«Հասարակական կարծիքի ուսումնասիրության» արդյունքները
24.12.2014
11:00
«Հասարակական հետազոտությունների առաջատար խումբ» ՀԿ-ն այս տարի անցկացրել է «Հասարակական կարծիքի ուսումնասիրության» հետազոտություն, որի նպատակն է եղել վեր հանել ՀՀ Սահմանադրության մեջ առկա խնդիրներն ու բացթողումները, ինչպես նաև բնակչության ակնկալիքները սահմանադրական փոփոխություններից:

Հետազոտության առաջին մասում իրականացվել են 36 խորին հարցազրույց՝ հիմնված հարցման տվյալների վրա: Հետազոտության երկրորդ փուլում իրականացվել է քանակական հարցում ամբողջ Հայաստանի տարածքով 1300 բնակիչների շրջանակում:

«Ըստ բնակչության շրջանում անցկացված ուսումնասիրության՝  հարցվածների  61,1% կարծում է, որ սահմանադրական բարեփոխումները ժամանակավրեպ են, դրանց կարիքը չկա: Հարցվածների 33,9% կարծում է, որ Հայաստանի զարգացումը հիմնականում սխալ ուղղությամբ  է ընթանում, իսկ 49.5%` միանգամայն սխալ»,-  այս մասին երեկ «Մեդիա կենտրոնում» տեղի ունեցած ասուլիսի ժամանակ ասաց  «Հասարակական հետազոտությունների առաջատար խումբ» ՀԿ-ի նախագահ Ռուբեն Սարգսյանը:

«Հասարակական հետազոտությունների առաջատար խումբ» ՀԿ-ի փորձագետ Հերիքնազ Տիգրանյանը նշեց, որ բնակչության շրջանում հարցվածների 56 տոկոսի կարծիքով, իրավունքների խախտման պատճառը օրենքների չկիրառման մեջ է:

«Այսինքն ոչ թե խնդիրը օրենսդրական նորմերի ձևակերպումներն են, այլ հակառակը՝  նորմերը կան, ձևակերպված են և բավականին լավ: Պարզապես այդ հստակությամբ իրավակիրառություն չեն ապահովում»,-ասաց Տիգրանյանը:

Ազգային փոքրամասնությունների մասին հարցման ժամանակ մարդիկ պատասխանել են, որ նրանց պետք է ավելի շատ իրավունքներ տալ:

«Այս առումով, փաստորեն, մեր հասարակության մեջ տոլերանտություն կա: Կրոնական փոքրամասնությունների մասով մենք ունենք 27 տոկոս, ովքեր այն կարծիքին են, որ ոչինչ պետք չէ փոխել: Իսկ ավելի խտացված պատկեր ունենք սեռական փոքրամասնությունների դեպքում: Անհանդուրժողականությունը մեծ է, և մարդկանց մեծ մասը կարծում է, որ պետք է սահմանափակել նրանց իրավունքները»,-հավելեց Տիգրանյանը:

Իրականացված ուսումնասիրության ընթացքում նաև վեր է հանվել բնակչության կարծիքը երկրի սոցիալ-տնտեսական վիճակի, Հայաստանում առկա խնդիրների, ընտրական իրավունքի և ընտրական համակարգի, Հայաստանի ժողովրդավարության, միջազգային միավորումներին Հայաստանի նախընտրելի անդամակցության նախապատվությունների (ՄՄ, թե ԵՄ) և մի շարք այլ հարցերի շուրջ:

«Ըստ հարցվածների՝ Հայաստանում Եվրամիության կողմնակիցները գտնում են, որ Հայաստանը զարգանում է սխալ ուղղությամբ, իսկ ՄՄ-ի կողմնակիցները, ովքեր մտածում են, որ մենք սխալ ուղղությամբ ենք գնում, շատ քիչ տոկոս են կազմում: Այն հարցին, թե ինչպիսի՞ն են տեսնում Հայաստանի ապագան, հարցվածների 5 տոկոսը պատասխանել է, որ գնալով վիճակը լավանում է, իսկ 72 տոկոսը կարծում է, որ գնալով վիճակը վատանում է»,-ասաց Ռուբեն Սարգսյանը:

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ