Իրացման գոտի. կարծիքների բախում
29.11.2013
12:00
Երևանի բնակիչ Լյուբով Փիլոյանը Հայաստանի դատական ներպետական ատյանները սպառելուց հետո դիմելու է Մարդու իրավունքների Եվրոպական դատարան (ՄԻԵԴ): Այժմ գործը քննության է սպասում ՀՀ վարչական վերաքննիչ դատարանում. ասաց Փիլոյանի փաստաբան Արթուր Գրիգորյանը «Մեդիա կենտրոնում» անցկացված քննարկման ժամանակ:

Գրիգորյանը նշեց, որ իր վստահորդ Փիլոյանը բաժնեմաս է ունեցել Արամի 38 հասցեի անշարժ գույքում: Տարածքը ճանաչվել է հանրային գերակա շահ և օտարվել: Վերաքննիչ դատարանում պետության և Փիլոյանի միջև կնքվել է հաշտության համաձայնություն, ըստ որի պայմանների՝ Փիլոյանին նույն հասցեում որպես փոխհատուցում է տրամադրվել 332,6 քառ. մետր մակերեսով հողամաս:

«Վճիռը մտավ օրինական ուժի մեջ: Տարիներ շարունակ հարկադիր կատարողները անօրինական պատճառաբանություններով վճիռը չէին կատարում: Յուրաքանչյուր դեպքում ստիպված ենք եղել հարկադիր կատարողների որոշումները վիճարկել վարչական դատարանում: Վաչական դատարանը միշտ որոշում է կայացրել հարկադիր կատարողների որոշումների անօրինական լինելու մասին»,- ասաց Արթուր Գրիգորյանը:

2008թ. Երևանի քաղաքապետը որոշել է վճռի հիման վրա Լյուբով Փիլոյանին հատկացված հողամասն ուղղակի վաճառքով օտարել «Սոգլասիե Արմենիա» ՍՊԸ-ին: Այս անգամ արդեն ՀՀ վարչական դատարանը 2013թ. հուլիսի վճռով Լյուբով Փիլոյանի հայցը մերժել է՝ որոշելով, որ կնոջը փոխհատուցում չպիտի տրվի:

Գրիգորյանը հավելեց, որ «Սոգլասիե Արմենիա» ՍՊԸ-ն կապված է ռուսաստանաբնակ հայազգի գործարար Արա Աբրահամյանի ընտանիքին: «Մեզ մոտ պետական շահը և կառուցապատողի շահերը, տվյալ դեպքում «Սոգլասիե Արմենիա»-ի շահերը, նկատի են ունեցվում որպես նույն շահեր: Այսօր դատարանները արդեն անզոր են «Սոգլասիե Արմենիա»-ի դեմ վճիռ կայացնել»,- ասաց Արթուր Գրիգորյանը:

Քննարկմանը ընթացքում «Սոգլասիե Արմենիա» ՍՊԸ-ի ներկայացուցիչ, փաստաբան Աշոտ Աբրահամյանը պնդեց, որ ՍՊԸ-ն երբևէ չի եղել իրացնող կազմակերպություն և որևէ քաղաքացու հետ պայմանագիր չի կնքել: Իրացնող է եղել Երևանի քաղաքապետարանը: Տարածքը «Սոգլասիե Արմենիա»-ն 2008թ. ձեռք է բերել ՀՀ-ից և իրականացրել կառուցապատման աշխատանքներ:

«Ես անձամբ չեմ գտնում, որ դատական համակարգում սխալներ են թույլ տրված: Կոնկրետ Արամի 38-ի հետ կապված գործընթացը կանոնակարգված էր ՀՀ օրենսդրությամբ: Մեծ կասկածներ ունեմ, որ սա ՄԻԵԴ կհասնի»,- արձագանքեց Աբրահամյանը:

«Իմ ունեցվածքը վաճառել են օլիգարխի, իսկ քաղաքապետարանը օժանդակել է դրան»,- վրդովված բղավեց Լյուբով Փիլոյանը, ով ներկա էր քննարկմանը:

Քննարկման մյուս բանախոսը՝ «Պետական կարիքների զոհեր» ՀԿնախագահ Սեդրակ Բաղդասարյանը նշեց, որ «Սոգլասիե Արմենիա»-ի ջանքերով ոչնչացվել են Արամի 34, 36 պատմամշակութային շենքերը, իսկ Արամի 38 հասցեում՝ վիճարկվող հասցեում, գտնվում էր Ստեփան Շահումյանի տունը:

Բաղդասարյանի խոսքով՝ օտարման գործընթացի հետևանքով ներկայում Երևանում 365 ընտանիք «բոմժի կարգավիճակում է»: Նա նշեց, որ մինչ այժմ Հայաստանը ՄԻԵԴ վճիռների հիման վրա պետբյուջեից 550 հազար դոլար է փոխհատուցել իրացման գործընթացի հետևանքով տուժած քաղաքացիներին:

Նոյեմբերի 29-ին «Մեդիա կենտրոնում» անցկացվեց քննարկում՝ «Իրացման գոտի. երկարատև խնդիրներ և դատական գործընթացներ» թեմայով: Քննարկման բանախոսներն էին Սեդրակ Բաղդասարյանը՝ «Պետական կարիքների զոհեր» ՀԿ նախագահ, Արթուր Գրիգորյանը՝ փաստաբան, Աշոտ Աբրահամյանը՝ «Սոգլասիե Արմենիա» ՍՊԸ-ի ներկայացուցիչ, փաստաբան:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ