Հայաստանի փակ հաստատություններում համակարգային դրական փոփոխություններ չեն եղել
15.12.2014
13:00
Հայաստանի քրեակատարողական հիմնարկներում (ՔԿՀ) վերջին 10 տարիների ընթացքում համակարգային դրական փոփոխություններ տեղի չեն ունեցել: Փոփոխությունները եղել են հատվածական, սակայն համակարգային խնդիրները՝ ազատազրկման վայրերում քրեածին բարքերը, բուժ սպասարկման ցածր մակարդակը, խցերի գերծանրաբեռնվածությունը, կալանքի՝ որպես խափանման միջոց տոտալ կիրառումը և կոռուպցիան, պահպանվում են:

Մասնագետները նշում են, որ փակ հաստատություններում, հատկապես՝ ՔԿՀ-ներում, շարունակվում է խնդիր մնալ կապի միջոցների հասանելիությունը կանալանավորների համար, ինչպես նաև դրանից բխող կոռուպցիոն ռիսկերը: 

«Սա շատ կարևոր խնդիր է և ունի կարգավորման կարիք, քանի որ առաջացնում է շատ մեծ կոռուպցիոն ռիսկեր: Կալանավայրերում արգելված է բջջային հեռախոս պահելը, բայց շատերը այդ կապի միջոցից օգտվում են, ինչն անհնար է իրականացնել առանց քրեակատարողական հիմնարկների աշխատակիցների գիտակցության: Սա կոռուպցիոն փակ շղթա է, որի պահպանումը ձեռնտու է և՛ կալանավորներին, և՛ կալանավայրերի աշխատակիցներին», - հայտարարեց Հելսինկյան Քաղաքացիական ասամբլեայի Վանաձորի գրասենյակի նախագահ Արթուր Սաքունցը:

«Մեդիա կենտրոնում» դեկտեմբերի 15-ին տեղի ունեցավ քննարկում «Մարդու իրավունքների իրավիճակը փակ հաստատություններում. 2014թ.-ի ամփոփում» թեմայով, որի ժամանակ ներկայացվեց փակ հաստատություններում մարդու իրավունքների խախտման դեպքերը  և իրավապահ մարմինների գործողությունների գնահատականը:

Միջոցառմանը մասնակցում էին Մարդու իրավունքների պաշտպանի գրասենյակի աշխատակազմի բռնությունների կանխարգելման վարչության պետ Երանուհի Թումանյանցը, ՀՀ Ոստիկանության հերթապահ ծառայության վարչության պետ, ոստիկանության փոխգնդապետ Վահրամ Աբրահամյանը, Հելսինկյան Քաղաքացիական ասամբլեայի Վանաձորի գրասենյակի նախագահ Արթուր Սաքունցը և ՔԿՀ-ներում և մարմիններում հասարակական վերահսկողության իրականացնող հասարակական դիտորդական խմբի նախագահ Ռուբեն Սարգսյանը: 

Սաքունցի կարծիքով կալանավայրերում բուժսպասարկման խնդրի կարգավորման համար կարևոր է, որպեսզի ծառայությունը իրակականցնի ոչ թե ՔԿՀ-ը, այլ  առորղջապահության նախարարությունը: «Սա կարևոր է նաև այն տեսանկյունից, որ բուժ ծառայության որակից բողոքների դեպքում, կոնկրետ հասցեատեր կլինի, ում կարելի է դիմել», - հավաստեց նա: Սաքունցը խնդիր համարեց նաև կալանավայրերի աշխատակիցների և կալանավորների հարաբերությունները` այս տեսանկյունից կարևորելով ՔԿՀ-ի աշխատակիցների որակավորման հարցը: «Հայաստանում մինչ օրս չկա ՔԿՀ-ի աշխատողներին պատրաստող կրթական ինստիտուտ»,- նշեց նա:   

Մարդու իրավունքների պաշտպանի գրասենյակի աշխատակազմի բռնությունների կանխարգելման վարչության պետ Երանուհի Թումանյանցը հույս հայտնեց, որ 2015թ. կլուծվի ՔԿՀ-ներում բուժօգնություն հատկացնելու ու ՔԿՀ-ներում պահվող առողջական խնդիրներ ունեցող անձանց նկատմամբ այլ խափանման միջոց ընտրելու գործընթացն ավելի արագ կարգով կկատարվի:

Թումանյանցը կարևորեց կալանավայրերի խցերի գերծանրաբեռնվածության խնդիրը, երբ խցում կալանավորները քնում են հերթով: «Արմավիր քրեակատարողական հիմնարի շահագործումից հետո, այս խնդիրը պետք է, որ որոշակիորեն լուծվի, բայց դեռ հիմնարկը չի շահագործվել»,- նշեց նա, միևնույն ժամանակ հավելելով, որ ՔԿՀ-ների խցերի գերծանրաբեռնվածության թեթևացման համար կարևոր է կալանքի՝ որպես խափանման միջոցի համատարած կիրառման պրակտիկայի կրճատումը: «2013 թվականի տվյալներով միայն 3% դեպքերում է պատահել, որ դատարանը չի կիրառել կալանքը որպես խափանման միջոց: Մյուս 97% դեպքերում դատարանը բավարարել է քննչական մարմնի պահանջը», - մանրամասնեց Երանուհի Թումանյանցը:

Հայաստանի 11 ՔԿՀ-ներից Նուբարաշեն քրեակատարողական հիմնարկն է ամենագերծանրաբեռնվածը: «Այնտեղ պահվում է նախատեսվածից թվով 153 կալանավոր ավել», - նշեց ՔԿՀ-ներում և մարմիններում հասարակական վերահսկողության իրականացնող հասարակական դիտորդական խմբի նախագահ Ռուբեն Սարգսյանը: Ամեն դեպքում, նրա կարծիքով՝ համար առաջին խնդիրը կալանավորների համար, ինչից վերջիններս շատ են բողոքում, պայմանական վաղաժամկետ ազատման ոչ հստակ կանոնակարգն է: «Մեծ բացթողում է, որ վաղաժամկետ ազատման մասին որոշումները բողոքարկելու հնարավորություն չկա, եթե չեն խախտվել ընթացակարգերը», - նշեց նա: 

Իր հերթին ՀՀ Ոստիկանության հերթապահ ծառայության վարչության պետ, ոստիկանության փոխգնդապետ Վահրամ Աբրահամյանը տեղեկացրեց, որ Առողջապահության նախարարության հետ համագործակցություն առկա է, բայց միայն ոստիկանության գծով: «Ոստիկանությունն ու առողջապահության ոլորտը համագործակցում են: 2014թ. ինն ամիսների ընթացքում եղել է 321 իրազեկում ՁՊՎ-ներում մարմնական վնասվածքների գրանցման վերաբերյալ»,- մանրամասնեց նա՝ կարևորելով ՔԿՀ-ի աշխատողներին պատրաստող հատուկ կրթական ծրագրի առկայության հարցը:

Միևնույն ժամանակ նա անուղղակիորեն հանաձայնեց, որ առկա է խնդրիր կալանքի՝ որպես խափանման միջոցի համատարած ընտրման հարցում: «Այստեղ դրական տեղաշարժեր կան, քանի որ եղել են դեպքեր, երբ դատարանը չի բավարարել քննչական մարմնի պահանջը՝ ընտրել կալանք՝ որպես խափանման միջոց: Կարծում եմ՝ նման դեպքերը կավելանան», - ամփոփեց Վահրամ Աբրահամյանը:  

Տեսանյութ
Print Friendly and PDF
Այլ մամլո հաղորդագրություններ
Խորհրդային անցյալի գնահատման տարբերությունները ներկա ու նախկին վերնախավերի մոտ
18.07.2018
11:00
Քաղաքագետ Էդգար Վարդանյանը «Սպիտակեցումից դեպի դատապարտում. մինչհեղափոխական և հետհեղափոխական իշխող քաղաքական վերնախավի մոտեցումները Հայաստանի սովետական անցյալի նկատմամբ» թեմայով հետազոտության արդյունքում հանգել է այն եզրակացությանը, որ խորհրդային ավտորիտար կառավարման վերաբերյալ ներկա ու նախկին իշխանական վերնախավերը բոլորովին տարբեր վերաբերմունք ունեն։
«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։

«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ