Երգչախմբային արվեստի նկատմամբ հետաքրքրությունը աճել է
03.06.2015
12:00
Հայ երգչախմբային դիրիժորների ասոցիացիան սկսել է փառատոնային մեծ արշավ Հայաստանի բոլոր մարզերում: Այս տարվա մայիսի 27-ին Գեղարքունիքի մարզի Գավառ քաղաքում անցկացվեց «Հայաստան՝ իմ աշխարհ» խորագրով մանկապատանեկան երգչախմբային արվեստի փառատոնը, որին մասնակցեց 12 երգչախումբ:

Այսօր «Մեդիա կենտրոնում» տեղի ունեցած մամլո ասուլիսին Հայ երգչախմբային դիրիժորների ասոցիացիա ՀԿ-ի համահիմնադիր, գործադիր տնօրեն և դիրիժոր Քրիստինե Շերոյանը ասաց, որ փառատոնին մասնակցել է ամբողջ մարզը:

«Շուրջ 12 երգաչախմբեր արվեստի և երաժշտական դպրոցներից, ազգագրական երգ ու պարի անսամբլներից: Ընդհանուր առմամբ ունեցանք 250 մասնակից 8-20 տարիքային խմբում: Մինչ փառատոնի անցկացումը, մենք աջակցել էինք երգչախմբերին՝ ուղարկելով նրանց նոտաներ, գրականություն, ինչպես նաև անցկացրել վարպետության դասեր: Այս փառատոնը նվիրված էր Հայոց Ցեղասպանության 100-րդ տարելիցին և ավելի շատ ազգային, հայրենասիրական գործերի կատարումներ էին»,-նշեց Շերոյանը:

Ասուլիսի մասնակից Հայ երգչախմբային դիրիժորների ասոցիացիա ՀԿ-ի փոխնախագահ Հասմիկ Վարդանյանը ասաց, որ այս փառատոների միջոցով, իրենք միտում ունեն մարզերում զարգացնել խմբերգային արվեստը, կրթել և դաստիարակել երեխաների մեջ այդ սերը հայկական երգչախմբային արվեստի նկատմամբ, և իհարկե, սովորեցնել երգեցողության առանձնահատկությունները:

«Մենք այս ծրագիրը փորձում ենք դարձնել ամենամյա: Գավառի փառատոնը երկրորդն էր: Առաջինը տեղի էր ունեցել Գյումրիում անցյալ տարի հոկտեմբերին, որը նույնպես մեծ արձագանք ունեցավ: Այնտեղ նույնպես ելույթ ունեցավ մոտ 300 երեխա: Ճիշտ է, այսօր մարզերում շատ են սոցիալական խնդիրները, բայց մեզ համար խիստ կարևոր է երեխաների հոգևոր կրթությունը»,-հավելեց Վարդանյանը:

Հաջորդ երգչախմբային արվեստի փառատոնը ասոցիացիան նախատեսում է անցկացնել Սյունիքում այս տարվա սեպտեմբերին:

Հայ երգչախմբային դիրիժորների ասոցիացիա ՀԿ-ի անդամ, Երևանի Պետական Կամերային Երգչախմբի երկրորդ դիրիժոր, Ալ. Սպենդիարյանի անվան երաժշտական դպրոցի դիրիժոր Լիլիթ Եդիգարյանը, ով նույնպես մասնակցում էր ասուլիսին, ասաց, որ մարզերում երեխաները լավ հնարավորություններ ունեն լավ մասնագետների մոտ երգչախմբային արվեստի դասեր անցնելու համար:
«Արևի նման լուավոր, պայծառ մանուկներ են և ոչ պակաս պայծառ մանկավարժներ, որոնք պատրաստ են իրենց գիտելիքները փոխանցել, իրենց ներուժը ունենալ ուսուցման գործում: Պարզապես պետք է այդ փոխադարձ կապը պահպանվի Երևանի և մարզերի երգչախմբերի միջև և պարբերաբար այդ միասնական աշխատանքը տարվի»,-նշեց Եդիգարյանը:

Նա հավելեց, որ վերջին տարիներին երգչախմբային արվեստի նկատմամբ հետաքրքրությունը աճել է:

«Մարդիկ վերադարձել են երգեցողությանը: Պրոգրես է նկատվում նաև երաժշտական դպրոցներ երեխաներին ուղղորդելու, երաժշտական կրթության տալու առումով»,-ընդգծում է Եդիգարյանը:

Քննարկման մասնակից Հայ երգչախմբային դիրիժորների ասոցիացիա ՀԿ-ի անդամ, Կ. Սարաջևի անվան երաժշտական դպրոցի դիրիժոր Անահիտ Սարգսյանը նշում է, որ մարզերում նման փառատոերը իրական տոնի են վերածվում:

«Պարզապես ես շատ կցանկանայի, որ նոտաների, գրականության հարցում օգնեինք մարզերի երգչախմբերին, քանի որ մարզեր այցելեիս առաջին հարցը, որ մեզ ուղղում են վերաբերում է նոր գրականությանը: Արդյոք կան նոր գրքեր, որ տանենք իրենց»,-ասաց Սարգսյանը:

Եդիգարյանը հավելեց, որ այսօր լուրջ խնդիր կա կապված հայկական ստեղծագործությունների քանակի հետ:

«Հայ երգչախմբային արվեստի ոլորտում ստեղծվող մանկական խմբերգային սստեղծագործությունների քանակը չի համապատասխանում գործող երգչախմբերի քանակին: Ի տարբերություն ռուսական և արևմտյան ստեղծագործությունների՝ հայ երիտասարդ կոմպոզիտորների ստեղծագործությունները այս առումով քիչ են, ուստի կոչ կանեինք մեր կոմպոզիտորներին, որ ավելի շատ ստեղծագործություններ ունենան և մեր երգչախմբերը կատարեն»,-հավելեց Եդիգարյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

 

Տեսանյութ
Print Friendly and PDF
Այլ մամլո հաղորդագրություններ
Ադրբեջանի հարձակումը Արցախի, Հայաստանի Հանրապետության վրա, միջազգային արձագանքը
29.09.2020
15:30
Սեպտեմբերի 29-ին, ժամը 15։30-ին, Մեդիա կենտրոնը անցկացրեց հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ Ադրբեջանի հարձակումը Արցախի, Հայաստանի Հանրապետության վրա, միջազգային արձագանքը:
«Առցանց կրթություն․ փորձ և փորձանք»
25.09.2020
17:30
Սեպտեմբերի 25-ին՝ ժամը 17։30-ին, «Մեդիա կենտրոնի» նախաձեռնությամբ «Ա1 պլյուսի» ուղիղ հեռարձակմամբ անցկացվեց առցանց հեռուստաբանավեճ «Առցանց կրթություն․ փորձ և փորձանք» թեմայով։



«ԱԺ մոնիտորինգ. 7-րդ գումարման Ազգային ժողովի 4-րդ նստաշրջանի դիտարկման արդյունքները»
25.09.2020
12:00
Սեպտեմբերի 25-ին, ժամը 12:00-ին, «Մեդիա կենտրոն»-ում տեղի ունեցավ մամուլի ասուլիս «ԱԺ մոնիտորինգ. 7-րդ գումարման Ազգային ժողովի 4-րդ նստաշրջանի դիտարկման արդյունքները» թեմայով։

Վատ խաղաղությու՞ն, թե՞ լավ պատերազմ
24.09.2020
12:00
Սեպտեմբերի 24-ին, ժամը 12:00-ին, Մեդիա կենտրոնի սրահում տեղի ունեցավ հանդիպում-զրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ «Վատ խաղաղությու՞ն, թե՞ լավ պատերազմ»:
Մանկատանը երեխաներին ծեծում են, նվաստացնում. ինչու՞ է դա հնարավոր
24.09.2020
11:00
Սեպտեմբերի 24-ին, ժամը 11:00-ին, Մեդիա կենտրոնում տեղի ունեցավ քննարկում «Մանկատանը երեխաներին ծեծում են, նվաստացնում. ինչու՞ է դա հնարավոր» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...