«Ազատազրկված անձանց իրավունքների պաշտպանությունը Հայաստանում. 2014թ.-ի ամփոփումը»
26.12.2014
11:00
Այսօր «Մեդիա կենտրոնում» հրավիրված ասուլիսին ՀՀ Արադարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդական խմբի անդամները ներկայացրեցին 2014-ի ընթացքում ազատազրկված անձանց իրավունքների խախտման դեպքերը:

Հասարակական դիտորդական խմբի նախագահ Ռուբեն Սարգսյանը ասաց, որ ամենամեծ խնդիրը վաղաժամկետ ազատման, խցերի գերծանրաբեռնվածության և բժշկական սպասարկման խնդիրն է:

«Ահազանգերի թիվը գնալով աճում է: Բայց մի դրական կողմ կա, որ Արդարադատության նախարարությունը և վարչությունը սկսել են ավելի թափանցիկ աշխատել»,-ասաց Սարգսյանը:

Հասարակական դիտորդական խմբի դիտորդ Հասմիկ Հարությունյանը նշեց, որ ՔԿՀ-ներումպատժից վաղաժամկետ ազատման  ինստիտուտը և պատժի հետ անհամատեղելի ծանր հիվանդությունների հիմքով պայմանական վաղաժամ ազատման ինստիտուտը Հայաստանում բավականին վատ է գործում:

«ՔԿՀ-ներում մատների վրա կարող ենք հաշվել այ դեպքերը, որ անձը պայմանական վաղաժամկետ ազատվել է: Հիմնականում հանձնաժողովը մերժում է այդ դիմումները: Ներկայացվող դիմումների թիվը գնալով մեծանում է վերջին տարիներին, բայց վերջնական արդյունքովˋ բավարարվող դիմումների թիվը նվազում է: Օրինակˋ2013-ին  դիմում է ներկայացրել 5460 դատապարտյալ,  հանձանժողովին ներկայացվել է ընդամենը 960-ը, որից անկախ հանձնաժողովը հավանության է արժանացրել 273-ին և վերջնական բավարարվել է 261 դիմում»,-ընդգծեց  Հարությունյանը:

Հասարակական դիտորդական խմբի դիտորդ Նարե Մեսրոպյանը էլ նշեց, որ ՔԿՀ-ներում բժիշկ-մասնագետների համալրման խնդիր կա:

 «Կան ՔԿՀ-ներ, որտեղ առահասարակ բժիշկ գոյություն չունի և դատապարտյալը բուժսպասարկում չի ստանում մասնագետի կողմից: Մեծ է նաև  մասնագետների վերապատրաստման հարցը: Քանի որ քիչ չեն հոգեկան խնդիրներ ունեցող դատապարտյալները, նաև հոգեբույժների ներգրավվածության հարցը կա: Բուժսարքավորումներն ու դեղորայքների ցանկը մեծացնելու, համալրելու խնդիրը նույնպես առկա է»,-ասաց Մեսրոպյանը:

Հասարակական դիտորդական խմբի դիտորդ Արայիկ Զալյանն էլ հավելեց, որ իրենք առաջարկ են ներկայացրել, որպեսզի  բուժսպասարկման ոլորտը ոչ թե  քրեակատարողական վարչության ենթակայության ներքո լինի, այլ առողջապահության նախարարության, որը կլուծի նաև  բժիշկների պակասի խնդիրը:

Հասարակական դիտորդական խմբի դիտորդ Սերգեյ Գաբրիելյանը անդրադարձավ ՔԿՀ-ներում նույնասեռականների և հետերոսեքսուալների նկատմամբ խտրական վերաբերմունքին:

«Գրեթե բոլոր ՔԿՀ-ներում խտրական վերաբերմունք կա նույնասեռականների և հետերոսեքսուալների նկատմամբ: Նրանց համար կան հատուկ խցեր, որոնք ամենաանբարենպաստ պայմաններով են: Նույնասեռականներին հանձնարարվում է ամենստորացուցիչ աշխատանքըˋ մաքրել զուգարանները, հատակը, սանհանգույցները, կոշիկները, բոլոր խցերը, թափել աղբը: Նրանց հետ վերաբերվում են անմարդկային ձևով: Ճաշարաններից նույնասեռականները չեն կարող օգտվել այնպես, ինչպես բոլորը: Նրանց սպասքը առանձնացված է: Նրանք ամբողջովին մեկուսացված են մյուս դատապարտյալներից»,-ասաց Գաբրիելյանը:

Ըստ դիտորդական խմբի արձանագրած խախտումներիˋ կարևորագույն խնդիր է նաև արգելված իրերի մուտք գործելը ՔԿՀ:

«Թե ինչպես է այդ իրը հայտնվում ՔԿՀ-ում, լուրջ ծառայողական ուսումնասիրություն չի կատարվում: Բացի այդ ՔԿՀ-ներում կա խնդիր, որ հացադուլավորների համար հատուկ սենյակներ չկան»,-հավելեց Արայիկ Զալյանը:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ