գործընկերության Ռիգայի գագաթնաժողովի հիմնական արդյունքներն այն էին, որ Բրյուսելը և Երևանը շարունակելու են վիզաների ռեժիմի դյուրացման և նոր պայմանագրի պատրաստման ուղղությամբ երկխոսությունը: Այդ մասին «Մեդիա կենտրոնում» հայտարարեցին օրերս Ռիգայում կայացած ԵՄ Արևելյան գործընկերության քաղաքացիական հասարակության ֆորումին Հայաստանի մասնակիցները:

Մայիսի 21-22-ին Ռիգայում կայացած Եվրամիության Արևելյան գործընկերության գագաթնաժողովի արդյունքում ընդունված հռչակագրից պարզ է դառնում, որ Եվրամիությունը շարունակելու է երկխոսել «արևելյան գործընկերների» հետ, բայց այս անգամ ցուցաբերելով ավելի տարբերակված մոտեցում: Փորձագետները և Եվրամիության ներկայացուցիչները դա բնական են համարում, քանի որ Արևելյան գործընկերության ծրագրում ընդգրկված երկրները Եվրամիության հետ ինտեգրացիայի տարբեր մակարդակներում են գտնվում: Եվրոպական միության տարբերակված քաղաքականության որդեգրման մասին նախկինում հնչող ենթադրությունները հաստատեց ԵՄ հանձնակատար Յոհաննես Հանը Ռիգայի գագաթնաժողովից առաջ տված մամուլի ասուլիսի ժամանակ: 

Եվրասիական տնտեսական միություն մտնելուց հետո, ըստ Գլոբալիզացիայի եւ տարածաշրջանային համագործակցության վերլուծական կենտրոնի խորհրդի նախագահ Ստեփան Գրիգորյանի, Հայաստանը Ռիգայի գագաթնաժողովից մեծ ակնկալիքներ չէր կարող ունենալ: «Հայաստանին գագաթնաժղովը շատ բան չէր կարող տալ, բայց մի ոլորտ կա, որում կարևոր արդյունք գրանցեցինք: Քանի որ Հայաստանը վիզաների հարցում տեխնիկական առաջընթաց ունի, բարձրացրեցինք Հայաստանի համար նոր առաջընթացի դուռ բացելու հարցը: Այդ առաջարկը ընդունվեց և տեղ գտավ գագթնաժողովի հռչակագրում», - նշեց Ստեփան Գրիգորյանը:

«Հանրային արձագանք ԵՄ Արևելյան գործընկերության Ռիգայի գագաթնաժողովի արդյունքներին» թեմայով «Մեդիա կենտրոնում» մայիսի 27-ին Ստեփան Գրիգորյանի, «Բաց հասարակության հիմնադրամներ-Հայաստանի» գործադիր տնօրեն Լարիսա Մինասյանի և Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի մասնակցությամբ անցկացվեց քննարկում: Բանախոսները, ովքեր մասնակցել էին Ռիգայում օրերս կայացած ԵՄ Արևելյան գործընկերության քաղաքացիական ֆորումին, կիսվեցին իրենց դիտարկումներով և նկատառումներով:

 Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը քննադատաբար մոտեցավ հարցին՝ նշելով, որ Ռիգայի գագաթնաժողովը ոչինչ չտվեց Հայաստանին, քանի որ Երևանը «պատրաստ չէր որևէ բան վերցնել»: «Սակայն կարևոր եմ համարում, որ ֆորումում առնվազն արձանագրվեց քաղբանտարկյալների ազատման հարցը», - նշեց իրավապաշտպանը՝ կարևորելով քաղաքացիական հասարակության ընդգրկվածության խնդիրը Հայաստանի եվրոպական ինտեգրացիայի գործընթացում:

Նրա խոսքով, քաղաքացիական հասարակության ֆորումի ժամանակ արձանագրվեց այն հանգամանքը, որ Արևելյան գործընկերության ծրագրի գլխավոր մարտահրավերը Ռուսաստանի քաղաքականությունն է: Ըստ այդմ նա եզրակացրեց, որ մինչև Եվրամիությունն Արևելյան գործընկերության տեսակետից չձևակերպի իր անելիքները Ռուսաստանի մասով, «մենք հաջողություն չենք արձանագրի»: Այս տեսանկյունից, վստահ է բանախոսը, կա սահմանափակում Հայաստան-ԵՄ հարաբերությունների զարգացման համար:

«Այդ սահմանափակումը Եվրասիական տնտեսական միությունն է, որին անդամակցել է Հայաստանը: Այս առումով ՀՀ իշխանությունները համապատասխան օրենսդրական բազա են ձևավորում», - հավելեց նա:

«Բաց հասարակության հիմնադրամներ-Հայաստանի» գործադիր տնօրեն Լարիսա Մինասյանն իր խոսքում ևս շեշտեց քաղաքացիական հասարակության ներգրավվածության կարևորությունը եվրոպական ինտեգրացիայի գործընթացում:

«Հայաստան-ԵՄ նոր համաձայնագրի հույսեր կան, այդ ուղղությամբ արդեն լուրջ քայլեր արված են, և Եվրամիության կողմից մանդատ ստանալու դեպքում կսկսվեն բանակցություններ: Այս անգամ գլխավոր ձեռքբերումը կլինի այն, որ գործընթացը լինի հանրության համար բաց, որպեսզի քաղաքացիական հասարակությունն իր մեջ ներուժ գտնի բանակցելիք հարցերի շուրջ ունենալ դիրքորոշում և ծավալել քննարկումներ», - պարզաբանեց Մինասյանը:

Քննարկման ավարտին բանախոսներն ընդգծեցին, որ Եվրոպական միությունը բաց է Հայաստանի հետ հարաբերությունների զարգացման համար, և ՀՀ-ից է կախված Բրյուսել-Երևան համագործակցության խորացման հեռանկարները:     

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

Տեսանյութ
Print Friendly and PDF
Այլ մամլո հաղորդագրություններ
Կորոնավիրուս՝ ՔԿՀ-ներում. կանխել հնարավո՞ր էր
04.04.2020
17:30
Երեկ հայտնի դարձավ, որ «Վարդաշեն» ՔԿՀ պահպանության բաժնի 5 աշխատակիցների մոտ կորոնավիրուս է ախտորոշվել, ևս 28-ը մեկուսացված են, կատարվում է նմուշառում։
Թեմայի շուրջ Մեդիա կենտրոնը զրուցել է «Սոցիալական արդարություն» ՀԿ նախագահ, քրեական արդարադատության, ԵԽ բանտային ու պրոբացիոն համակարգերի փորձագետ Արշակ Գասպարյանի հետ։
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Հայտարարություն
02.04.2020
18:00
Մարտի 31-ին Ազգային ժողովն ընդունեց օրենսդրական փաթեթ, որը կոչված է Հայաստանում արտակարգ դրության պայմաններում կառավարությանը տրամադրել համավարակի տարածումը կանխելու լրացուցիչ գործիքներ՝ սահմանափակելով անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքները։
Արցախում բազմակարծությունը հաղթեց. ընտրությունները միանշանա՛կ հաջողված են
01.04.2020
18:40
Մարտի 31-ին Արցախում տեղի ունեցած նախագահական ընտրություններում նախագահի թեկնածու Արայիկ Հարությունյանն ստացավ ձայների 49,26% -ը, Մասիս Մայիլյանը՝ 26,4%-ը, Վիտալի Բալասանյանը` 14,7%-ը։ Քանի որ թեկնածուներից որևէ մեկը 50 տոկոսից ավելի ձայն չի հավաքել, ապրիլի 14-ին Արցախում տեղի կունենա նախագահական ընտրությունների 2-րդ փուլը։
Նախագահական ընտրություններին զուգահեռ ՝անցկացվեցին նաև խորհրդարանական ընտրություններ: Ամենաբարձր՝ 40 % ձայն ստացավ Արայիկ Հարությունյանի գլխավորած «Ազատ Հայրենիք» քաղաքական ուժը։
Մեր զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Տոտալ վերահսկողության չինական մոդել․ ինչպես կաշխատի Հայաստանում․ Դավիթ Սանդուխչյան
01.04.2020
13:59
Ազգային ժողովը երեկ՝ մարտի 31-ին, երկրորդ անգամ արտահերթ նիստ հրավիրեց, երկրորդ ընթերցմամբ ընդունեց քաղաքացիների տեղաշարժը, հեռախոսազանգերի շրջանակը հասանելի դարձնելու նախագիծը: Ինչով էին պայմանավորված օրենսդիր մարմնի շուտափույթ գործողությունները: Ինչ նպատակ է հետապնդում իշխանությունն այս օրինագծով, որքանով է այն կիրառելի, ինչի մասին է խոսում միջազգային փորձը. այս և այլ հարցերի մասին Մեդիա կենտրոնը զրուցել է Կանադայում բնակվող իրավաբան Դավիթ Սանդուխչյանի հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ