Հայաստանում և տարածաշրջանում աճում է սեռավարակներով հիվանդների քանակը
18.12.2014
11:00
Հայաստանում տարեցտարի ավելանում են ՄԻԱՎ-ով և սեռավարակներով հիվանդների հայտնաբերման դեպքերը: Այս տարի դեկտեմբերի 1-ի դրությամբ Հայաստանում գրանցվել է 305 ՄԻԱՎ վարակի դեպք: Այդ մասին հայտարարեց Մաշկաբանության և սեռավարակաբանության բժշկագիտական կենտրոնի անանուն խորհրդատվության և հետազոտման ծառայության համակարգող Հովհաննես Հովհաննիսյանը:

Նա կարևորեց խնդիրը՝ նշելով, որ սեռավարակի առկայության անգամ մեկ դեպքը Հայաստանի համար շատ խնդրահարույց է, քանի որ այն իրենից ներկայացնում է վերարտադրողական ֆունկցիաների խանգարումներ:

«Վերջին տարիների ընթացքում Հայաստանում սեռավարակների քանակը ավելացման միտում է դրսևորում: Սեռավարակներից հատկապես ֆլամիդիոզը գրանցել է արագ զարգացում: Մյուս կողմից, խնդիրը հետազոտելուց պարզ կդառնա, որ ոչ թե ավելացել են սեռավարակների քանակը, այլ աճել է մասնագիտացված կենտրոնների թիվը, որտեղ բացահայտվում և գրանցվում են սեռավարակները»,- հայտարարեց Հովհաննիսյանը դեկտեմբերի 18-ին «Մեդիա կենտրոն»-ում տեղի ունեցած ասուլիսի ժամանակ՝ նվիրված «Սեռավարակների տարածման իրավիճակը Հայաստանում. ՄԻԱՎ-ով դեպքերի աճ 2014-ին» թեմային:

Նրա կարծիքով Հայաստանում բավականին դժվար է ճշգրիտ գնահատել սեռավարակների տարածման աստիճանը և ՄԻԱՎ-ով վարակված մարդկանց քանակը, ինչը պայմանավորված է գոյություն ունեցող կարծրատիպերով: «Մեր երկրում դեռ առկա է կարծրատիպը, որ բժշկի դիմելն ամոթ է: Բժշկի դիմելու համար հաճախ մարդիկ, ասենք, Սպիտակից գնում են Վանաձոր, իսկ Վանաձորից՝ Սպիտակ, որպեսզի հիվանդության մասին ոչ ոք չիմանա: Այդ պատճառով սեռավարակի ճշգրիտ քանակության բացահայտումը շարունակելու է մեր երկրում խնդիր մնալ»,- հայտարարեց նա՝ հավելելով, որ այդ կերպ մարդիկ ցանկանում են խուսափել իրենց շրջապատի հնարավոր բացասական վերաբերմունքից:

Սեռավարակների տարածման ռիսկային խմբերն են, ըստ Հովհաննես Հովհանիսյանի, միգրանտները, որոնք գնում են արտագնա աշխատանքի Ռուսաստանի Դաշնություն, որն ունի սեռավարակների տարածման բարձր ցուցանիշներ, և մարմնավաճառները: «Մարմնավաճառների մոտ սեռավարակ հիվանդությունների տարածվածությունը հասնում է մինչև 60%, ինչը մտահոգիչ ցուցանիշ է»,- վկայեց մասնագետը:

Ինչպես տեղեկացրեց Հովհաննիսյանը՝ Հայաստանում սիֆիլիսով հիվանդների քանակը շատ ավելի քիչ է, բայց դա չի խոսում այդ հիվանդությամբ վարակվածների քանակի կրճատման մասին: «Ուղղակի մարդիկ քիչ են դիմում բժշկի ու, ըստ այդմ, հիվանդությունը տեսանելի չէ հիմա: Բայց մեկ կամ երկու տարի հետո այն կարող է պայթունի տեսքով ի հայտ գալ», - կարծում է Հովհաննիսյանը:

Ըստ ասուլիսի բանախոս՝ Ուկրաինայում «ՄԻԱՎ/ՁԻԱՀ Ալիանսի» ԵՄ ծրագրի տարածաշրջանային տնօրեն Լեսյա Խմելի՝ տարածաշրջանում սեռավարակների թեման մնում է խնդրահարույց: «Ըստ UNAIDS-ի համաշխարհային զեկույցի՝ մեր տարածաշրջանում արձանագրվել է սեռավարակների 5 տոկոս աճ` 110 հազար նոր դեպք: Խնդիր է ոչ միայն բուժումը, այլև կանխարգելումը, ինչը ենթադրում է հասարակության տեղեկացվածության մակարդակի բարձրացում խնդրո առարկայի մասին»,- նշեց Խմելը:

Նա տեղեկացրեց, որ Համաշխարհային ֆոնդը շուտով կդադարեցնի ֆինանսավորումը ԵՄ Արևելյան գործընկերության երկրներում (Ուկրաինա, Բելոռուս, Մոլդովա, Հայաստան, Վրաստան  Ադրբեջան) մասնագիտական կառույցներին ՄԻԱՎ/ՁԻԱՀ վարակների դեմ պայքարի հարցում: «Այդ պարտականությունը իրենց վրա պետք է վերցնեն համապատասխան երկրների կառավարությունները: Ֆոնդի Ֆինանսավորումը պետք է փոխարինել պետական ֆինանսավորմամբ, որի ուղղությամբ մենք աշխատանքներ իրականացնում ենք», - ասաց Լեսյա Խմելը:

Ամփոփելով ասուլիսը՝ երկու բանախոսներն էլ սեռավարակների կանխարգելման հարցում կարևորեցին դպրոցներում սեռական դաստիարակության մասին համապատասխան գիտելիքների տրամադրումը: 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ