Բոլոնյան բարեփոխումները Հայաստանում դոփում են տեղում
07.05.2015
12:00
Թեպետ 2005 թ.-ից Հայաստանի բարձրագույն կրթական համակարգում ընթանում են բոլոնյան բարեփոխումները, այնուամենայնիվ շատերն անգամ հստակ պատկերացում չունեն դրանց մասին: Փորձագետների կարծիքով՝ ռեֆորմների մասին ամբողջական պատկերացում չունեն ոչ միայն ուսանողները, այլև պրոֆեսորադասախոսական կազմը:

«Հիմնական խնդիրն այն է, որ բոլոնյան ազատական կրթական համակարգի ռեֆորմները Հայաստանում փորձում են իրականացնել վերևից ներքև սկզբունքով, ինչը հակասում է հենց ռեֆորմների ոգուն», - հայտարարեց փորձագետ Սամվել Կարաբեկյանը՝ հավելով, որ ուղղահայաց մոտեցման պատճառով բարեփոխումները անհասկանալի են շատերի համար: «Բարեփոխումները չեն հասել լսարան», - կարճ հավելեց նա:

«2005-ից ընթացող բոլոնյան ռեֆորմների ազդեցությունը ՀՀ բարձրագույն կրթության զարգացման վրա» թեմայով փորձագետներ Սամվել Կարաբեկյանի, Հրանուշ Խառատյանի, Եվրոպական ուսումնասիրությունների կենտրոնի դասախոս Արևիկ Անափիոսյանի և Հայաստանի ուսանողական ասոցիացիայի ներկյացուցիչ Էրիկ Վարդանյանի մասնակցությամբ «Մեդիա կենտրոնում» մայիսի 7-ին տեղի ունեցավ քննարկում:

Ըստ Կարաբեկյանի՝ բարձրագույն կրթության համակարգում բարեփոխումների կառուցվածքային և բովանդակային ասպեկտների մասին հստակ պատկերացում չկա նաև բուհերում իրականացվող սխալ տեղեկատվական քաղաքականության պատճառով:

«Բացի ճիշտ իրականացվող տեղեկատվական աշխատանքից՝ բուհերը պետք է ունենան ինքնավարություն, ինչի մասին շատ ենք խոսում: Սակայն բուհերի ներսում ոչ մի ինքնավարություն էլ չկա: Այսպիսով մենք իրականացնում ենք մի բարեփոխում, որը չունի համապատասխան աջակցություն, իրականացվում է այն մեթոդներով և միջոցներով, որոնք հակասում են բարեփոխումների գաղափարին», - նշեց փորձագետը:

Փորձագետները կարևորում են բոլոնյան կրթական համակարգի ամբողջական ներդրումը, քանի որ այն հնարավորություն է տալիս ինտեգրվել եվրոպական կրթական տարածքին: Տվյալ համակարգը բերում է նաև իր հետ նոր կրթական կառուցակարգեր և բովանդակություն:

«Այժմ մենք ունենք նոր կառուցակարգեր, որոնք, ըստ ընդունված փաստաթղթերի, ներդրված են և նորմալ գործում են: Իրականում այդ կառուցակարգերը դեռ չունեն բովանդակություն: Ընդհանրապես այս համակարգի հաջողությունը կախված է պրոֆեսորադասախոսական կազմից, որն այսօր կտրված է գիտական աշխատանքից և վերապատրաստման կարիք ունի», - նշեց Հրանուշ Խառատյանը՝ հավելելով, որ Հայաստանում հին կրթական համակարգն արդեն գոյություն չունի, իսկ նորը դեռ չի ստեղծվել:

Կրթական բորեփոխումը, նշում է Խառատյանը, չի կարող արագ արդյունք տալ. ժամանակ է պետք: «Կրթական ռեֆորմը չի կարող արագ արդյուքն տալ և արագ ներդրվել, քանի որ կապ ունի մարդկային ռեսուրսների հետ: Օրինակ՝ գիտնականին կայանալու համար անհրաժեշտ է 20 տարի», - հավելեց փորձագետը՝ նշելով բարեփոխումների իրականացման թերություններն իրենց զգացնել կտան բոլոր ոլորտներում՝ սկսած կրթությունից մինչև տնտեսություն և պետության ընդհանուր զարգացում:

Բարեփոխումների հիմնական նպատակը, ըստ Արևիկ Անափիոսյանի, կրթության պատվիրատուին՝ ուսանողին, որակյալ կրթություն տրամադրելն է, որպեսզի նա մրցունակ լինի աշխատաշուկայում: «Իսկ դրա համար դասախոսներին պետք է տրամադրել համապատասխան մեթոդաբանություն, որ կօգնի ապահովել նաև կրթական նոր բովանդակություն: Այժմ բուհերում դասախոսների մեծ մասը հիմանականում զբաղված է բուն կրթական գործընթացով: Նրանց համար չեն ապահովված պայմաններ, չի հատկացված ժամանակ սեփական զարգացման և գիտությամբ զբաղվելու համար», - պարզաբանեց նա:

Էրիկ Վարդանյանը ևս փաստեց, որ ուսանողների մեծ մասը հստակ պատկերացում չունի, թե ինչ է բոլոնյան կրթական համակարգը: Այդ եզրակացությանը նա եկել է Հայաստանի ուսանողական ասոցիացիայի վերջերս անցկացրած հետազոտության արդյունքում: «Հետազոտության շրջանակներում մենք հարցում անցկացրեցինք ուսանողների շրջանում: Պարզվեց, որ մեծ մասը մակերեսային և ընդհանրական պատկերացում ունի այդ համակարգի մասին», - տեղեկացրեց Վարդանյանը:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ