Ադրբեջանահայ փախստականների չլուծված խնդիրները 27 տարի անց
26.02.2015
11:00
Ադրբեջանից բռնագաղթած հայերը 27 տարի անց էլ շարունակում են ահազանգել սոցիալական խնդիրների, քաղաքացիությունը պարտադրաբար ստանալու, բանակցային գործընթացից և քաղաքական օրակարգից դուրս մնալու հարցերի մասին, որոնք հերթական անգամ բարձրաձայնվեցին այսօր «Մեդիա կենտրոնում» տեղի ունեցած քննարկման ժամանակ:

«Հանուն հավասար իրավունքների» նախաձեռնության հետ համագործակցությամբ կազմակերպված քննարկման ժամանակ «Փախստականները և միջազգային իրավունքը» քաղաքացիական հասարակության ցանցի համակարգող Էլեոնորա Ասատրյանն ասաց, որ Հայաստանում այս տարիների ընթացքում դրվել է փախստականներին հայաստանյան հասարակությանն ինտեգրելու խնդիրը, մինչդեռ Ադրբեջանում իրականացվել են միանգամայն այլ գործընթացներ:

«Ադրբեջանում տարիներ առաջ մշակվել է «Մեծ վերադարձի ծրագիրը», որն այսօր էլ ուժի մեջ է և սպասում է իր լուծմանը` «մադրիդյան սկզբունքների» շրջանակներում, որն այսօր քննարկվում է Ղարաբաղյան հակամարտության բանակցային սեղանի շուրջ, նախատեսում է ադրբեջանցի փախստականների վերադարձ իրենց նախկին բնակության վայրերը, մինչդեռ Հայաստանի կառավարության անդամները պարբերաբար ասում են, որ ադրբեջանահայ փախստականների հարցը կորոշվի արդեն կարգավիճակի հարցը որոշվելուց հետո»,-ասում է Ասատրյանը` հավելելով, որ կարգավորումից հետո անդրադառնալ ադրբեջանահայ փախստականների խնդիրն, ուղղակի անիմաստ է:

Ասատրյանն ասում է, որ իրենց կազմակերպությունն աշխարհի տարբեր երկրներից ունի շուրջ 35.000 դիմումներ ադրբեջանահայ փախստականներից, որոնք խնդրում են Ադրբեջանում կրած իրենց զրկանքների համար որպես փոխհատուցում հատկացնել Լեռնային Ղարաբաղի ազատագրված տարածքները:

Փախստականների խնդիրներով զբաղվող ՀԿ-ներն ահազանգում են միջազգային հանրության փախստականների խնդրի ասիմետրիկ մոտեցման մասին՝ շեշտելով, որ ադրբեջանցի փախստականների խնդիրները մշտապես ուշադրության կենտրոնում են, մինչդեռ հայ փախստականների հարցին հաճախ չեն էլ անդրադառնում:

«Եվ սա մեր իշխանությունների խնդիրն է, իրենք չեն բարձրացնում խնդիրները»,- շեշտում է Ասատրյանը:

Բաքվեցի համերկրացիների «Միասնություն» ՀԿ նախագահ  Ռոբերտ Խաչատուրյանն ասում է, որ Հայաստանի ղեկավարները շատ հեշտ ճանապարհ են ընտրել փախստականների հարցերը լուծելու համար:

«Բոլորին բաժանեցին անձնագրեր, բոլորը դարձան Հայաստանի քաղաքացիներ, և հարցը լուծվեց, սակայն հարցը բնավ լուծված չէ: Այն, որ նրանք ասում են, որ լուծել են փախստականների բնակության հարցը, այդ էլ լուծված չէ: Նրանք մեզ տվել են 13 քառակուսիանոց սենյակ, որը և՛ խոհանոց է և՛ հյուրասենյակ և՛ ննջասենյակ և՛ բաղնիք: Դա հարցի լուծո՞ւմ է, սուտ է, թե փախստականների հարցը լուծված է»,-ասում է Խաչատուրյանը` հավելելով, որ կորցրել են հավատը Հայաստանի իշխանությունների նկատմամբ:

Փախստականները չեն ցանկանում ստանալ ՀՀ քաղաքացիություն, քանի դեռ լուծված չեն նրանց սոցիալական, քաղաքական, փոխհատուցման խնդիրները, նրանք պատմում են, որ հաճախ լինում են դեպքեր, երբ միջազգային կազմակերպությունների հումանիտար օգնություն տրամադրում են միայն փախստականի կարգավիճակ ունեցող անձանց, մինչդեռ արդեն քաղաքացիություն ստացածներն էլ նույն սարսափելի սոցիալական վիճակում են:  

Ադրբեջանահայերը նշում են, որ չեն ցանկանում վերադառնալ Ադրբեջան: Վերադառնալ ցանկացողները միայն շահումյանցիներն են:

«Ահազանգ» ՀԿ-ի գործադիր տնօրեն  Ջուլիետտա Երեմյանցն ասում է, որ փախստականների արդեն Հայաստանում ծնված երեխաները լիովին ինտեգրվել են Հայաստանին և իրենց հայրենիքն են համարում Հայաստանը:

«Սակայն փախստականների հարցերը դեռևս լիովին լուծված չեն, եթե լուծված լինեին, բոլորն էլ մեծ հաճույքով կընդունեին Հայաստանի քաղաքացիություն»,-ասում է Երեմյանցը:

Երեմյանցը հավելում է, որ հաճախ իշխանությունները տեղյակ էլ չեն, թե ինչ է կատարվում, իրենց թվում է` իրապես լուծել են փախստականների խնդիրները:

«Նախագահի ընտրությունների նախօրեին, երբ այսօր գործող նախագահը հանդիպում էր ունենում Նոր Նորքում, ես հարցրեցի նրան` իսկ ե՞րբ է լուծվելու փախստականների խնդիրները, նա ասաց. «20 տարի է անցել, դեռ փախստական կա՞ այստեղ», ես մեկ այլ հարց էլ տվեցի, թե մեր փոխհատուցման հարցը ինչ պետք է լինի. ասաց. «Ինձ ինչու եք ասում, Ալիևին դիմեք»: Սա էր մեր նախագահի պատասխանը» - պատմում է Երեմյանցը:

 

Տեսանյութ
Print Friendly and PDF
Այլ մամլո հաղորդագրություններ
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
«Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները»
23.07.2018
13:00
Հուլիսի 23-ին Մեդիա կենտրոնում տեղի ունեցած «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ընթացքում քաղաքացիական ասամբլեայի Վանաձորի գրասենյակի ղեկավար Արթուր Սաքունցը հուլիսի 17-ին Շիրակի Փանիկ գյուղում ռուս զինվորականների մասնակցությամբ գրանցված միջադեպը գնահատեց ահաբեկչություն տեղացիների նկատմամբ․
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ